近期網誌簡介


2008年12月21日星期日

金 魚


倪震夜店濕吻女大學生張茆,從他和同居十九年的「女朋友」周慧敏齊齊迅速以文筆漂亮的聲明宣布分手,數天後再以 V 型反彈類似精神分裂式的宣布結婚,效率之高堪稱神奇,如果比喻金融海嘯經濟救亡的話,倪生此舉可說是起死回生。縱使旁人議論紛紛說他對不起周慧敏,浪子回頭也蓋不了他的負情債,但既然女方願意下嫁,是好是醜是倪生有辦法還是周小姐很天真很傻,人家要結婚,心邪咀咒或陰謀論估計別人往後一生遭遇,我個人認為十分多餘。但畢竟觀眾或泛道德家總有一種食住花生等睇戲你死你賤等拍手掌的心態,猜猜度度過癮無比,最好倪生一生人再多點行差踏錯,或周小姐忽然勾佬,又可以用平價的道德哲理品評一番,期待新一輪的六國大封相。

本文並非探討倪生濕吻何時結婚離婚是「才子」還是「財子」,也不是研究「周慧敏玉女掌門人與耶和華的聖潔地位比較」,更不會深究「張茆的俏皮照片反映她個人性格是否淫娃」等等,倪生很有本領去識不同女子已非首次,證明他在這方面確有一手,嚴格來說,他溝女上床或濕吻之類,不可以說他犯法,因為理解上,一眾女士都是自願,絕非倪生施行強姦,這反映了什麼?


周慧敏的分手聲明上說的「周慧敏... 已是另一面孔的倪震」,不如把其引伸,其實倪生也是香港女性的另一面孔,是女人最喜歡的男士人辦,只是女人口說不喜歡但心裡愛到死罷了。


倪生富有否?不是。
倪生是否滿肚墨水權威學者?明顯不是。
倪生是否絕頂英俊,風靡萬千女性?似乎不見得。
倪生就算不是闊少爺,他事業是否如日沖天? 更加不是。


如果依上述理解,照道理倪生基本上是沒有所謂「溝女條件」,就算溝女,也可能要花費無比毅力,表現出自己是有言有信的好男人,根據香港目前的「過了廿五歲等於老餅」和「香港男人普遍很廢」的港式 Hello Kitty 醒目潮女標準下,他溝不到女是正常,溝到醜女是幸運,溝到美女就簡直比他父親倪匡寫的科幻小說還要科幻,不能想象。


不如我膽敢問一個問題:倪生溝女本領的賣點是什麼?


倪生鬼馬之處,在於他不止一次而且樂此不疲又無數成功鐵證地溝到不錯的女孩,除了身材樣貌不俗之外,她們都是年青少女,而他同居多年的所謂「玉女」掌門人,她是大美人,大美人當年可有其他更好選擇,你可以認為玉女長情,也可說玉女肯降低要求,但大美人始終喜歡倪生。


倪生外型高高瘦瘦白白淨淨,這是香港電視劇血統培養下的港式女性審美標準,倪生就是那種「斯斯文文做寫字樓好好仔」的表面形象,最重要是他還有足夠頭髮。面尖尖的,白白的,像弟弟的,又帶點憂鬱的,間中會給妳一個淫淫地的笑容,也會用那種中年得來帶點幼氣的悲劇主角無敵眼神望一下妳,他的目光像要和妳山盟海誓,他一揮手巴不得要和妳跳一 part Tango,還要加個超華麗轉身再跟手一枝超驚艷紅玫瑰,是女人的綺夢,男人的羨慕。


某程度上我個人認為倪生本身就是金魚佬,只不過他的金魚技法水皮得來剛剛符合港式女性的品味而已。橋,不怕你舊最緊要受;橋,不怕你屎,最緊要妳喜歡那種臭。我幾乎可肯定倪生如果全面撰寫關於「港女」的文章,他本身就是一位殿堂級權威,他就是最深刻明白港女的人,正如共產黨的主導思想綱領上,必先要清楚了解人民想法,才可有效地迷惑民眾,一擊即中,你自然會信,深信不移,犀利過滴血為盟。


不計那位玉女,請恕我直言,倪生一直以來所溝的女士,有入行資歷淺的 Model ,其他都是半紅不黑或俗點說「無乜機會紅得起」的所謂青春女藝人。今次濕吻的大學女生張茆,更加是小人物,身材美貌不是沒有,但在大陸幾乎一街都係,知名度全無,難聽點說,只是一名返學穿穿短裙仔化妝勁過的士高猜梅女拳手得閒溝溝仔一身字母名牌手袋並且在威望麻麻的「大學」就讀而且是付費的交換生,即是和路人甲乙丙無分別。張茆的外型,在旺角遍地都是,在深圳例牌遇到,衰一點說句,在深圳東莞落酒吧,幾乎任何一位辣舞打令也型過她靚過她姣過她。張茆是小人物,只是她不知怎解和這位年過四十無錢死剩把口的過氣觀音兵「打車輪」而已,弊就弊在背後有個皇上皇玉女耶和華,於是事件才被鬧大。


不談張茆,就說倪生。


為何倪生溝女這麼得心應手?


不少香港新時代女性是這樣的:樣貌不算很美總之比一般三尖八角的路人婆仔好一點身材未到飛機場學歷未到無工做人有美腿妳又曬曬大脾的半高低女孩是最臭串的,一方面很認為自己應該是名媛,又想做女性專業才俊可惜又無讀書頭腦,一心想嫁得好識個叻仔就算無鑽石馬車也起碼做哎吔少奶奶,未結婚也要做型人潮女夠型夠串夠古惑夠醒目,我有我精彩卡數還不清名牌手袋伴妳左右,日日要 Clubbing Dating Firting 見有錢男人就考慮 Fucking ,乳溝 Deep V T-Back 晚晚勁舞 Facebook msn 仲慘過神打標童, LKF 是妳的家晚晚齊參加跳舞跨啦啦,扮鬼妹仔見唐人講番話見到鬼佬口啞啞,痴痴呆呆坐埋一檯 Vodka 全部放上檯,我好型我好醒青春未過廿五無得頂,老實男人死開啦本小姐大把本錢等住才俊來 Phone Call 。這些型爆潮女,有什麼人可駕馭?


口甜舌滑古惑仔。(古惑仔不一定指黑社會,甜言哄人也是古惑之一種)


除了型人潮女,當然還有小乖乖美白 OL,很多 OL 都有一些集體嗜好,包括閱覽雜誌 Ball 場版看那些肥腫難分或醜到無倫但出身富貴的名媛動態;還有深信賣十元八塊由九唔搭八妹妹仔寫的雜誌女性專欄,天天愛情偉論,抄抄電視劇抄抄台灣肉麻八婆戀愛觀,深得人心,不要問,信了才算。在辦公室既享有時代女性的工作地位,但 OL 名堂好聽薪水又不是很優厚,男同事又普遍地觀音兵,明白了 OL 的生態環境,只要男人夠哈巴, OL 一定笑哈哈。


相信倪生從二十年前的「Yes」時代開始,對香港女性市場已經瞭如指掌。到今時今日,他無財,他不俊美,他不滿肚墨水,但他上帝之手一出,話之你玉女潮女型女 OL 公主,倪生看準的,戰無不勝,其他人很難學到。


倪生,就是天生的溝女王,此話不帶貶義,有市場就有他的生機,慘得過就是有這樣的市場,吹他不脹的。

35 則留言:

Betty 說...

倪生同玉女结婚, 感觉上有种赌仔斬手指戒赌 feel.

>>>日日要 Clubbing Dating Firting 見有錢男人就考慮 Fucking ,乳溝 Deep V T-Back 晚晚勁舞 Facebook msn 仲慘過神打標童, LKF 是妳的家晚晚齊參加跳舞跨啦啦,扮鬼妹仔見唐人講番話見到鬼佬口啞啞 .....

真系好好笑, 笑到颠!!!

匿名 說...

哈哈... 寫得好寫得妙.

匿名 說...

我覺得你講得幾啱,倪生睇落真係唔出眾,但又溝女溝得咁惦,係有佢嘅辦法...你指出左班女仔心中想要嘅嘢,咁倪生咪惦晒囉...
倪生溝女惦,啲女咪又係卜埋去 ...

匿名 說...

同意,好多女仔話唔鍾意,個心又愛到死,倪 X 正正睇中呢 d 機會囉。

** 飛雪素素 ** 說...

點解個題目叫金魚嘅﹖同周慧敏有冇關係﹖

匿名 說...

haha..陳生你寫o野越來越出神入化,拳拳入肉"窩"得好應,好想問你點樣可以句子寫得咁長又通順,果段講 LKF 好絕 :)

** 飛雪素素 ** 說...

hahaha excuse me.. already found my answer =) We all found your descriptions even more entertaining than the article itself hahaha..

匿名 說...

{不少香港新時代女性是這樣的:.....等住才俊來 Phone Call...}

這段一針見血,說的好中!






路過的人.

聶秀康 說...

那要看看誰上釣啊!那張小姐擺明hea下果隻,廿零歲青春無敵吾會同你過人世.玉女嘛...精神有問題心理大問題冇晒自身價值品格雖然吾係佢偷食,但佢同佢結婚就是認同佢的行為認同呢種偷腥再原諒的心態...就算呢世冇人要都吾洗揀個爛番茄.況且事實係周小姐還很好啊!

匿名 說...

其實你會唔會有興趣出書?專講世代同男女問題。

cons, 08.

陳大文部落 說...

Bottle Babe :

笑多啲,身材都靚啲。

陳大文部落 說...

FISH :多謝,你都妙極吖。

rita :倪生其實好嘢的。

12月22日 星期一 上午12:06 匿名:我好想向倪生學習學習,我講真的。

陳大文部落 說...

星期一 上午2:46 匿名: 多謝,大家都神化。( 咁 reply 係咪 行貨呢?? )

陳大文部落 說...

Nancy Babe :

點解咁夜仲唔訓呢,妳件 Deep V 婚紗揀好未呢?

陳大文部落 說...

聶秀康:

其實我從來覺得周慧敏係完全唔識唱歌,而且唱歌唱得好難聽,唔係屬於舞台上的人,佢唔係話唔靚,但要木口木面果種「木美人」至覺得佢幾靚。

老實講,周慧敏係八十年代尾至九十年代初走紅,當時香港經濟好到不得了,藝人求其有些條件都會搵到錢的。

我仲記得當時「星光卡拉 OK」,一隻劉德華 Karaoke LD 賣 $1100! 周慧敏 LD 賣 $ 890!反映當年啲人真係多錢得滯。

我只係覺得周慧敏係有條件,但似乎被我同年齡的 Fans 神化了。

老實講,十幾廿歲的人很少會喜歡周慧敏,做得佢 Fans 通常三十或以上,腦海裡仍然是十八年前的日本 feel 美少女 Vivian。

我覺得「玉女」對她其實是一種諷刺,她自己都明白人不能長春不老,「玉女」名聲只是一項負擔。

這是我的個人見解。

陳大文部落 說...

星期一 下午2:22 匿名:

好多謝你咁睇得起我,其實我要出書唔難,這話絕非...自負...,自資出書就可以一張支票搞惦,價錢 $ 17000,而家可能仲會平左添。


( 但可能我拎錢拎稿去到出版社,出版社都話:唔好搞我地啦陳生 ~ 咪玩啦,放過我地啦,多謝你啦...@@" )


我最怕係出書出就出左喇,但永遠得個擺字,客人連打書釘都嫌費事,結果出版社打電話來:「阿陳生呀,書店無位擺喇,你搵日收番果堆嘢啦,喂紙價每斤價錢高呀,你快啲推去賣啦下 ~」...


又或者我得閒得滯,去書店「觀察銷售情況」,啲人一見我本「杰作」,異口同聲:「喂屌無嘢丫嘩...真係識字就出書....」


唔好失禮街坊喇真係...。

Betty 說...

喂紙價每斤價錢高呀,你快啲推去賣啦下 ~ 记得要阿笃尿落去, 可以重磅 D 吖.

陳大文部落 說...

Bottle babe :

Um....放心,痾篤尿落我本杰作呢種情況應該唔會發生,因為我嘅杰作,起碼都十九幾年後至會面世,作為獻世之舉,都 OK 嘅。

咦,係呢,你會唔會有新一輯爆炸泳裝照呢?無嘢,聖誕大家開心下嗟...

聶秀康 說...

大文君,
想講好耐但又驚說我人身攻擊,係我印象中周的代表作應是果套'大時代'做慳妹,其我都冇乜認真睇過.至於唱歌我無乜印象邊首係經典,偶然看過她的演唱會片段,真係請我都吾會去...好似小朋友唱歌咁,勁似寶珠姐.睇反佢後生D相都幾potato,木口木面五觀係標緻但個樣冇乜性格人地話乜就ok的順得人,有一點重要的是她咁早紅咁早出道,可能讀書吾多學問不夠,米會咁崇拜偽才子law.又冇乜思想主張,所以比倪生食住.就算而家個樣都叫做keep得到,但佢衣著打扮真真係麻,以說係好求其,至於倪生我吾覺得佢有幾子或靚仔連靚都談不上,如果地吾係娛樂圈中人從外表來講祇可以叫做順眼的一對,可能係我眼中外表吾係放在第一位啦!能地結婚都係合理的為被此都覺得很對方係好的,倪生於周是才子,周倪生是永遠的玉女或米飯主.

latcho 說...

看起來,陳公子對袁彌明十分有興趣wor, 請問何解?

而倪生又為何和金魚有關? 如果倪生本身就是金魚佬, “金魚佬”將成為很多人的新目標.

陳大文部落 說...

latcho :

[ 如果倪生本身就是金魚佬,“金魚佬”將成為很多人的新目標..]


>>> 應該掉番轉,係好多人 ( 女仔 )成為金魚佬的目標。

事實上倪生真係好多目標。

WYJIMMY 說...

很認同大文兄的說法, 他絕對是一位成功的金魚佬, 金魚佬可能對很多人是貶義, 但起碼倪生真的樂此不疲...

我們有一個什麼的市場, 自然便會有什麼的生意, 忠直勤力的男人只是一頭牛, 有錢豪花的公子只是一頭水魚, 滿肚經綸的只是一條書蟲, 那及倪生般吸引?

吸引在什麼地方, 我不是女性, 真係想不通, 唯有大文兄坦坦白白說出來了...

Betty 說...

大文Honey,

种敢晒泳装相0羊? 之前D post 先有人话张小姐晒泳装相, 不如入行做水着女, 我见有D 人叫佢转入AV界添, 几得人惊 !!!

张小姐嗰D 你都觉得唔够靚, 我差过佢100倍, 都系无谓献丑啦 ~~

Betty 說...

3 ear,

你话着重内涵, 又话人"衣著打扮真真係麻", 甘即系吖?

倪震偷食,周懒理外面风风雨雨, 总之就撐倪震, 讲真, 以前我都真系觉得周无乜特别, 家下我又真系几欣赏佢0既勇气.

如果周可以走出来, 学謝霆鋒讲「這種事已經過去,又不是為香港爭光的事,關你什麼事?」,「佢信我,你們信不信呀?」甘样会更型.

陳大文部落 說...

Bottle babe :

乜你覺得周慧敏好撐倪震咩,不同人可以不同解讀,但我反而覺得,周玉女老實講四張幾嘢,倪生又同佢十九幾年(真係十九幾年~),正常來講,周玉女可能覺得自己的選擇已不多,正所謂「算~~ 啦」咁樣。

其實外面都唔係有咩風風雨雨,觀眾當睇大戲嗟。

真係好老實講,我都話過,十幾歲青少年無乜邊幾個會係周玉女fans,通常都係九十年代初到而家起碼三張幾嘢的人,才會迷周慧敏。

陳大文部落 說...

補充一點。


外界有不少人把「倪震濕吻溝女」和「陳冠希淫照事件」作比較,說倪生和冠希誰人較賤。


這是大錯特錯,非常非常不恰當的比較。


程度上,倪生充其量只是溝溝女,搞下妹妹仔,氹氹那些入世未深的傻妹。但冠希哥哥就犀利喇,搞出名的女明星、富家小姐、大家族千金、搞人老婆,仲要....「咁咁咁,仲要咁、嘩又咁咁咁」影埋全個「製作過程」的 DV Video。

陳冠希勁好多。

篤篤篤撐 說...

倪生溝到女, 唔係佢金魚技巧高,
而係有名氣。

我有個朋友踢香港隊, 樣貌當然比不上娛樂圈人士, 但據佢描述, 落親夜場, 3唔識7 就有女撲埋黎, 食都食唔曬。

hk好多女仔, 見到對方個樣唔核突有d名氣
已經飛身撲埋去。佢地既心態係:反正都係搞, 搞個有名氣既, cv都靚好多。(張小姐可能唔係o甘)。

所以作為娛樂圈人, 落去夜場齋坐就不停有女溝你, 邊洗金魚佬?仲未計果d想搭路入娛樂圈既女仔。

結論:倪生唔係出神入化。

陳大文部落 說...

篤番一撐:

哈哈哈哈,「CV」....

我幾鍾意呢個形容。

等於好似去見工,條女話:「我俾阿邊個、阿 X 、同阿乜乜 屌過㗎喇... 」

老細:「呵?係咩。 你嘅 CV 我好滿意,得得得 OK ,無問題喇妳邊日方便嚟上班呢下? 」




PS : 倪生確係有名氣(雖然巴鬼又無 $$$ ),呢啲都係佢嘅金魚技法重點。

聶秀康 說...

bottle 仔,
我私人吾覺得周有幾撐倪,祇係出編疑似聲明收埋自己咁大把,根本係冇得回應極尷尬,因為倪偷食吾係乜野新奇事,祇係今次比傳媒拍到,係好平凡的偷食事件,作為前玉女佢吾係分手就祇有係原諒.至於話佢吾打扮純粹係我個人感覺,周樣貌係靚女,但比我感覺好無知沒智慧沒學識果隻,如果周俱備以上任何一樣條件都會一早走人,有些感情緣份盡了就是盡了,玉女金童都是上世紀的事了,今天又給東周說原來兩人早於十年前在sanc.結了婚,如果屬實那麼她們是人格破產,真係可以避世加x大相宿雙妻了.以上純屬3耳的意見.

阿湯 說...

這篇文章證明你對倪生有極透徹的見解,小弟深感佩服!

阿湯 說...

這篇文章證明你對倪生有極透徹的見解,小弟深感佩服!

匿名 說...

I like your writing very much. It's funny and attractive. ^.^

匿名 說...

港男又好好咩, 好多都質素差
高談闊論港女有幾差既時候, 好心d 港男照下鏡, 睇清楚自己有無資格去批評先

匿名 說...

陳生你真係勁! 除左港女, 原來你對倪生呢位唔係港男既"港男"既特質形容得更透徹.

對於倪生既大名, 我只係記得佢係倪匡個仔, 點o係n年前點樣對付劉錫明. 而且佢最拿手寫咁多乜乜"絕頂愛情", 次次寫到咁romantic, d港女唔冧就奇. (恕我膚淺, sorry)

今次就更易睇到, 所以倪生向來就係贏家, 因為佢知"得心應手"呢個道理. (我覺得)

匿名 說...

倪生追到咁多女, 好大程度上有好多女仔都係玩玩下, 既然都係玩既, 就同一個樣好少少既玩咁解啫, 而且同倪生玩過, 女仔會有個成功感就像是打敗vivian一樣, 滿以為自己靚過vivian囉, 明未???