近期網誌簡介

2012年3月5日星期一

古惑港女新財路:城大女做網絡打手月賺兩萬

Face 第 249期報道

網上打手成日聽,不過聞其字不見其人,但上星期Spy就見到一個城大電子商貿Yr.2女生Zoe,佢幾年前開始喺網上賣假髮,為咗吸客仔,就在網上出招,除了開facebook做宣傳,亦在不同討論區,用唔同account做打手,幫自己生意做宣傳。 Zoe同Spy爆料,「最低成本嘅宣傳,一定係網上平台,facebook、yahoo blog同唔同討論區我都有用,但太硬sell冇人會理,我會喺討論區內的髮型區扮用家問有咩假髮推介,帶起話題,之後再換另一個account解答,但切記唔可以放鋪頭名,做得太明顯會被刪account。」Zoe仍在讀書,每月賺萬幾兩萬蚊,醒目女Zoe同Spy講,嚟緊將軍澳站上蓋會新開個Popcorn商場,商場招募緊網絡高手幫手宣傳,懸賞百五萬咁多,Zoe都諗住去見,有咁筍嘅工,Spy都想做埋一份呀!


每日放學返屋企回覆客人,已成為Zoe的習慣,遇着測驗、考試期間,Zoe亦會盡量抽時間每天上網。


Zoe嘅宣傳手法有明有暗,佢有喺model嘅facebook度留言,博俾fans見到,佢亦會喺討論區扮用家發問。


4、5年前已在網上賣物嘅Zoe,有次剪咗短頭髮唔滿意,返大陸買髮片後覺得滿意,於是便開始上網賣假髮。

沒有留言: