近期網誌簡介


2009年5月2日星期六

豬流感終於殺到香港

本港確診首宗北美流感

(明報)5月1日 星期五 23:40

特首曾蔭權 宣布,本港確診首宗甲型流感H1N1個案,患者來自墨西哥,本港流感應變由嚴重升至緊急級別。


曾蔭權表示,該名患者昨日乘搭東航MU505班機,由墨西哥到上海,再轉飛至本港。他昨日抵港後出現發燒病症,到律敦治醫院求診。衛生署今日下午證實他為甲型流感H1N1(北美流感,前稱豬流感)疑似個案,港大醫學院晚上證實他為確診個案,現時他在律敦治醫院接受隔離治療。


曾蔭權表示,本港流感應變級別,由嚴重提升至緊急,衛生署長行使權力,將該名患者曾入住的維景酒店隔離。他呼籲市民毋須恐慌,本港其他活動,如上學及商業可如常進行,但要提高防範措施。


本港的確診個案是亞洲首宗的確診病例,另外韓國及泰國就有疑似個案,正待確定。


==============================

本部落:

嗱嗱嗱,人地美國,台灣、日本等地,晨咁早已經實施旅遊管制,不容許墨西哥旅客入境,及一早提高防疫級別啦,香港呢? 無嘅!乜都係嘆慢板,總之「都未有事發生喎 OK 啦 」這樣的,由董建華時代「無事無事」一味「唔好唱衰香港」,到現在曾蔭權也如是,危機意識全無!一味諗住「喂都未有人中招吖 ~ 好有信心嘅」這種荒唐管治方式,香港不提早實施旅遊管制,到現在終於有旅客帶了病毒來港,真是祝香港好運..........


睇住吖,睇下點吖,周一嶽喎,曾蔭權喎,曾蔭權這個廢柴特首,仲話「社會一切活動應保持正常!!??」,還說太平清醮活動和學校等一切如常,市民無須過度緊張,云云。

唔駛咁緊張????????

仲要公眾活動如常?????

你地 ( 讀者 )話呢?

信呢個曾蔭權唔通?????

11 則留言:

說...

由H1N1既出現,我就好擔心香港幾時會中招(真係覺得係遲早問題),估唔到今日就聽到最唔想聽既野,唉...唔擔心..就假啦!個男人係由上海飛黎香港,咁中國都冇禁止佢入境,所以香港都冇得禁呀@@
SARS一事到宜家,危機意識都未有提高,先最令人擔心!

po 說...

美國日本台灣等地其實無實施旅遊管制,政府只是勸國民如非必要,不要到墨西哥北美旅遊(avoid unessential travel to Mexico......)依家美國日日都仲有人大搖大擺由墨西哥邊境入美架.日本呢,就派人上機檢疫,但都未敢話唔比人入境.

不過我讚同你所講,對於傳染病,尤其是未研製到疫苗,當然有咁緊張得咁緊張最好,虛驚一場好過有人命損失.而且香港實在人多擠迫,小心為上.

希望大家身體健康

陳大文部落 說...

2009年05月02日 星期六 上午1:17 「me」:


其實我的網誌資料是有不全地方,多謝你的補充,因為我沒有詳細看今天的報導。

以防範工作方面,雖然日本仍未有禁止墨西哥人入境,只是派人上機檢疫,但都好過香港「睇下點先囉」這種慢九拍的態度。

我預計下星期開始,香港的疑似病例會增多,現在時間還尚早。

至於中國,恐怕又來這招「國家機密」....

Betty 說...

香港痴住中国, 虽然阿爷大支水喉射住, 但同时病菌亦射埋过来. 有得必有失啦.

michigan_8_mile_road 說...

You know what?

I am coming back to Hong Kong on June 4th and I will be there for 2 months.

I should not buy the flight ticket to Hong Kong if I know that there is a swine flu from Mexico (I bought my ticket in early March)

Goddamn it!

Maybe it is destiny

陳大文部落 說...

michigan_8_mile_road:

唔係潑冷水,講真,如果可以的話,呢個 moment 你無必要嘅話,真係唔好嚟香港。

因為我個人認為,豬流感本身可怕,但都不及呢個特區政府處理手法可怕。

我真係唔敢講呢個曾蔭權同周一嶽,有咩才能可以應付呢個全球疫症。

尤其果個周一嶽,真係廢柴中嘅廢柴,唔知自己做乜嘅,然後特首身邊一班擦鞋仔「智囊」,就會不時話俾市民知:「而家大家唔駛擔心囉 ~~~」<---你信唔信?


真係自求多福......

陳大文部落 說...

瓶子:

大陸的確診病例,實質數字係唔知,因為大陸最拿手係「呢啲係國家機密」。

匿名 說...

中國人有句說話叫寧可信其有. 不可信其無

就係對應呢d凡事都係機密 國情的正確態度囉..

匿名 說...

中國人有句說話叫寧可信其有. 不可信其無

就係對應呢d凡事都係機密 國情的正確態度囉..

michigan_8_mile_road 說...

Chan

Now I have NO choice. My flight tickets were confirmed in March. They cost me $1200 USD. So I have to come back (even though I know something bad will happen)

Can you please give me some suggestions? I mean, what I can do in Hong Kong for 2 months?

陳大文部落 說...

michigan_8_mile_road :

如果你在香港逗留兩個月,我建議你要經常密切留意香港豬流感疫情,注意新增確診人數,現在只有一個墨西哥佬,如果無再有新增病例還好些,但若果不斷有新增,即是香港一定會變成「疫埠」,就係咁簡單。


當你要去人多密集的地方,請戴上口罩,尤其多鬼佬的地方,要小心,因為鬼佬你唔知佢地之前有無去過墨西哥等地。

我只能說,市民不要期望這個政府可以救你,我不是故意唱衰政府,但果班高官嘅辦事能力,真係好老實講,真係你寧願信自己好過信佢地。


注意個人清潔,豬流感不同「沙士」,「沙士」一染即有病徵,但豬流感 H1N1甲型係會「隱藏」嘅,不會即刻發病。


現在這個墨西哥佬,就係之前染左,到香港至發病。