近期網誌簡介


2009年5月16日星期六

陳一諤罷免後向HKU傳媒研究中心表白立場完整錄音


以下一套完整無修改的錄音,是陳一諤於被罷免香港大學學生會會長一職後,接受院校的新聞及傳媒研究中心的訪問,據理解,這個訪問應該是沒有在公眾媒體發布過,而前一篇網誌《陳一諤罷免後深情剖白 @ BuzzHKU.com》,是英語版本的訪問,當中陳一諤主要談個人生活,包括他有一位自中四結識拍拖五年的女友,他女友沒有上大學而投身社會做事等等。陳一諤也提及平日頗少去「氹女友」,都是他一些日常生活軼事。


但 陳一諤的 BuzzHKU Youtube 片段已被帳戶設為「私人影片」,不能再觀看,但也不要緊,反正陳一諤只是談個人生活鎖事。


但現在這個訪問完全不同,除了是廣東話訪問令陳一諤更流暢發言,是專訪陳一諤對「是否支持平反六四」、「六四歷史的真實性」、及「八九天安門一眾學運領袖」等等的觀點。他在訪問中很清楚和有足夠時間去完整剖白個人意見。


注意:為免事先影響讀者鈴聽有關錄音,本部落不會事先簡述陳一諤該錄音片段內容,要讀者自己細心聆聽。


至於我 ( 即陳大文部落 ) 認為要在網誌發布此錄音,其實重點不是「陳一諤被罷免」和「陳一諤是否衰人」,因為訪問中,陳一諤對《六四事件》的睇法,某程度上甚至很大程度上,可能已反映時下二十至三十歲前,即「第五代香港人」這個新 generation 的年青人對歷史事情的看法。


我只能說到這裡。請聆聽。


點 擊 收 聽





12 則留言:

匿名 說...

不見有link喎

陳大文部落 說...

在「網誌文章」字樣上方,就有 imeem 介面可聽了。

匿名 說...

我是Wil, 唔知點解用唔到"名稱 / 網址" 留言...佢話我個網址含有不符合字元..

35mins..終於聽哂..
我想知道陳兄有咩睇法呢?

MisterLau 說...

本人查實一直都無睇過陳生的第一手言論,聽到的都係傳媒的第二手資料。

但段訪問中陳生的言論,同傳媒所報道的陳生好似都幾大出入喎。

訪問中陳生話自已比人係咁插既
好似話"紫玲無恥"、
"坦克壓既係解放軍"等等
都係自已覆述其他觀眾的問題,唔係自已的睇法。

咁夠竟係陳生轉左呔,定係傳媒的報道有誤呢?

但有看到片斷話當時有份出籍的程翔都插得陳生好應咁喎。

咁就假定係陳生的表達能力有問題呢?
其實訪問開頭,陳生確比人模零兩可、無立場、唔知想表達乜的感覺。個訪問者去到中段似差人審犯多過做訪問。從語氣亦覺得他對陳生充滿敵意。不過呀陳生又係爭唔落既,要比人係咁拋,迫到埋牆先卒到少少立場出來。都算係認同要平反(但其態度之敝扭,好似講出來會少左忽肉,所以都唔可以怪外間人對佢有咁多陰謀論)

咁呀陳生訪問中既講法,簡單講就係要係平反之外,要 "人地" 好仔細咁對六四做歷史研究。查實就係咁fullstop。

但係佢係 "港大《六四論壇》" ,呢個應該唔算係 "學術論壇" , 而本質上算係平反六四運動既一部份既地方。叫 "人地" 對六四做歷史研究。咁可唔可以叫唔適當的地方做唔適當既事......

即係等如,如果有個叫《奧斯威辛集中營論壇》,而你知道個論壇係除左探討外,更包有追思,悼念的意義。你唔係唔可以表達你想人地係哀痛外亦要對集中營做歷史研究的主張,但係要好小心囉。

唔係話講兩講,比人問兩問,就話係呀,由於我地要認真對待史料,要分清真假,所以根據資料,集中營既出現唔只係納粹既責任。D被關既猶太人都要負責。因為佢地無團結起來係納粹主義發展初期大力績極反抗;又根據資料,集中營入面唔止猶太人死,一D納粹黨人都有死。所我地要持平咁認清史實云云......

即係你咁講完,然後可以打直行出論壇,我相信都個班與會者一定個個都好文明好大量囉......

即係陳生如果真係想查明史實,唔應只係叫 "人地" 去做,既然佢自已咁易比人誤解(所以佢係訪問中先要不斷澄清),佢自已係咪應該整番份嚴緊既六四研究報告或論文,拿住份報告同人講。白字黑字。如果咁都辭不達意。就真係對唔住佢自已個名啦......

陳大文部落 說...

2009年05月18日 星期一 上午7:29 匿名:

[我想知道陳兄有咩睇法呢?]


>>> 你指的「陳兄」,是否指「陳大文」即我?

陳大文部落 說...

Mister Lau :

的確,在六四言論上,引來的社會非議,當中是有傳媒把陳一諤刻意醜化,陳一諤的言論,雖然和支持平反六四的人士近乎相違背,但例如說「走佬學領袖」、「柴玲無恥」等的形容,又真的不是陳一諤親口說的話,所以他在這件事上,由於他的言論,引來更深層的扭曲,或可說是火上加油。

至於罷免後的訪問,我個人相信陳一諤在言詞上是有所謹慎,立場方面,罷免前後都是沒多大變化,當然,由於他之前的立場已引來非議,因此他很忌諱再表白立場,也可以理解。

陳一諤由此至終的立場,已很明顯,這是他的自由意志選擇,他確是有權這樣選擇的。

只是問題在於,他是港大學生會會長,是有代表性的學界人士,他的言論便成為焦點。

匿名 說...

係..陳兄係你陳大文.

我主要係睇開林忌既BLOG, 之後見到你係常客, 最近都開始留意你個BLOG.

我都同意陳一諤身為學生會會長, 佢既言論係有代表性.
根據"陳巧文" 既說法, 提出罷免佢既原因係陳一諤既言論同競選前既承諾不一, 所以要罷免佢. 即係陳一諤競選前既承諾應該係支持平反六四等等啦. 其實根據而家呢段訪問, 我唔覺得佢有違反自己既承諾. 即係係港大當日果個論壇(根據youtube的3部片) 我都唔覺得佢有表示過唔支持平反六四, 不過佢係無好激動地叫哂口號地嗌要平反六四, 佢以一種佢認為 理性地, 從歷史角度地 了解六四, 從而吸取教訓, 經驗. 但係咁就被人罷免...被林忌主張送去南沙群島.....

總結一句, 我好認同陳一諤提過果位前輩話而家從歷史角度睇六四係太早, 因為仲有大多人對當日既事歷歷在目, 太多人對當日既事充滿感情色彩.
具體D 講, 即係今日你講六四, 你唔聲嘶力竭咁大叫平反六四D人都覺得你唔夠盡力, 如果呢個時候你仲講都要檢討下學運學生做得唔好既地方...下場就好似陳一諤咁...

我想強調, 要聲嘶力竭咁大叫平反六四唔係錯, 更加係應該,因為六四真係未平反, 不過我係覺得陳一諤係港大論壇當日既言論唔應該令到佢得到今日既下場, 佢有今日既下場,係因為某D傳媒不全面的報道,網民無喱頭落井下石, 再加上呢個時候有人極力提出罷免.

所以..我個人係幾同情佢.

Unknown 說...

"個訪問者去到中段似差人審犯多過做訪問。從語氣亦覺得他對陳生充滿敵意。"

乜我真係咁惡?...

MisterLau 說...

To SGFHK321

係呀,我個人覺得由於呀陳生開頭時閃來閃去,所以訪問者去到中間,真係有比陳生"辣興"既感覺架。

但亦因為咁,話自已細個時好嗅脾氣既陳生,就好容易咁被訪問者食住,個訪問先叫問到D野出來囉......

To 陳大文

可能係我既理解能力有問題,唔明白陳前會長點解同

"支持平反六四的人士近乎相違背"

起碼段訪問中唔覺喎??

Unknown 說...

你去邊度搵到陳一諤O的相架?

陳大文部落 說...

2009年05月18日 星期一 下午9:15 匿名:

不妨聽聽之前社民連黃毓民評述陳一諤事件,黃毓民對事件的分析很詳細和客觀,及指出真正問題所在。


http://www.imeem.com/people/aKBFeXs/music/vY87f8eC/wym2009-04-2725303editmp3/

匿名 說...

無錯, 我都覺得毓民講得岩.
不過先要確定陳一諤港大論壇當日既言論係可以定義為"亂UP"
如果佢真係亂up, 即係有失言既地方, then 毓民所講全部都岩.

不過我個人認為, 佢當日既言論無咩問題, 佢亦都有講過64要平反, 至於佢最最為人垢病就係講中央既手法"有D 問題"
不過當我地睇番最最真實原始既版本, 佢係講"有問題" 而不是"有D 問題" 而且佢成句話中, "有問題"呢3個字根本唔係重點, 只係過場, 講真如果唔係劉慧卿覺得呢3個字好"硬"耳,then大大聲反對佢, 我覺得大部分既人都唔會著眼於呢個形容詞. 佢當日既言論同呢篇文章既錄音訪問都相呼應, 陳一諤係想鼓勵人以歷史角度去認識64. 不過佢而家都發現左而家以歷史角度可能係太早. 如果真係要搵佢錯處..可能就係呢一點, 不過佢係咪有心想淡化64 呢? 我自己覺得唔係啦.