近期網誌簡介


2010年2月3日星期三

濕鳩港女醜版林志玲成功爭取大陸富商包屌即時發達@@"




內地富豪包起 林莉:我好 open

2010年02月03日 FACE 雜誌封面專題

有「港版林志玲」之稱的 05年港姐季軍林莉,近日盛傳步同屆冠、亞軍葉翠翠和陸詩韻後塵,成功釣到內地金龜,獲對方開模特兒公司包起前途,更由青衣屋邨升呢進駐大埔豪宅比華利山,同天后謝安琪、衛蘭做鄰居。

由失蹤港姐行列轉戰模界爭上位,最近又個個星期日陪住蔡瀾周圍食出鏡,成功翻生的林莉,上週五( 29日)對本刊表示,自己性格同眼光都比以前 open得多:「初入行嗰陣我唔會同唔識嘅人講嘢,但做咗 model之後,覺得主動啲會令自己發展好啲,比起以前,家我好 open!」
係囉,呢行個個都出招爭飯食,唔主動好蝕底 o架!

3月即將 30歲的林莉, 05年參加香港小姐,憑 5呎 10吋半模特兒身形成為季軍,可惜卸任後除了在劇集做吓大茄和間中在旅遊節目做布景板外,林莉被無綫當賣剩蔗, 06年約滿後索性轉行做廣告製作助理,逗 1萬人工。



抄 Chiling
同 Chiling(見圖)有 7、 8成似嘅林莉,雖然冇 Chiling上圍咁豐滿,但就比 5呎 9吋嘅 Chiling仲要高寸半,啱晒做超模,兩人更於本週五為浪琴表同場鍊過。


05年的港姐冠亞季,全部同內地富豪扯上關係,不過同行如敵國,問起葉翠翠同陸詩韻點睇林莉有大陸老細照起,二人就話中有骨。《忽然 1周》圖片


我冇睇過佢單新聞,或者個富豪可能係佢男友呢!真實對白

可能人哋真係有感情呢!唔好個男友有錢就話俾人包!真實對白


晒波驚青
林莉上週五( 29日)到金鐘太古廣場的 GigaSports為本週一的泳衣騷試衫,着住兩件頭泳衣的林莉波濤洶湧,由於在場有顧客,林莉照鏡時驚青縮埋一角。



富豪屋任用
頂唔順朝九晚五悶爆生活,林莉去年忽然以 model身份再戰娛圈,四個月前由鄒世龍的 Starz People過檔到一間由內地富豪投資的新模特兒公司 VIP Management,成為公司唯一一位模特兒。

過氣港姐變女模,更被傳媒拍得有名車瑪莎拉蒂接送,既行名店又進駐比華利山豪宅。忽然富貴,難免與富豪老細扯上關係,不過林莉竟然擘大眼話與一直有聲冇畫、從未見光的富豪老細根本唔熟:「報道講嘅內地富豪,係我經理人嘅好朋友,佢知我經理人開咗 model公司簽我,就揼咗一筆錢入股當係投資。其實我哋只係見過幾次,但老闆好好人,唔喺香港都借架車畀我有需要就坐,至於比華利山,只係我經理人有嗰度門匙,我屋企又細,先上去借地方擺嘢咋!」




10 比華利山豪宅
獲公司力捧成為 top model嘅林莉,入行時與家人同住青衣公屋,現時則自稱獨居葵涌私人樓,不過早前被拍得出入老闆大埔比華利山豪宅。《壹週刊》圖片




10 2百萬跑車
以前迫慣地鐵,林莉現時出入多數會搭公司租的七人車,有時亦可叫老闆的司機揸價值二百萬的瑪莎拉蒂跑車接送,呢啲老闆去邊度搵。



05 青衣公屋
《忽然 1周》圖片



05 平民地鐵

港姐變蠢妹
逢週日晚陪住蔡瀾周圍品嘗好嘢的林莉,被網友批評唔識講嘢兼成日發問蠢問題,同多嘢講的李珊珊表現爭幾班。俾人叫問題少女,林莉就解釋其實係節目需要:「由於我哋會去試唔同嘢食,所以導演都叫我問多啲問題,等蔡生有機會向觀眾解釋嘛!」




試生磨 wasabi時大驚小怪,林莉話陣味好生,俾蔡生寸佢:「生葵梗係生 o架啦!」




污糟邋遢女人

經歷過撈極唔起的等運到日子,林莉自言比以前識諗,就算被指黐富豪都唔會似葉翠翠咁死撐。「做 model呢行有人會主動識老闆,又會唔收錢陪佢哋去 party,可能佢哋想搵個有錢對象,但我自己一定唔會咁做,因為我唔想將來個老公以為我係污糟邋遢嘅女人。」
誓神劈願講明唔會被人包養,林莉話自己其實係慳妹,身上最貴只係萬多元的 Prada手袋,又否認早前指佢半日狂掃十幾萬名牌。不過問到佢唔住比華利山住邊度?林莉即時啞咗,要經理人提點才話以萬五蚊租住葵涌私人樓,貪佢近青衣娘家。




忽然縮胸
林莉本週一( 1日)幫 GigaSports行騷時以比堅尼上陣,係參選港姐以來首次泳裝出騷,但呢日見佢心口扁撻撻,同早幾日試泳衣時嘅巨咪兩個樣,有可疑喎。




同警鐘胸 Jessica C.(左)及 Rosemary(右)齊齊行騷的林莉,獲大會安排企喺古天樂隔籬,夠晒 face。

翠翠:好唔好彩
同一屆港姐三甲全部被指黐富豪釣金龜,曾經獲內地金葉子度假集團老闆黃有龍照顧的葉翠翠,問佢點睇同屆阿三都有富豪照顧,翠翠上週六就「諦諦貢」,話識富豪都可以係真愛:「我覺得我哋三個都有呢啲新聞好唔好彩,我冇睇過佢(林莉)單新聞,或者個富豪真係佢男友呢!其實我哋都好耐冇聯絡喇!」

翠翠俾趙薇橫刀撬走富貴男友,佢自嘆唔好彩,啱嘅。
認用砵仔糕




影相有深坑、出騷卻變飛機場,原來林莉坦承自己冇乜身材,要用輔助工具幫手:「我上圍唔勁,好多時要靠砵仔糕幫手托一托先有啲嘢睇,嗰日試衫係有用砵仔糕,後尾發覺唔自然就冇用。我自己唔介意胸細,因為好多國際名模都未必好大胸!」咁坦白,又幾可愛喎。


林莉影相雖然要靠托先有豐滿效果,但佢話無意因此整容或隆胸,一切最緊要自然。
做模升呢
05年港姐季軍嘅林莉, 06年合約一滿就唔續約,轉做幕後。上年再轉行做模的林莉,以港版林志玲登場,加上有內地富豪包起新聞谷一谷,單係上月收入已達 6位數字, 2月份的騷更已排到密麻麻,好過留喺無綫做二打六啦!




無綫做大茄
未全職做模嘅林莉(左二)喺《溏心風暴》做陳法拉(右二)、蒙嘉慧舊同學,戲分少得可憐。《忽然 1周》圖片




升呢拍城嫂
簽約新公司後,林莉接 job接到手軟,除咗有機會同天王嫂熊黛林同場(上),仲有機會喺《慈善星輝仁濟夜》以港版林志玲個朵行 catwalk(下),曝光率急升。《蘋果日報》圖片






撰文、採訪:娛樂組
攝影:林子賢、周凱瑩
形象: Bryan@the Flaming
髮型: Sammi Tsang
服裝: Harvey Nichols

5 則留言:

匿名 說...

以model嚟講, 林莉個胸唔算細, 至少比"拆彈專家"(即黎明老婆)大很多.

小必理痛 說...

都市生態不嬲都係咁,唔博就唔使上位。娛樂圈同娛樂場所其實只係換個字詞,內饀其實都係一樣。

我唔否認我覺得佢真係幾索,俾佢迷到要同佢講好話,但無可否認,佢而家一行出黎,成功迷到唔少家丁壯男。娛樂雜誌不嬲都係投師奶一眾所好,用八婆心態去睇一件事。老實講,就算唔係靠黐富豪上位,有人默默耕耘到最後成功,呢Dbad taste雜誌講嘅野,有邊一忽係似人話?

匿名 說...

有點奇怪點解她選港姐後,吾學歐陽妙之立刻轉做Model. For those entertainment industry “artists”, finding sugar daddy or mummy is very normal.

匿名 說...

點解叫濕九呢
我覺得段野勁酸囉
同你之前吊人燒錢一樣

陳大文部落 說...

2010年2月8日上午10:05 匿名:

咁都叫「翻版林志玲」,你不如話凡係女生得高都叫「林志玲」啦。

大陸八十後燒銀紙你覺得好撚正常咩,你呢個講法真係幾濕鳩囉屌你。