鄭汝樺開設網上【菲仕卜】收集反鳩鐵聲音

Share

唔係好明，乜政府以為仲要「聽取反高鐵聲音」咩，幾次包圍立法會大行動已經好清楚啦下話，就算傳媒報道不全，坊間無數渠道都睇到反高鐵嘅民情呱。仲有，唔好以為今時今日年青人真係戇鳩到政府開展網上論壇就開心到彈起，而家係高科技超級資訊世代，資訊唔一定講求多，但係要「準確」、講求「真相」，正所謂有影片有真相，無影片都要有照片，資訊講求「互動性」，在互動當中要有重點，而不是「求撚其有人出 Post / 有人 reply 等於有價值」，明無？


要睇真相影片，一定是 Youtube而唔係 CCTVB，要得到接近真實民意，應參考著名學術討論區(例如香港高登...)，要看非主流但真正反映市民心底話的輿論，不是看報紙而是看 Blog ( 例如陳 .... 文部落 @@"V~)，當然也包括其他博客 ( 嗱，我梗係補番呢句嘅~)，而唔係求其由政府高官助手嘅助手嘅低級職員，隨便開個乜乜論壇，然後參與者就行禮如儀，個撚個都係當局「挑選」來發言，結果所謂「討論」，只係變成一班擦鞋仔少年保皇黨嘅吹水廢噏。


隨著電腦科技一日千里，雖然這講法有點老土，但確係事實，大佬，電腦 CPU 都講緊四核心喇、就算高清都講緊玩 Blu-ray(藍光數碼高解像)喇、手提電腦都唔係 Notebook 咁簡單，連小巧型 Netbook( EEE PC)都嫌 out 喇，而家玩緊 I-Phone喇，仲未計將會大熱流行嘅 I-PAD 呀，各位高官，拍片上 Youtube 都唔撚駛返屋企 upload 而係用手提電話在街上即時上載呀，阿師傅，主流傳媒唔夠膽講嘅嘢，市民會作「民間直擊報道」o架屌你，仲柒下柒下咁撚樣，以為「後生仔」淨係識得「click 上網收電郵」呀？？ 好心啦醒下啦 ( 我知我咁講係多撚餘嘅話時話...)


鄭汝樺開【菲仕卜- facebook】？咪又係求其搵個助手嘅助手嘅低級職員，識上上網就以為自己 IT人，開個濕鳩論壇俾人講意見覺得就係「與時代同步」，信你一成雙目失明啦，屌你呢個政府真係痴撚線........


其實駛乜撚嘢搞「網上 菲仕卜」吖，只要高官手下或政府智囊，得閒望下街外示威請願人士、聽下 Myradio ，睇下 Youtube、留意下受注目網上博客文章之類，就會明白真正民意係點啦，唔好成日信啲擦鞋學者馬屁廢話，就算學者都應該廣泛啲，聽下同政府關系唔密切嘅學者意見，唔好成日都係果幾個吹水學者，咁政府同人民距離至會拉近 ( 我又知我咁講都係多撚餘，政府明嘅話就咁會日日俾人屌啦係咪...)


其實我知嘅，政府和一眾建制派老屎忽，甚至社會上好多平日少接觸電腦和網上嘅中年人士及為人父母者，以為「網民」只係小學生、中學生，係一班「細路哥」，但我想指出嘅係，無錯，以前的確係學生哥為主，但時至今日，在高科技高速資訊嘅年代，「網民」其實就係普羅市民，反而小學生初中生你叫佢地睇複雜嘅時事分析都睇唔撚明啦，無數對社會有意見嘅網民，都係成年人，更不泛有專業知識嘅人士，話之你七十後八十後九十後又好，已經唔重要，事實上，就算八十後而家都講緊廿幾三十歲嚟緊，唔係細路仔亦唔係青少年，反高鐵意見已經好清楚，鄭汝華同人講開設「菲仕卜」只係呃唔識電腦無上網嘅天真市民，令人覺得政府而家好撚有時代感，好撚「潮」、好識「聽取民意」，此為戇鳩當有趣。


呢個政府加埋班保皇黨呢，真係屌你老味笑撚死又激撚死，香港人面對呢個咁不堪嘅政府都咁溫馴，政府真係要還神.....