2008 年尾，香港這個醬缸娛樂圈爆出一宗不大不少又好像很精彩但又不痕不癢的事，就是倪震濕吻來自國內的大學交換生再反彈與同居女友周慧敏分手又結婚事件。事情的曲折堪稱把鬼，故事的細節可謂得啖笑，但本文談的不是他們三人行的九唔搭八戀愛肉麻劇情，而是這件事令人回想起香港一個很奇怪又有點無聊的女性高尚形容詞：「玉女」。
什麼是玉女，人們琅琅上口說的容易，女士們聽見「玉女」一詞，高興程度好像和「名媛」不相伯仲，但又奇怪，女士們喜歡玉女風采，表面上恨不得自己可晉身玉女級，但若果身邊朋友讚妳為玉女，又會混身不自在，覺得很肉麻，又覺得有點飄飄然，這種錯綜複雜的心理曲線綺麗情意結，都是從「玉女」名堂開始。
不過，說是玉女，其實在中國人陰謀論和量化的思維上，玉女不等於有錢千金，即不屬「名媛」。如果有得揀，寧願做名媛好過做玉女，有錢萬事足，玉女又要和青春掛勾，人總不能長青不老，粗俗點說：難道幾丫歲人剿晒皮仲夠膽話係玉女咩。
「玉女」係：
同「肉麻」幾乎係同樣意義嘅。
同「把鬼」又幾乎同一意思嘅。
同「名媛」又似乎無乜關系嘅。
同「青春」基本上要相提並論嘅。
同「幸福」又好似無乜必然關系喎！
同「嘲笑」好可能係曲線形容嚟嘅。
同「嫁得好」更加不能劃上等號嘅。
同「靚女」要有直接關系，樣醜被人叫玉女係一種諷刺。
今時今日，強調「玉女」真係得啖笑嘅。
今時今日，「玉女」和「處女」一樣得啖笑嘅。
今時今日，「潮女」其實吸引過「玉女」嘅。
今時今日，「玉女」同「老姑婆」又幾乎劃上等號嘅。
如果你係玉女，就唔好結婚喇。
如果你係玉女，就要襯番個「浪子」喇。
如果你係玉女，希望妳搵到長生不老藥啦。
如果你係玉女，劇情需要妳係命苦囉。
話時話，「港女」可唔可以改叫為「玉女」好聽啲呢？
話時話，「港女」會唔會成日以為自己其實係玉女呢？
話時話，「港女」改叫玉女，「港男」改叫「才子」會唔會無咁敏感呢？
話時話，玉女可唔可以著豪放 Deep V呢？
話時話，妳希唔希望自己成為玉女咁呢？
老實講，「玉女」和「才子」一樣肉麻嘅。
老實講，「才子」十個有九個其實唔見得有才華嘅。
老實講，「濕鳩才子」可以襯得起「把鬼玉女」嘅。
又老實講，今天娛樂圈真係唔興玉女嘅。
好奇一問，妳覺唔覺得「玉女」係自戀嘅一種呢？
好奇一問，妳認唔認為「玉女」係女人嘅本錢呢？
又好奇一問，集體吹捧「玉女」係咪一種集體異常行為呢？
再好奇一問，捧玉女為神聖果啲女士其實係咪老姑婆嚟呢？
多謝各位。
伸延閱讀：
金魚
我們的生活問號
香港後現代語錄系列
6 則留言:
我觉得小说里面的小龙女, 可以称为「玉女」.
潮女`玉女都係市場需要啫~ 有市場就有貨，冇市場就冇貨
玉女???out晒啦!直情係上世紀文化遺產.
我個人認為，「玉女」這個形容詞本身已經十分騎呢，點為之「玉女」？
美女可稱為「靚女」。
醜女可俗稱為「豬扒」(但我很反對豬扒這 Stereotype，因為又是定義含糊)
但「玉女」是什麼，是否不結婚？是否青春？是否「很貞潔」？？ 又點為之「貞潔？」
點解『小龍女』直覺上會認為是「玉女」？是否和名字有關，因為有「小」和「女」字，直覺印象又會好一點？
定義非常含糊。
好正呵!好久沒看你寫 xx語錄啦,寫得好抵死!!!!!!!!
woman 上
小龙女是因为几十年来都保持外貌青春. (在断情崖十六年的约定后, 当时杨过已经两鬓班白, 但小龙女的样子还是一点没变)
而且精神上小龙女非常貞潔. (虽然肉体上被玷污了) 所以在我心目中, 很符合「玉女」的形象.
当然大众是否这样去定义「玉女」, 就不得而知.
發佈留言