中文智障：職工盟失禮人的中秋傳單

Share

本部落按：真陰公，乜而家啲人連咁撚簡單的中文書寫都唔撚識嘅？稍為讀過下書嘅一望都知搞笑啦下話，咁都出得街，我唔知果位所謂議員定阿乜水 ( 但明報踢爆唔係職工盟人員 )，如果請助理去寫，炒撚左佢啦，如果係佢自己寫，檢討下啦，好恐怖呀，咁簡單嘅中文都寫到一舊雲，失禮死人。

正確寫法應為：旺角北長者可獲贈雙黃蓮蓉月餅乙個

原句子的「免費送贈」好多餘，話明「送贈」就梗係免費啦屌你，仲有，句子應一氣呵成，簡單易明，主體要清晰，主體是旺角北長者，可用「xxx可獲贈」，原句子連「贈予」的「予」也寫錯白字「與」，不撚知所謂，仲要學人咬文嚼字，係咪痴撚線？

戇撚鳩。

====================


2010-09-14

工盟否認派月餅與長者

男子借名 旺角派餅

【明報專訊】中秋將至，好多政黨都會乘機派月餅街坊，不過最近Emily就聽到兩宗「月餅風波」，真係無得食都得啖笑！

話說職工盟噚日發張聲明，話從來無授權一個叫做「謝卓男」會員去派月餅，對方做乜都同職工盟無關，聲明仲呼籲謝姓男子唔好再用職工盟屬會「香港物業管理及保安職工總會」（下稱總會）名義做宣傳喎！Emily就奇怪，究竟有人用職工盟名義做善事，點解佢都唔領呢個順水人情呢？

傳單錯字 網民惡搞

追查之下，原來呢個叫做謝卓男人，近期經常旺角街頭派傳單，用總會名義派月餅，但張傳單係咁樣寫：「免費送贈雙黃連（蓮）蓉月餅與旺角北長者乙個」，？贈月餅之餘仲有長者送？呢位仁兄唔通開老人院？非也非也，原來佢係將個「與」字同「予」字搞亂，正所謂差之毫釐，謬之千里，結果引起網民熱烈討論，話有人周街「派長者」，有網民更笑言：「家有一老，如有一寶，大家爭住要啦！」「我可唔可以淨係要個長者呀？」網民係咁惡搞，難怪職工盟都要急急發聲明撇清關係啦！