長實私有化古蹟變名店平民免入嚴禁拍照‧古咨委投訴

Share

本部落簡評：喂，真係好笑喇，呢度係香港，都回歸左咁撚耐，乜港喱唔識規矩咩，阿李嘉誠殿下一番好意買左舊水警總部，如果人地保留舊貌，你地班港喱又話 cheap 喇、又話老撚土喇、要「棄舊迎新」喇，嘩！港女又話好撚低級呀映衰晒喇，咁而家人地咪改撚左造名店商場同酒店囉，不知幾高貴啦仆你個街，平民幫襯唔到好正常咋喎，俾你一般人去o架咩下？平民呢( 我唔講窮人喇費時傷人自尊啦係咪...)就唔好學人去呢啲地方，名店梗係俾有錢人去o架啦，俾你班 cheap 窮撚去咩？？無錢買貴嘢學咩人去名店呀，去唔起係閣下嘅問題，咁簡單嘅道理唔撚駛解釋啦下話？港喱最鍾意客觀理性和諧持平嘛，人地既然買左，就係人地嘅嘢，係財產嚟嘅，港喱乜唔係成日要講「無話啱定錯，要尊重人地嘛~~」咁嘅咩，呢度係香港地，每一秒鐘講錢嘅，用番港喱客觀持平嘅道理：咁你映左相係咪俾番版權費先而家？


港喱最叻講自由市場嘛：「物競天擇適者生存o架」、「達爾文理論吖嘛」、「窮梗係有原因啦有錢梗有過人之處啦」、「自由市場決定一切啦」、「批評大財團 = 破壞繁榮安定啦 = 左派思想啦 = 搞亂檔啦」咁o架嘛屌你老味，抵死啦香港人，努力啲啦，照下鏡啦屌你，搵多啲錢咪有資格去高級地方囉，屌你唔識規矩就唔好咁撚多嘢講， OK ？教精你啲港喱唔好成撚日戇撚柒柒先得o架。

---------------------------------------------




長實霸道　 1881內不准拍照
奪取市民集體回憶　古諮委投訴

2009年12月05日 蘋果日報 報道


【本報訊】由尖沙嘴前水警總部改建而成的 1881 Heritage古蹟酒店，被長實集團「私有化」。有古物諮詢委員會成員日前到 1881用膳後擬拍照留念時，遭保安員喝止，更大聲夾惡說：「呢度係長江買咗，你唔影得相！」古諮會昨日去信長實投訴，要求對方檢討開放予公眾參觀的安排，停止將市民的集體回憶據為己有。　記者：黃偉駿

古物諮詢委員會昨日舉行定期會議，當討論到古蹟交予私人財團活化時，委員趙麗娟即炮轟由長實活化成 1881的尖沙嘴前水警總部，很難讓公眾走近參觀。她分享親身經歷，表示日前曾到 1881用膳，之後四圍參觀這座百年古蹟，走到酒店後園時，正打算舉起相機拍照留念，突然被一名保安員走出來喝止

痛心古蹟面目全非

趙表示，當時是下午 4時許，身處範圍並無酒店住客，所以即使拍照也不會滋擾到他人，於是反問為何不准拍照，對方竟然聲大夾惡回答說：「呢度係長江買咗，你唔影得相！」趙為之氣結，沒有再跟對方爭辯下離開，在昨日的古諮會會議上公開事件。她說古諮會一眾成員曾在長實安排下，先後兩次參觀 1881，但自己均無出席，所以保安員不知道其身份。
另一委員、建築師學會前會長林雲峯也坦言對事件痛心，批評政府當年將這座有 128年歷史的古蹟交予長實營運，結果如今被改建得面目全非，「當年啲樹、山全部冇晒。」他說國際保育原則是要將古蹟原貌保存，甚至可以還原，「但家改到你都分唔出邊啲係新，邊啲係原有建築，矮化咗整個水警總部。」他指整座古蹟現時充斥名店及豪華酒店，淪為發展商的私人物業，一般市民很難入內參觀。

地契留有灰色地帶

古諮會主席陳智思表示，已經去信長實，要求對方檢討現有 1881的參觀安排，「呢座古蹟係屬於全香港市民擁有，好多人都希望可以入去睇吓，影相留念。如果話俾人聽原來呢度係私人地方，你唔影得相，我諗好多市民會好失望。」

地政總署當年與長實訂立 1881地契時，留了很多灰色地帶，並無具體列出保育要求和營運管理規範等，包括開放時間及開放範圍，換言之長實是可以「為所欲為」。現時長實每日只會在指定時段安排市民參加免費導賞團參觀酒店內部，而只有 1881前方的露天廣場是可以讓市民與遊客自由拍照。

【本報訊】有 128年歷史的尖沙嘴前水警總部，已被列為法定古蹟。長實於 03年投得前水警總部發展權後，耗資 10億元改建為超豪古蹟酒店及商場，命名為 1881 Heritage，但完工時間由去年 3月底延遲一年，結果被地政總署罰款近億元。

延遲完工被罰近億

前水警總部是首個讓私營機構參與保育和發展為旅遊設施的項目。原本綠樹成蔭，有 192棵樹木，但長實中標後一度要求砍伐園內逾 70%樹木，雖然曾遭城規會駁回，但最終長實仍獲批准砍掉大部份樹木，現在僅有 18棵樹得以倖存。酒店房間收費媲美五星級酒店，套房每晚收費最高達 1萬元。

根據地政總署與長實訂定的地契， 1881原定於去年 3月底完工，惟工程拖至今年 3月底始完成，結果長實被迫將原本 3.5億元的補地價金額「加碼」，向地政總署額外繳付罰款 9,453萬元。惟長實一再取巧，於今年 4月初借市民過橋，在酒店仍未完成裝修情況下，局部開放沙塵滾滾的酒店予市民參觀，以免再被地政總署進一步罰款。