事源：一名霸氣港太獨自乘搭的士並攜有嬰兒車，搭完後的士司機要收取 $5 行李費， 從片段理解，港太指嬰兒車並非行李，無須支付行李費，並以惡言痛罵司機，期間司機態度相當克制，又向的士台求證，的士台回覆無須收費，司機向港太連聲道歉，但港太見對方無惡意，還乘勢追擊，不斷以惡言挑釁司機。
不過，有網民看過片段後，向的士台及運輸署查證，證實若果沒有嬰兒或小孩陪同乘搭，嬰兒車就當作行李，是要收費。簡單來講，大人與嬰兒、小孩(有些幾歲小孩可能仍要坐嬰兒車)一起搭的士，那嬰兒車就不會當作行李，相反，若果乘客「攜帶」了嬰兒車，那嬰兒車就是「行李」，簡單易明。至於傷殘人士的輪椅及輔助工具也不會當作「行李」。
以下網民的求證：
根據運輸署資料，司機可就：【一】每件擺放在車尾行李廂內的行李；或【二】每件擺放在車尾廂內而長、闊、高總和超過 140 厘米的行李收取附加費。只有殘疾乘客的輪椅及拐杖毋須收費。
有網民就此事查問的士台，行家的確會為方便照顧稚子的父母免收附加費。若果並無小朋友陪同下，嬰兒車則視為行李處理，收取每件港幣 $ 5 行李附加費。的士台當時可能假設有小朋友在場，著司機免收附加費。
片段由該惡港太拍攝並上傳至互聯網，也在「親子王國討論區」發表言論意圖搏取網民支持，她更拍下了的士司機樣貌和車牌，期望社會各界會追擊該名的士司機。片段上載後引來許多網民批評，指那惡港太無理取鬧，並用惡言欺壓司機省回行李費，但在初時，有網民誤解了以為「有小孩陪同，嬰兒車就要收行李費」，但惡港太反駁當時並無小孩在場，即是港太認為，只要無小孩陪同乘搭的士，嬰兒車就不當是行李，她自己已說明了當時並無小孩在場，而根據運輸署資料，剛好相反，是「無小孩陪同，嬰兒車視作行李」。
由於那惡港太的片段受到廣泛批評，她已刪除了有關片段，有熱心網民把片段備份再上傳，片段繼續引來討論。
伸延閱讀：
本部獨家片段：港男跪地向港女女皇嚎哭求情
「港女大鬧聯興行」事件分析
(特級完整版) 港女貴客抓平貨持惡拍片K.O 戇直店長事件
惡男女大鬧馬灣巴士事件
13 則留言:
點解D港女成日可以為左D小事而破口大罵,做埋D失o西儀態o既行為?其實如果拒真係吳想比既話,都可以用冷靜同堅定既態度去講,而吳係好似發o西顛o甘...我無o係HK生活左好耐,雖然內心都係有某一定程度係HK人,但係對於近年o既新文化都吳係好明白﹐尤其係港女文化,乜D女仔吳明白o甘樣倒頭來係自己蝕底?
非常喜歡最尾的一句:
無論你幾疼惜你的小孩也好
五蚊雞便看出你的人品。
點解香港人越黎越唔寬容﹖越黎越識得「得寸進尺」。就算條例話唔應該收 5 蚊行李費，使唔使囂到盡﹖
可能佢地平時無咩值得自己自信既地方，於是一覺得自己有 Right 有道理就盛勢凌人，從中得到「自己係正確既，自己係有優勢既」既快感。可悲。
有這樣既父母，我對香港下一代感到嘆息。
好在佢仔女不在現場,否則,教壞細路(雖然佢仔女可能細到聽唔明佢地嘈咩......)
睇完我只有一個反應:呢d人咪正仆街囉,又係恃住拍左片就=自己岩左+實有人撐,仲要為人母親...把口都咁臭賤,個司機都咁忍得,呢d咪有職業操守囉
呢個港太係典型嘅欺善怕惡的香港人, 面對強權, 佢哋粒聲唔敢出, 忍氣吞聲, 逆來順受, 好多時仲會幫口鬧嗰啲敢反抗嘅人搞亂香港, 一旦遇到佢哋認為可以欺負的人, 就會有風使盡(巾里), 將內心嘅抑鬱憤恨盡情咁發洩喺弱者身上.
之前o係無記睇到一齣港產片：行運超人，梁朝偉係做風水師，佢話過「曲水有情」，從風水學上講，一個河口或海口如果呈曲形，水流會穩定，仲冇咁易起浪，咁人都會有人情味，滿足到而家成日都叫人和諧嘅目的；而家成個維港填到平哂，浪都大Ｄ，即係人都開始冇乜人情可言，所以埋怨及無理取鬧都會時有發生。
再講呢單case，即係趙燕萍事件嘅翻版，歷史係會不停咁重複發生，而家好多人都仲覺得自己有理，就唔理三七廿一將對方嘅「無理」搬上公眾平台公審，諗住可以攞彩攞到盡，置對方於死地。
不過公眾唔係冇腦（呢樣都幾奇，港喱對呢Ｄ事可以明辨是非），貼得呢Ｄ野上黎嘅當事人，多數都要落荒而逃。但我都係唔明，趙燕萍呢單case，幾乎九成以上嘅人都知道，明知咁做係攞架黎丟，點解都仲有咁多人都會照做？怪哉！
其實好搞笑,
呢d咁 up-to-date又識去forum唱衰人同upload去youtube 既呀姐,
應該都知道無理取鬧黎後果只會招人臭罵,
但都唔會收檢下,手中有機就大曬,
以為自己一定岩曬,但最後惹黎大眾批判同公開曬佢既惡行, 為個$5, 簡直係得不償失。
希望佢d仔女有獨立思考能力,唔好俾佢個媽影響,第日做左另一班港女。
"霸氣港太惡言挑釁成功呃取的士$5行李費事件
好欣賞你起的標題,好貼題又精彩,果個根本就係港太,唔係未婚港女,反映港女格已蔓延到太太,十分恐怖,係唔係睇得八婆電視劇太多?
佢欠人哋五蚊雞,又欠人哋一個公道,又發爛渣--又一個臭閪!
衰格無品！做啊媽有細路吾係大能晒的！呢種女人娶到都喊三聲，仲擺上討論區妳估有人話妳？當人無腦？
而家新一代港女偶像已經出現, 唔該呢D港女通通行埋一邊啦!
呢位偶像既威水史:
老細約佢食飯, 讚佢並表示過對佢有好感... 之後老細指派佢出街做野佢全部抗絕, 叫佢入房開會佢唔制, 老細頂唔順炒佢, 結果仲被佢Port返轉頭, 賠半年糧都不特止, 仲要日日被報紙唱衰, 分分鐘連果位老細自己份工都不保...
你地話呢位港女係咪好叻叻?
> 果個根本就係港太,唔係未婚港女,反映港女格已蔓延到太太
有咩出奇呢﹖港女結左婚咪變成港太囉。
我地上一任特首夫人唔係爭過A1咩﹖
發佈留言