近期網誌簡介


2010年5月17日星期一

「主流輿論」成功爭取五區公投票率未達預期指標



五區公投,總辭五位議員得票票數比 2008 年立法會選擇為高,五人成功重返議事堂,但整體投票率遠差於預期。香港的民主步伐,除了大安旨意醒字派的香港人自我放棄外,原來,打擊民主最大敵人,竟然不是霸權中共中央,甚至不是保皇黨建聯,而是我們每天真心崇拜兼堅信不移的所謂「主流輿論」,詭異地,社會上的主流輿論、高等學者、尊貴賢達、良心商界、偉大的民主黨 ( 名字叫民主的黨 )、媒體名嘴、及包括政府上下一眾「父母高官」,他們無所不用其極地嘲弄抹黑扭曲五區公投,終於成功爭取低投票率,只要主流輿論鄙視這個公投,就會聽教聽話的不去投票。


又當然,港式生活智慧告訴我們,放棄機會的同時,仍然可以繼續對社會抱怨的。


選舉過後,主流媒體應該會群起事後孔明一番,各方高尚學者賢達,又再來評價五區公投是何等無聊,那邊廂,自認醒目的中國香港人,又會齊來狂賀自己無去投票,免得做傻瓜,說到底,最開心莫過於中共中央,港喱真是容易操縱,不費吹灰之力港喱自動投降,民建聯也會知道,不用搞那麼多蛇宴了。


立法會補選中,五名發動五區公投的議員,全部勝出,當中 3人得票超過 10萬。

港島區公民黨的陳淑莊以 103564票當選。

九龍東的公民黨梁家傑,奪 82,066 票。

九龍西的社民連黃毓民,得 60,395票。

新界東梁國雄獲 108,927票當選。

新界西的社民連陳偉業 得 109,609票 。










19 則留言:

Mango Projects 說...

香港人鐘意食屎
鐘意做狗
鐘意做奴才
我覺得,社民連都無謂再為香港人爭取民主…
香港人寧願選擇白韻琴,都唔要一個真心真意為民請命的真英雄
香港…仲有咩前途,仲有咩希望?

反正,今次的選舉意義是一場公投
香港人民既然咁樣選擇,
有咩後果就香港人自己受番
這是對他們的教訓
與人無尤
社民連, 毓民,寧願你好好保重身體,享受清福
也無謂再為呢班咁既香港人操勞了…

最好社民連輸晒,
然後大財團日日加價、
地產商成日加租、
老闆要你一日做二十個鐘、
永遠買唔起樓、無嘢撈、

子女讀書無前途、
高官日日玩殘你、
你求生不得求死不能、
永遠無出頭、

仔女、孫仔孫女世代無運行、日日無啖好食,
DAB 對你地班港喱惡形惡相、銀行又呃你(都唔係未呃過啦),

咁樣,香港人個個淪為奴隸,咁就可能會有少少反思。


香港人令人失望,社民連為香港人犧牲咁多,都得唔到人支持,我都覺得社民連無須要為我o地港人繼續犧牲!!

THF 說...

我而家真心相信,香港人原來真係已經變成一堆白痴。

可以話浪費公帑而唔投票,筆錢唔使都使左,唔投票就等同倒錢落海。哈!香港人呻窮,但就甘願浪費自己嘅血汗錢,唔怪得政府使左六百幾億起廢鐵大家竟然冇肉赤嘅感覺,香港人原來真係咁白痴。

可以話連特首都唔投咁投黎做乜?哈,咁聽話,特首叫你地去生三個,點解一個二個啋佢都有味?特首叫你地去支持政改,點解又係度大吵大鬧?

我估啦(其實唔使估,無恥政黨都已經計到哂),到時候基本法23條立法,就算強行立法,大家都唔會有太大反應,因為...香港人都已經係白痴,點玩你地都得啦。

公投真係一塊照出所有人心嘅強力照妖鏡,仲要係...今次唔係一次真嘅公投。雖然我都係一窮二白,但我都想移民,老實講香港真係...處於垂死邊緣,已經係唔住得。

匿名 說...

其實會唔會有人可以總結一下,,等的影響呢? 宜家D人都係叫人投我啦投我啦,但都冇講有意義既野.

文見鸞 說...

香港人已經證明咗佢地重有中國人的優良基因,成龍講得對,中國人是要管的,我建議中國可以恢復帝制,反正中港澳同胞都唔會有異議啦.
此舉更有利於統治者管理人民,方便施政,例如倡議"公投"者可以拎去槍斃,咁全中國都可以和諧落去,直至千秋萬世,所以我地要擁護新中國,中華人民共和國萬歲!!

陳大文部落 說...

Mango Projects :

嘿嘿嘿..

好奇怪,成日聽見有人話:「黃毓民講嘢好大聲、粗魯..」,但平日在街上,我地香港人無時無刻講手提電話,好似仲大聲過佢,而且不分時間地點,都粗魯過佢,呢個只係簡單例子...


白韻琴主要由民建聯灌票俾佢,正常來講,真係諗唔到有咩正常人會投白韻琴,基本上,喜歡佢嘅人應該非常少數,但唔好講笑,睇下白婆婆果種「法蘭西式 Lagy 帽服飾」,個 look 好「紳士淑女」,對一些港式市民來說,都幾吸引,感覺良好嘛。


我真係覺得好怪異,當見到好多人執著話「社民連好粗魯」時,其實李嘉誠、李兆基、財團、功能組別呀等等,佢地對香港人唔粗暴咩?( 搶你錢財、賣樓呃你...等等 ),可能香港人會覺得:「人地個款點都斯文吖,唔會大聲吖」咁撚樣的。

....好奇景,真係好迷離境界...

陳大文部落 說...

文見鸞:


無錯!成龍...世事都俾佢看透了....

Quality Alchemist 說...

知不知道有多少票是白票?

匿名 說...

這是Billy

個人認為今次公投基本上向中共哂左一次馬, 話俾人聽我地唔係咩野"一少撮別有用心的人".

不過, 公社兩黨(特別係社民連)要好好改善同泛民ge關係 (就算盟友有錯, 總不能剷到人地上天花板啩),整合一下策略, 壯大民主陣營.

至於喜歡食屎ge人, 就暫時唔好迫佢食飯住. 等到民主陣營壯大(統一戰線, 取得一定ge話語權)之後再幫佢地戒屎都未遲.

陳大文部落 說...

2010年5月17日下午9:22 匿名 ( Billy ):

「壯大民主陣營」其實就無乜可能,因為我地過往真心相信嘅所謂「泛民陣營」已變左質,即係表面睇落好似爭取民主,但實質講求「和諧」、「公務員化」,大時大節七一、六四等日子,例牌叫下口號、舞下大旗,但大是大非上,例如「踢走功能組別」,就竟然接受加多十席,你話夠過癮未??


社民連是否多口齒印,我作為觀眾,我都覺得明顯地多,但又又引伸出一個逆向思維的問題:

- 其實所謂嘅「社民連得罪人多」,被「得罪」的人或團體,其本身有無問題?


- 所謂嘅「牙齒印」,有幾多係 LSD 無厘頭得罪人,而又有幾多只不過係「和 LSD 不同路」?既不同路,咁當然會覺得「你得罪我」啦,係咪?

正如當有人批評民建聯,相對於民建聯立場來講,也會認為「你而家得罪緊我喎」咁樣嘛。

呢啲都係我地要諗嘅問題。

陳大文部落 說...

2010年5月17日下午4:43 Quality:

我...唔係好記得係咪 3% 定幾多,要查下。

匿名 說...

Billy again

可惜, 港式思維係就算佢幾唔arm都好, 你一定要好似lum女朋友咁, 唔話得ga, 大聲d都話你惡, 巧京京啊 ~ ~ ~

逍遙神父 說...

陳大文兄:

> 正常來講,真係諗唔到有咩正常人會投白韻琴

好難介定咩係「正常人」,或者話今時今日香港點先為之正常人,好似我地,就已經比「大部份具理性思維既香港市民」定性為不正常的被政棍們利用既傻仔.

不過我想講既係, 確實真係有唔少人去投白姐姐. 而且有後生仔投佢, 並非只得師奶, 亦唔計夜晚果d坐旅遊巴去投既人. 呢d人基本上都係好單純地為左踢走郁民而 "合埋眼" 去投白姐姐 --- 坦白講, 我尊重佢地既選擇(非諷刺), 因為其實當日選長毛入去之時, 至少我自己既心態其實差唔多(當時冇人知道長毛入去後究竟會做成點的). 不違言, 都有少許「不如玩大佢」心情也.

匿名 說...

我十分同意MANGO 的講法, 或許人世間真是有一個CYCLE, 只有當按住人們個頭不斷食屎,你先會醒覺, 其餘的時間, 只要你穿住西裝, 話下什麼無形之手,自由經濟, 你就可以從佢地個袋裏應拿盡拿, 而且佢地還會笑住同你講多謝

香港人, 東風已過,我都想儲錢移民,

匿名 說...

留意到身邊有好多人都唔去投票,佢地唔投票的主要原因係五區公投定輸贏的分界不明確,贏輸都係任得公社兩黨或其他人自行演繹,佢地既演繹係騎劫民意,所以唔會玩呢啲唔知輸贏既遊戲。

我有去投票,因為我係支持五區公投的議題,所以我會去表態。對於我來講呢個係理所當然既事,冇咩特別考慮因素。

但係我認為今次公投係唔成功。我指的唔成功並不是指投票率低。而係公社兩黨處理公投的公關策略錯誤,俾人一種輸打贏要的感覺。

要宣傳公投從而提高投票率的方法都係好直接,越多人、越多錢就會做得好。至於有幾多人肯出來投票,呢個無人可以控制到。但係我相信公社兩黨應該知道出現投票率低的機會率一定係高過投票率高,所以更應該積極處理出現投票率低所帶出來既影響。

公社是否對高投票率太過一相情願?我覺得佢地好似冇諗過點樣去演繹投票率低同處理出來既負面影響。會唔會有啲高明既方法呢?例如話"公投只係爭取民主的一個中途站,低投票率代表我地要更加努力去爭取下一次民主運動的成功"等等。其實所有建制派都會話公投係失敗,所以輸打贏要,標榜有50萬人投票並不高明,只會令到今次公投冇出來投票既人更加唔會係2012投票。

公社兩黨及民主派需要更高的政治智慧及公關策略,否則只會自毀前程,建制派就坐享其成。

Joe

愛民主的人 說...

咁我又覺得公社兩黨唔多唔少都有d責任,勝負準則成日改,議題又定得唔清楚,同埋搞公投個時,冇同其他泛民傾好哂,咁好難怪人地唔肯....我只係希望公社好好檢討今次呢個新民主運動o既失敗原因,令下次有關活動避免再犯上同樣錯誤!

陳大文部落 說...

2010年5月19日下午2:57 Joe:

希望你可以再講多些關於五區公投的分析意見,因為你所講的似乎在外界很少提到,而且是我最想聽取的觀點。

我並非社民連成員,但我想多聽取一些技術性的分析,這也是我一貫的取態。

我也會對五區公投作事後評估,但近日事忙,稍後我會在網誌撰文。

如果可以的話,請留言說多些你的見解。

匿名 說...

民主這兩個字係最好利用的詞語..
共產黨以此起家..
民進黨亦是...
都是宣傳仇恨..挑撥..暴力來分化社會階級..奪取政治資源..
大字報..三反五反..鬥爭..煽動年輕熱血的紅衛兵...所作所為與口口聲聲的民主有那門子關係??
爭取社會的公義才是要項,不是為反對而反對...耍嘴皮喊口號就係為民請命,正一無本生利的生意..純粹中國式廉價民主...
連最基本的少數服從多數規則都顧左右而言他,學人地攪什麼運動...當年五四運動講的是德先生同賽先生...請問今天"賽先生"在哪?不實事就事,假大空,就是反智...
謂最憎共產黨,但手段卻如出一轍..又謂官字兩個口,原來自己都不遑多讓...為什麼都是對方要檢討,自己一點自省空間都沒有?跟中國大陸有分別嗎?還不是吐口水講過.
等真的利用民粹上台後,不免又引起另一群為爭取民主大業的反對政營出來...
政治就是一場爭奪資源的戰爭..但行事手法有高劣之分..公道自在人心...
社民連有他激情的市場價值,極左光環那一撮人,無可厚非..最無謂係主張理性的公民黨,到底市場定位在哪?

匿名 說...

引述香討網友阿Roy仔意見:

點解我唔支持長毛就等於唔支持民主??
民主就只係兩選一??
民主就一定係無得傾,反反反???
俾你推倒了共產黨,倒頭來咪又係由你呢班老粗來一黨專政???? 有分別嗎?????
我個人極之討厭民建聯自由黨之類的哈巴狗,唔做野,講大話,無思想...
更討厭社團連的無理性,動粗,一味大叫卻一事無成!!! (特別係嗰班十幾廿歲的小朋友... 佢地根本唔知自己做緊乜,你長毛响後面叫下,前面班無知細路就同你賣命... 同黑社會有咩分別??)

helen17162 說...

帖子4:
毛澤東教導中國人:階級鬥爭要年年講月月講,時刻不能忘記階級鬥爭,香港人無做錯,毛澤東到今日都是共產党的精神領袖。
鬥爭,鬥爭,再鬥爭,是共產党的本領
香港人都希望鬥出個民主社會來,又有何不可呢?