近期網誌簡介

2010年7月22日星期四

(完整版) 半日逾50萬擊,周秀娜熱情男粉絲一吻成名!

注意:從影片所見,相信大家都會覺得這名周秀娜熱情男 fans 很毒男 feel,他叫鄭智殷,在本年二月份左右,參加過周星馳《喜劇之王 2》諧星招募活動,其搞笑舉動被傳媒報道。昨日他在書展,是真的買了周秀娜寫真集,他熱吻周秀娜寫真集的影片被上網後,在半天內有逾 50 萬人次觀看,並即日成為全港最受關注影片,他其後在網誌表示,只是借書展刻意扮演毒男來磨練演技。

各界傳媒注意:本網誌資料皆為準確,請盡量不要誤會他是毒男而作專題報道。從醫學上,他屬於病患人士,並非什麼「毒男、色情狂、毒撚」之類。


※本部落必須指出,唔係想罵鄭智殷,但不鼓勵佢咁樣搏上位。

阿鄭生腦有病,無錯,係病患者,社會應該幫佢,唔應該笑佢。但鄭生如果立志做喜劇演員,想為觀眾帶來歡樂的話,就算扮鬼扮馬都好,唔該唔好咁樣入去書展拎 住本寫真集扮超級毒男,「毒男」呢個名詞已經太濫用,佢在影片中的表現,如果唔知佢腦有事的話,講真,真係好毒,而且扮得好似,或者佢真係好毒?我唔知, 但佢咁樣做法,好多「婦女界」、「道德界」人士,睇完條片,會大造文章,話香港男仔好毒,沉迷o靚模寫真,又會不斷抹黑男人,以為個個睇下o靚模嘅人都似 阿鄭生咁樣。

扮乜都好,搏上位唔緊要,但唔該佢自己身為男仔,就唔好借o靚模、毒男、宅男、電車男等等來上位,用醜化男人嘅手法為自己增加曝光,位唔係咁上的。

希望佢用其他方法做佢自稱嘅「磨練演技」,而唔係借男人過橋,醜化男仔來上位,佢自己都係男仔啦。

講完。

鄭智殷自三歲開始患有腦水腫,請參閱以下報道:

http://hk.apple.nextmedia.com/template/apple/art_main.php?iss_id=20070122&sec_id=4104&art_id=6738807




熱情男鄭先生吻秀娜寫真另一影片:




鄭智殷的搞笑造型照:





腦部植有鋼喉 求人手安檢被拒
青年丟職疑機管局歧視
2007年01月22日

【本報訊】一名曾經患有腦水腫的青年,先後獲兩間公司聘用在機場工作,但他因傷患在腦部植入鋼喉而不能通過金屬探測門進行保安檢查,要求機場管理局讓他在入職後,改用人手而毋須經儀器進行安檢,但機管局堅持拒發予禁區通行證。他質疑機管局殘疾歧視,將向平等機會委員會投訴。


議員將向平機會投訴

事主是 19歲的鄭智殷, 3歲時驗出腦水腫, 2000年在瑪麗醫院接受外科手術,在腦部植入調校壓力的分流器及鋼喉,以永久改善腦部積水問題。但自此他就不能靠近會產生強力磁場的儀器,因此他每次出外旅遊,都會出示醫生紙證明他不能通過機場的金屬探測門作保安檢查,機場保安人員也會用人手替他進行檢查。

阿殷於去年找到兩份機場工作,分別是行李處理員及客務助理,但發放禁區通行證的機管局發證辦事處職員卻指阿殷要人手安檢的要求,會令行政手續麻煩,職員也認為阿殷不能豁免不進行正常保安檢查,因此拒絕向他發出禁區通行證,結果令他失去兩份工作。

中五程度的鄭智殷指,自己先後找過 200份工作,好不容易才獲僱主聘用,豈料因為機管局而願望落空,「只係一張禁區紙,就定我生死?好唔公平!」協助他的立法會議員王國興批評機管局的做法有殘疾歧視之嫌,短期內會向平機會正式投訴。機管局發言人回應指,對事件表示關注,該局會就此作詳細了解。

4 則留言:

希樹 說...

看到他的pose很嘔心..

Kyliecat 說...

勁!

小P 說...

我覺得佢玩緊曲線,似係度嘲諷Do靚模多過痴迷佢地。佢嘅真人show係好嘔心,但睇得到其動作非常刻意。當然,鄭先生係唔係有咁嘅智慧玩曲線,真係天曉得。

老實講,如果我係o靚模見到呢挺人買我嘅寫真集,當場會覺得尊嚴掃地。不過,o靚模嘅眼中只係一個錢字,真係醒覺有尊嚴嘅就唔會去賣接近裸露嘅寫真,sell身材亦都唔須要做到咁。

黃秋生去寸爆佢地,開初我都覺得有D過份,但而家諗落又真係寸得幾岩。

Killjoy 說...

-->o靚模嘅眼中只係一個錢字

為一個錢字有乜問題?
阿婆洗碗唔係為錢?
60歲看更阿伯唔係錢?

-->sell身材亦都唔須要做到咁

咪就係出寫真lor, 唔係咁sell 可以點sell?