蘋果日報 2009-11-1 報道
( 藍色字為本部落回應，並包括有適量粗口字眼，以便深入淺出讓讀者更易理解 )
【本報訊】教學語言修訂方案明年實施，但教育局禁止官津中學公佈可開辦的英文班數目，令家長難以摸清學校是否真英中。可以表明英語授課的直資中學更吸引家長，直資名校拔萃男書院昨日舉行兩場入學講座，吸引約 2,000名家長和學生出席。有選校專家相信，家長會爭報直資「打底」，料報讀人數大增 20至 30%。
回應：嗱，特區政府就係咁㗎喇，又想有新政策，好學唔學學晒大陸中共中央果套嘢，就係唔會講明政策想點，要你估估下，你估唔中係你問題，估得中都可以隨時變掛，反正都無預先講明嘛。仲有，香港已經夠晒醬缸，荒謬之程度已無可想象，原來有樣嘢叫做「選校專家！！」，嘩屌咩嚟？連學生選校都有「選校專家」，人地移民就有「景鴻幫到您」移民專家嗟，估唔到報學校都有專家指點，咁收費幾多呢？如果幫襯左「專家」但又入唔到心水學校，係咪可以去消委會投鳩訴回水呢？？真係一個謎...
操行體藝同樣重要
男拔中一有 240個學額，但其中 200個會留予附屬小學和最後一年有直屬關係的拔萃小學，故只有約 40個學額公開招生，去年吸引 1,100人報讀。男拔將選出 300至 400名有優異表現的報名學生面試，以小學成績、體藝表現和操行作篩選。校長張灼祥在講座上說：「操行劣等，一定冇機會出現喺面試。」
回應：各位港喱家長好聽清楚喇，人地高等華人名校係一條龍，由拔萃小學直升上拔萃中學，唔好以為你報就有得讀，話之你班家長日日要個仔上啟智班呢樣果樣，人地係講「血統」㗎，從幾歲入小學已經開始揀定「未來高等華人」喇，阿張校長咁講出嚟都好嘅，唔駛班濕鳩家長望到頸都長。得 40 個學額俾外邊人，有過千人爭崩頭報名，你入撚到話你叻啦屌你，哈哈哈哈，港喱家長腳踏實地吧啦，你想做高等華人呀？照下鏡先啦，睇下你做咩職業、咩職位、家族有無錢，最起碼中上產，你話你個仔係人才都無用，人地名校起你底，你未去面試已經無資格踏足校門喇，港喱！自量下啦。啲港喱真係屌少陣都唔得嘅！(請參閱《香港粗口文化：屌字的用途》)
體藝表現優異學生不一定取錄，張灼祥表示曾拒收考獲小提琴第八級的學生，「佢係機械式演奏，冇感情，每年都有 20至 30個小朋友係六級或以上小提琴造詣，所以呢個唔係指標。」副校長鄭基恩補充說：「音樂唔係谷出嚟。」
回應：喂阿校長，你咁撚藝術嘅你....體藝優異又唔得、音樂天才又唔鍾意，你想點呀其實？人地個仔咁犀利屋企有錢學小提琴又玩運動又天文地理，你間名校都係要優質家庭嗟，唔好扮清高啦，呢度係香港嚟，每分鐘講錢嘅，男拔萃係咩？高等華人名校囉！講完！阿校長你講到自己咁有理想，你夠唔夠膽去教窮鬼新移民子女呢？窮鬼喎，乜都唔識喎，你見到都叫佢過主啦唔好影衰晒啦，話人地「機械式演奏」，真係藝術天才就去外國啦，駛讀你男拔萃咩，講來講去詭辯，賣弄高深都係想班家長唔好個撚個仆街咁搶報名嗟，如果唔係香港咁嘅教育制度，根本就唔會產生你呢啲「所謂名校」！
男拔中一學費每年 3.3萬元，張灼祥稱約一成學生獲學費減免，部份是領取綜援，他呼籲家長勿因家貧而不敢為兒子報讀。
回應：其實我知啲所謂名校，為左避免外界批評只收高質家庭，衰衰地都收少量窮鬼，但我夠膽講，呢啲只係少量 Quota 嚟，做番個樣俾教育局睇，大把有錢人個仔喺度讀，你間學校唔介意，人地有錢仔老豆老母都唔鍾意，唔好以為我唔知你呢啲名校搞乜，美其名話培育英才，實則玩名人效應吹捧明星級學府，回歸後，名校越來越古惑，更有好多二、三線濕鳩中學去扮「偽名校」，巧妙地將測驗成績加加減減營造「名校形象」，但始終打唔過傳統名校( 例如：拔萃)，就係因為港喱家長鍾意名牌效應，所以你呢啲咁嘅名校至有咁大市場。
教學語言修訂方案明年實行，官立和津貼中學不再分中中和英中，各校自定分班、分科或分時釐定教學語言，但教育局禁止公佈英文班數目，家長隨時誤選「假英中」。直資中學不受限制，因此教學語言安排可公開。家長譚太昨到男拔聽講座，她對新政策有隱憂，因此今年主要為幼子報直資，「我囝囝係拔尖（學生），佢可以讀英文水準（中學），如果被編到讀中文課程，可能影響成長。」
回應：阿呢位家長，你唔好理你個仔係咪「拔尖」，首先唔該你望下你銀行有幾多資產，望下你住邊度，係咪高尚住宅，又照下鏡，睇下自己行出嚟有無貴氣 ( 港喱識唔識咩叫貴氣呀？ )，妳老公做咩職業有咩學歷、妳出身係點，唔好個個都覺得你個仔係「尖子」，有錢有本事嘅就送去外國，喺香港咁嘅教育制度，一係你就乖乖地跟大方向走，拔尖又點？無得去外國，日後最叻都係去 HKU，屌你 HKU 而家都有陳一諤啦( 記唔記得邊個呀？)，係咁上下㗎喇，唔好期望太高，老實講，子女是否成才，除左學校，家長亦好重要，你條命生唔正做唔到貴族就係現實，唔好乜都賴中文班累事，照下鏡啦港喱，人蠢無藥醫，屌你嫌費時，話讀中文班影響你個仔成長，你個仔大晒咩，唔好以為生個仔出嚟就一定天才先得㗎，睇下你自己港喱血統咩 DNA 先啦。
升學選校專家趙榮德指出，修訂方案令過往的官津中中和英中分野模糊，唔清楚惟有報直資。」他估計男拔等直資名校今年的報讀人數會比往年上升 20至 30%。
回應：果啲名校校長最開心啦，政策越唔清楚，就越能夠營造「名校效應」，恭喜晒喇，大把蠢港喱家長打崩頭爭嚟讀喇。
部份直資中學報名資料
聖保羅男女中學 報名日期： 6/11至 27/11
升學講座： 14/11上午 11:00 中一學費：$52,000
聖士提反書院 報名日期：即日至 31/12
升學講座： 21/11下午 2:30 中一學費：$50,000
拔萃女書院 報名日期： 9/11至 4/12
升學講座： 7/11上午 10:00 中一學費：$38,000
德望學校 報名日期：即日至 4/12
升學講座： 14/11下午 4:30 中一學費：$35,000
拔萃男書院 報名日期：即日至 12/12
升學講座：已舉行 中一學費：$33,000
聖保祿學校 報名日期：即日至 4/12
升學講座：已舉行 中一學費：$25,000
林大輝中學 報名日期：正接受報名
升學講座：已舉行 中一學費：$10,000
福建中學 報名日期：正接受報名
升學講座： 5/12下午 6:30 中一學費：$9,800
10 則留言:
哗, 甘贵吖....
我以前读嗰间宝血会上智应该无收钱哦...
小瓶子：
我以前讀天主教中學，都係唔駛俾錢，要錢都係去小食部買嘢食之嘛....
我果間都係 brand 1 嚟㗎，我唔知呀，個校長話係「天主教教區中學排 brand 1頭」喎，唔知㗎佢話㗎咋。
我以前嘅老師有啲去左做補習天皇，真人真事，仲幾紅添 ~~~
在下頗喜歡看陳兄你對社會現象的分析,不兜灣抹角,很一針見血指出問題核心,你對一些政策也很了解,之前的(為何香港這麼多問題)和這篇談名校,都指出了問題重點。
讚。
政府唔係話有十二年免費教育嘅咩？點解而家Ｄ學校收哂學費？你話呢Ｄ係書簿費就冇野好講姐，但而家呢Ｄ學校變左私校喎！玩乜撚野？
陳兄你呢篇野正呀！呢班自作聰明嘅家長，仲唔撚知個Ｄ學校仲係奉行「華人與狗（而家應該叫窮人與狗），不得內進」呢Ｄ傳統，成班校長都係銀行家，仲唔同呢Ｄ濕鳩細路「逐舊棉花同你計」乎？
最好將呢篇文「文明化」左之後投稿，睇下呢Ｄ濕鳩家長幾「用心良苦」，掟Ｄ細路入尊貴醬缸大搞。
小必理痛：
其實我嘅網誌不嬲好少用粗口，基本上係無乜，但有時鬧港喱，因為港喱(包括港喱家長...)，真係忍唔住要屌幾下，寫得斯文就無咁到肉.....
果啲名校，想象下，學生又琴棋書畫又識呢樣果樣，窮人邊有錢學咁多嘢吖，此其一，又因為現今教育制度古靈精怪，除造就左名校效應外，果啲乜乜啟智班、補習班、天才班其門如市，呢啲嘢學左有無用我唔敢講，有錢學嘅人自然覺得有用，起碼對報名校有作先。
但一般平民就慘喇，你又無錢去啟智班，去到名校面試人地問你天文地理又口啞啞，你幾有潛質都無用，根本人地唔會俾你玩。
仲有，好弔詭嘅係，名校出嚟嘅人，又會被社會無限崇拜，總之「你名校出嚟寧舍唔同」，有好機會都俾名校人先，有時我覺得係社會捧紅名校生的。
將學校分化成唔同等級, 有錢人讀名校, 窮人讀次等學校, 窮人要捱出頭比以前困難好多, 咁嘅制度對社會好唔健康, 呢個特衰政府, 真係好無良.
陳兄，
我都係做左人老竇，我明白對我嘅仔，我本應要付出多Ｄ黎到令我個仔可以開發個腦袋，但問題係，樣樣野都要講錢：你呢套迪Ｘ尼英語必買呀，如果唔係你個仔三歲之後佢Ｄ英文水平就追唔上架啦！咁幾銀？五位數....我即時屌左一聲！
俾個仔學Ｄ興趣班啦，從小俾佢多元化發展，對日後學習大有幫助。咁幾錢？一個月埋單兩三千左右啦，我又即時屌左一聲！
好明白陳兄你本身同部落格都係少粗口，但我認為有冇粗口唔代表你唔係文明一族，粗口本身係廣東話由古至今嘅一種非常情晰咁表達到自己情緒嘅一種方言。平時我都冇乜講，但當下一Ｄ荒謬事情，總會令人不禁屌屌聲啦，下話？
而家嘅名校，到今時今日都係冇進步，階級觀念極其嚴重，仲要係「窮人與狗，不得內進」，完全係違背教育嘅本意。要出名咩？又唔見佢搞一間完全學術性嘅古老十八代嘅院校？點解又要同香港教育政策一齊癲？如果唔係大家鬥掠水，用錢黎繼續同自己門牌貼金，我真係唔了解佢地嘅教育模式囉！
有錢家長又願意陪佢地癲，但試問佢地有冇統計過，係大學裡面，有多幾成嘅後生仔係來自呢Ｄ尊貴學校？就自佔好多，出到黎又似個獨當一面嘅成年人嗎？陳一諤同埋之前個兩條蛋散名校生，已經明顯係教育制度整出黎嘅一個毒瘤，既然名校出黎嘅學生應該係出類拔萃，又係精英中嘅精英，但思維真係仲天真過一個小學生，咁呢Ｄ家長俾咁多錢出黎培養仔女，係唔係呢Ｄ學校俾左屎片佢地Yak？即係貨不對辦喎！
小必理痛：
其實加少少粗口都係想生鬼啲嗟，我好少用粗口寫網誌，因為加粗口要加得好，難度不下於正正經經地寫文句。
所謂名校，雖然有較高學術成績水平，但退一步想，名校之所以謂「特別叻」，不要忘記，從收生第一步開始已選擇「家境好、父母較佳學歷」和「小學時已成績前茅」的學生，入讀後校方提供比外界 cheap 中學高幾線的學程，學生家境反正有錢，可以借助補習、請名師幫助溫習等等，亦由於學生家境好，名校的課外活動可以更高深，例如玩下天文觀星、古典音樂欣賞、名畫鑑賞、請鬼佬玩英語交流之類，所有都是講錢，錢錢錢，對於窮家子弟是很難做到，舉個例，「課外活動玩天文觀星，各同學請自備天文望遠鏡」，一買幾千銀，道理就是這樣。
所以名校生行出來點解「好似寧舍醒啲」，就因為平日他們接觸很多窮人未接觸過的事物。
最簡單的例子，一個中上產家庭付得起飛機票帶子女歐遊、付得起錢帶仔女去看交響樂表演、家有大電視 CNN乜乜物物，又去過高級食府品嘗美食見世面，這些都是窮家子弟沒接觸過的，因此社會覺得窮人學生好像很盲毛，當然啦，乜都未玩過又怎可能天文地理呢？
陳生，
本人係窮家+廢中出身的本地大學(其中一間二三線大學既水泡科)畢業生。會考重讀過一次。
智力一般，外表平凡，待人OK，唔懶唔叻，做事妥當，發達無緣，平平穩穩。
咁，公司入面有不少外國回流的大學生，同我差不多：
智力一般，外表平凡，待人OK，唔懶唔叻，做事妥當。
人家也是二十幾歲，不同的是，人家已有樓收租，開著AUDI，閒時滑水，有閒錢開間小酒吧，見多識廣。
我係完完全全體會到你所說的。
2009年11月02日 星期一 下午11:56 匿名：
你其實和許多「一般香港人(絕非貶義)」一樣，平平凡凡，做事對得住自己對得住人，OOKK、讀書尚算中等成績或偏優，性格有正義感但又不算道德高地、少有期望一步登天又肯努力工作，規規舉舉、老闆不會憎你，但又未至於特別賞識你，裁員之際未必以你為先但又不要奢望很安穩。
但你總會發覺，公司內一些外表柒柒、甚至做事能力並不高(又並非極差)的人，知識不比你多，就算外國留過學回港也不見得英文非凡，人一個，戇鳩鳩那種，但不知怎解，公司有大事，主管或老闆都喜歡和這種濕鳩人共商議，很看重他/她們，升職優先，裁員通常唔駛驚、就算做錯事，老闆又不會很生氣，給很多機會這類人....
何解？因為：
1. 人家有錢去過外國混幾年，對於中國人老闆心態來說，「浸過鹹水」寧舍唔同，「感覺良好」啲。所以凡事都多給機會。
2. 由於易被賞識，多機會發揮，成功機會也較多，這是很簡單的邏輯道理，於是更被老闆器重，自然人工好地位高，事業很有前途。
3. 結合以上 1 和 2 ，這類浸過鹹水的人很易攀上社會階梯，所以有能力買樓、揸靚車，又因為如此，平日有錢去再增廣見聞，得閒同老闆吹下水、講下飲紅酒、生活品味、彈幾句英文，好似好有文化、又講下外國見聞等等。
這就是香港現在的社會階梯，先要有「通行證」才可登上，出身較差的人，根本連通行證也沒有，想高攀也無望 ( 或非常非常困難 )。
發佈留言