策略分析：HKU$50做國慶巡遊咖哩啡兼睇劉華

Share

( 由於時間關系，以下文字會較為口語化 )


是次「愛國..慶」活動，由中聯辦首肯，再理所當然地特區政府「支持」，這是港大「表態歸邊」的大好機會，基本上，我有理由相信，報得名參加嘅「愛國 HKU 人」，心裡有數，大會方面亦會好好記住參與者，日後「有好嘢撈」之時，就會記得起你，就算未必有嘢俾你撈，都會視你為「朋友~~~ Hi~~~」，總之搞手同有心報名嘅人，唔好話我聽係純真咁去慶祝，名單上有你嘅名，大家都知第日好關照。


睇陳乞勤就知喇，從佢讀大學開始已經暗自歸左邊，畢業後火速上位，屌你做立法局議員之前做凸首助理，月入七萬八( 有幾多人咁易搵到呢？？)，佢又唔係咩專業人士，都可以有咁勁嘅人工，而家就輪到 HKU ，本港最 TOP 兩間學府歸邊大行動，嘿嘿嘿嘿嘿....


呢個係一個漸進策略嚟，HKU 咁撚多學生，搞手驚到時有人乘機玩嘢 ( 一定有...)，喺國慶度破壞大局就唔好喇，所以先由比大學生高一班的研究生開始，俾班o靚睇，大哥大姐都嚟歸邊，你仲唔識做？而家畢業咁難搵食，班 U 仔就會諗：「嘩屌，歸邊有著數喎，去啦~~」，漸漸地就會將保皇風氣傳遍校園，咁咪...........呵呵呵呵~~~~~

講到大學生暗地或高姿態歸邊，之前 HKU 前學生會會長陳一諤已經係一個明顯人辦啦，大家以為佢真係咁撚低能唔撚識睇六四資料咩？以為佢真係唔知中共做過嘅衰嘢咩？梗係唔係啦，呢啲咁嘅古惑仔，想用小聰明學人玩歸邊，佢想上位但用錯橋，結果仆直左，而家保皇派叻左喇，唔同你 ( 支持民主人士 )硬拼，同你玩歸邊，個撚個自願嚟，民主派識玩 V 勢力( 註 )，保皇派就同你玩自願歸邊，陰啲陰啲咁令民主聲音受壓，毒呀呢招。

今次歸邊巡遊，參加者每人有價值 50蚊嘅所謂紀念品，老實講， 50 蚊求其搵個親中商人，呢啲根本唔係錢，濕濕碎。最重要嘅係俾班醒目嘅大學才俊睇下，嗱，而家有得歸邊喇，咁好機會你仲唔嚟？ 紀念品唔係成件事嘅重點，重點係大學校園開始玩歸邊。

就算果啲乜撚嘢紀念品係大學學會負擔，咁你又吹佢唔脹㗎喎，啲錢就算真係來自同學嘅會費，咁點吖？學會話事，然後參與者個撚個舉手贊成，無得拗嘅。仲有，一個唔該即刻搵個親中商人，話自願資助，你篤佢地唔入嘅。

( 註 )：V 勢力 <---請參考電影「 V 煞」。

---------------------------------------

http://chanhauman.blogspot.com/2009/09/will-go-to-uni-and-stick-up-some-copies.html

Date: Thu, 24 Sep 2009 07:35:15 +0800 [09/24/2009 07:35:15 AM HKT]
From: PGSA
Cc: mail.service@intranet.hku.hk
Subject: 國慶萬人大遊行活動徵集註冊 Call for participants to 60th National Day Parade

Dear Postgraduates,

註冊請點擊:
http://hkuems1.hku.hk/hkuems/ec_regform.aspx?guest=Y&ueid=12503

對註冊的港大研究生，我們提供免費的巴士和價值50元的精美禮品，並有機會抽到青春中華晚會門票（現任香港特別行政區政務司司長唐英年先生和知名藝人劉德華等将出席），附活動詳情。

在中央人民政府駐香港特別行政區聯絡辦公室、香港特別行政區政府的大力支
持下，由香港各界青少年慶祝建國六十周年系列活動委員會主辦、香港特別行
政區政府民政事務局聯合主辦的慶祝建國壓軸項目 - 「香港各界青少年慶祝中
華人民共和國成立六十周年萬人大巡遊及主題晚會《青春中華‧健康人
生》」，將於2009年10月3日 (星期六) 隆重舉行，詳情暫定如下：

活動一)
名稱： 「香港各界青少年慶祝中華人民共和國成立六十周年萬人大巡遊」
日期： 2009年10月3日 (星期六)
時間： 下午3時正至5時正 (報到時間由中午12時開始)
地點： 集合及起步點為西九龍中天地 (近圓方／柯士甸站)、途經廣東道、梳
士巴利道，直達香港體育館為終點，完成巡遊後可自行解散

活動二)
名稱：「香港各界青少年慶祝中華人民共和國成立六十周年主題晚會」
《青春中華‧健康人生》
日期： 2009年10月3日 (星期六)
時間： 下午5時45分至晚上7時30分 (由下午5時正開始進場)
地點： 紅磡香港體育館

上述兩項項目將由香港各界青少年一同攜手為慶祝新中國成立六十周年而舉行，並以青少年為主體的巡遊活動和表演晚會；當中更注入『健康人生』的元素，從而帶出擁有強健體魄，遠離毒品禍害的訊息，期望全港的青少年繼續為祖國、為香港的富強而努力！

Regards,
Postgraduate Student Association
The University of Hong Kong
http://www.hku.hk/pgsa