近期網誌簡介


2009年11月22日星期日

本部落獨家片段:港男跪地向港女女皇嚎哭求情




事發: 2009-11-15 凌晨 ( 拍攝時間為 11-14 晚上 十一時許 )

片段觀看率兩天內多近 30000人次,由於原片段音量較低,把原片段音量加強,推出「調高音量版」,到本網誌刊出前一星期觀看率已突破 108000 人次,反映有關片段頗受社會各界關注。

片段是用數碼相機的拍片功能拍攝,由於事發太突然,一時間來不及拿高解像攝錄機,所以未能 Zoom 至超級近鏡,所以有點遺撼。

事源:該男女乘完的士下車後,雙方突然發生口角,內容大致是女方罵條仔在之前一班朋友某聚會中,他陪其他女仔去廁所而冷落她,女方並提出分手,男方聽見大為激動,並跪地喪哭求情。

該男女乘的士,下車後,女方突然發難,罵條仔「...你頭先淨係陪(佢--指其他女仔 )去廁所都唔駛理我㗎啦....」,男答:「...無呀.......我無嘢做錯!. .....( 一堆廢話之類.....bababa...)」,於是女方推開條仔話要分手,條仔開頭無乜嘢,條女再話決定分手,條仔開始哀求,跟住開始喊,條女又推開佢,條仔於是跪地求情,仲一路跪一路「跪住嚟行」跟住條女。








9 則留言:

匿名 說...

呢段孽緣, 睇嚟唔會長久, 港女遲早撇條仔.

Betty 說...

一家唔知一家事, 一对男女一时感情失控结果变成全港人茶余饭后的笑话.

现在呢个世界已经发展到就算你唔系名人, 时刻都会被监测, 越来越无安全感. 一出街就要步步为营, 切勿行差踏错.

陳大文部落 說...

片段嘅重點,唔係「一家唔知一家事」嘅問題,當然一家就真係未必知另一家嘅事,而亦唔係「為何這對男女會有爭執」嘅問題。

問題就係,點解港男港女呢啲本來應該喺私房頂痰罐嘅求情行動,今時今日要發展到喺條街道表演,我並非港式道德家,有啲嘢唔駛用一萬個道德+邏輯嘅理由去解釋,只係覺得好奇怪,切身處地代入果條女,男友可以喺條街度咁樣上演悲情跪哭求情,其實不如諗下,喺「港式女權快感」之餘,呢啲咁嘅男仔,又有幾多志氣、又有幾多男兒本色呢?

網誌亦都寫明,用淺白中文寫出開頭係條女開始爭執,並說「...你頭先淨係同人地去廁所...冷落左我...乜乜乜」,當然,不排除有其他因素引起爭執,但呢啲反而唔太重要,重點係呢種跪地喪哭嘅行為要喺街上表演俾人睇,係咪表示「在街喪哭求情 = 有誠意」呢??

係咪咁至代表「這才是男人愛女友至高表現」呢?

大家在道德發癢之同時,不妨咀嚼一下。

陳大文部落 說...

我還想補充一點,就係如果有人認為「嘩好驚喇,出街無安全感喇,俾人揭秘喇無自由喇無文明喇嘩好恐怖呀~~~」,咁,係咁㗎喇,無辦法,自己檢點啲囉~

令我想起「港女大鬥聯興行」事件,道德高地也可以認為「趙燕萍小姐有自由拍片唱衰店長㗎嘛」,無錯,佢的確有佢行為上嘅自由,但被人反駁佢無理取鬧,也是其他看倌嘅自由,而做得出呢種行為嘅人,亦要明白係要承受一啲不可測嘅後果。係咪?

呢個世界無免餐午餐嘅,表演得俾人睇,就首先要預左「有人會睇」,而且「會有觀後回應」。

Betty 說...

呢D甘失礼既行为, 扬出来当然唔好啦.

除此以外, 种令我想起好多结婚场面, 都会有男方跪摆女方然后大声念以后点样做生做死做奴隶的誓言.

呢D 表演听得多, 有D 反感.

匿名 說...

鬼嫁日記XD

小必理痛 說...

我一向都覺得跪係一種放下尊嚴嘅階級觀念行為,任何人不論男或女,大與小,都唔應該向另一個人咁樣做。以前就話有帝制,對住皇帝你唔下跪就要死,要搵條命教非嘅另作別論,但普通人都咁樣做,咪就俾對方沾沾自喜,覺得「你冇左我唔得」,於是就可以打横黎,完全唔須要俾面你。

WYJIMMY 說...

哂氣啦, 越跪條女越睇你唔起, 雖話一鳥在手好過百鳥在林, 但男人應該諗下自己點樣有本事, 隨時隨地打番隻鳥返黎...

要走咪由得佢走囉, 反正男女雙方咁大差距, 都唔會捱得長, 長痛不如短痛!

400blows 說...

maybe that's why foreign countries has "E.R." but HK has "富貴門"