近期網誌簡介


2010年7月4日星期日

反o靚模喜訊:黃秋生叫o靚模不滿書展應向「紫藤」投訴!

東方日報 2010-07-04 報道

秋生鬧爆周秀娜無腦犯眾憎

o靚模風頭一時無兩,一向敢言的黃秋生直斥她們挑戰道德底線「群妖亂舞」,點名力斥周秀娜無智慧、挑戰大眾價值觀、犯眾憎!Debby撕暴片則帶來不良風氣,很cheap,又封周秀娜與眾o靚模是「十三妹」,叫他們有申訴就搵「紫藤」(性工作者關注組織),句句入肉!


黃秋生昨出席鍾景輝自傳記招,甫到場便被記者追問對近日o靚模出位行為有何睇法?他笑謂:「依家群妖亂舞、事業線同黑氣都沖晒天,簡直挑戰道德底線、婦女團體同政府啦。(唔支持?)每種職業都值得尊重,但有啲嘢毋庸置疑,係唔可以有偏差,佢哋嘅做法等同妓女上街遊行,但行埋入屋邨度,撩鬼攞命囉。我哋睇書嘅,但有佢哋喺度都唔會行入書展。佢哋可以十三妹結義,之後自己搞個書展喺附近抗衡。應該乘勢推出相書,教人點睇全相囉。」秋生口中的「十三妹」,原來是指周秀娜曾向外公布她跟同公司的師妹想出copybook橋殺入書展,秋生幫該十三人起了「十三妹」稱號。


蠢在挑戰大眾價值觀

秋生之後出席另一個活動時,被問到o靚模對其言論要申訴時即稱:「叫佢哋搵紫藤(性工作者關注組織),周秀娜知唔知紫藤係乜嚟呀?佢哋應該開個Column,叫『十三妹書展』,搵周秀娜做會長!佢咁叻,咁多橋,(點睇「撕暴片」嘅Debby?) 咪係其中一個,大家都係各出奇謀,佢哋最蠢嘅地方就係挑戰大眾嘅價值觀,簡單講係犯眾憎,(覺得佢哋好cheap?)好明顯,喺街度撕爛啲衫,男仔都唔好,仲話女仔。」


秋生愈說愈興,有記者問他有何建議給周秀娜時,他板着面認真地說:「收聲囉,喺第二個地方搞書展,佢哋有足夠嘅力量搞。性工作者去遊行無問題,但去太古城有家爺仔乸嘅地方遊行就有問題。」他還就周秀娜指書展虛偽及低能的言論,反諷對方:「咁係咪你就好坦白同好高智商?佢一句說話就鬧晒所有支持書展嘅人。」


斥唔識分色情與藝術

秋生又直斥周秀娜有小聰明、EQ高但無智慧,可能讀得書少,有記者問他怕不怕周秀娜會指他無修養?秋生表示:「修養,If she got any,互相謾罵唔係宣傳手法,好似我當年拍三級片,唔能夠講話係拍藝術片,咁講只會係我唔識界定色情同藝術嘅分別,好明顯佢係唔識!」


對黃秋生的指摘,周秀娜未有回覆,Debby則關掉電話未有回覆,其經理人代稱現階段不作任何回覆。

8 則留言:

Betty 說...

秋生哥真系好鬼坦白同有 gut.

NC 說...

撐黃秋生~

貿發局最初ban佢地果時,有位文化人反問"何謂品味低俗,點樣界定"....好想問返呢位文化人"何謂藝術,點樣界定"

另一位文化人(佢個中文名咁岩又有個"文"字)就話"變相標籤靚模"....我心諗,而家都唔知係邊個用呢個label搏出位,唔通係社會強逼佢地食呢個標籤? 難聽d講,你唔露,冇人會覺得你係靚模!有d人一味講政治正確,多餘到極,大眾個價值觀係點樣,駛唔駛再拎出黎慢慢討論?

OK,人地書都未出,就ban人地低俗,好似唔係好公道喎....我撐貿發局唔睇書都判斷到呀~~ 憑乜野判斷? 娛樂版咯,唔通份份報紙夾埋黎幫佢地宣傳? 再講多次,呢d宣傳唔係社會要/強逼佢地咁樣做!3D寫真、浸大E神、最近仲有扯bra...呢d算唔算低俗,搵班文化人慢慢界定啦,咨詢返十九幾個月就有答案嫁喇~

** 飛雪素素 ** 說...

估唔到黃秋生唔arm o靚模喎。仲以為係男人都會鐘意。

陳大文部落 說...

飛雪:

未必的,你點知黃秋生呢條友平時係咪好鍾意睇但把口又要串人?

陳大文部落 說...

小瓶子:

但佢坦白得嚟有啲過火,開晒名話周秀娜係雞,其實周秀娜搵到錢,佢反而未必駛做雞,其他搵唔到錢的新靚模至會。

搵到錢有廣告拍果啲係比較少要做雞的。

陳大文部落 說...

Gino:

唔明你想講乜,你成毀說話反映你好開明,認為貿發局不應o靚模書都未出就阻止她們進場,並且認為藝術與色情難定義、及品味高低難有界線等等。

但你又支持黃秋生言論喎。

黃秋生言論,擺明話靚模寫真好低俗,更指o靚模做雞,並點名指周秀娜更加係雞喎。

所以唔明你想表達乜,你的意思似乎好矛盾。

匿名 說...

testing

小P 說...

佢可以話周秀娜一派品味低俗,亦可以話出寫真集目的旨為滿足男性嘅性幻想,違反書展開辦原意,但用「紫藤」組織黎話周秀娜係雞,未免太過份,連紫藤都侮辱埋。

話周秀娜冇腦,佢都差唔多姐。