近期網誌簡介


2011年3月29日星期二

寬頻 Sale 屎

我係有線寬頻用戶,今日有條 男Sale屎打電話嚟 Sell嘢,我同佢嘅對答頗有趣:

Sale屎 = 屎 我 = 陳生

(來電顯示:1832898 - 有線客戶推介電話,一睇號碼已經知係 Sale屎)

屎:喂係,你陳生下話?
我:邊位?
屎:嗱陳生,即咁嘅,你用緊有線寬頻嘅,我依家查晒你記錄嘅,你用左我地公司好耐架喇,你作為我地有線寬頻長期用戶,你對本公司都好支持,你近排上網係咪有咩問題,例如唔穩定、慢之類?
我:你係咪要講果個乜乜全新上網+電視組合?
屎:咩呀,咩組合?
我:推介果個乜乜上網 + 電視組合囉?
屎:嗱唔好意思,陳生我地公司有好多組合嘅,咩組合都有嘅,我唔知你講乜,你突然話有組合,唔知你講咩組合咁呢?
我:總之新果啲組合囉…
屎:咁咪係囉,我就係想知你講咩組合吖嘛,我唔係同你講組合喎,你話組合喇,咁你講下咩組合先囉好無?
我:(嘩屌你咁串嘅…) 唔知咩組合啦,咁你想講乜嘢?
屎:咁依家我唔係講組合嘛,我唔知陳生你講組合係咩組合嘛,咁多組合你講左你頭先話嘅組合先囉…
我:(屌你…) 得喇得喇,你講啦,我錯喇,我認錯,無組合,請你講啦…
屎:嗱咁嘅,我地公司近排大規模改善上網系統,你知啦,光纖呀、電纜呀咁樣,用得耐都會殘架嘛係咪先,所以我地已完成改善工程,所以要問番陳生你近排上網有無困難。
我:無乜問題,差唔多囉。
屎:咁我地做左改善工程啦,就快會同客戶更換上網 Modem嘅,陳生你依家上網 Modem 係邊款?
我: Motorola 囉。
屎:呵,果隻已經好舊款啦,要換架喇。
我:咁係咪有全新組合,果種上網 + 電視轉新 Modem 呀?
屎:我都話唔係講組合囉!你成日話組合,咁我咪問你咩組合囉,我唔係講組合吖嘛依家,我地會有人換你個舊 Modem ,阿陳生你咁小心咁怕組合,講你知,換 Modem 係唔駛錢架!
我:……. 呵…. 係咩係咩,呵。
屎:你係咪覺得我打嚟玩嘢呢?
我:\@@/!!!…唔係唔係,係我錯,唔係咁嘅意思…
屎:嗱陳生你咁小心啦,你好小心架嘛,係咪呀!依家就係話你聽,換 Modem 唔駛錢架,唔駛錢架!!!你話咩組合我唔知你想講咩組合吖嘛!
我:(心諗:屌你老母…) 你同事打過幾次嚟,話推介全新上網組合囉。
屎:(聲音極不耐煩而且語氣挑釁) 點樣同事呀,咩組合呀,點樣組合法呀?
我:唔記得左組合個名喇,加強上網速度乜乜物物新組合果類囉、或者上網 +電視組合囉….
屎:依家係同你講改善左上網吖嘛,陳生你咁小心我唔係同你講組合囉,你頭先講呢種又真係組合嚟嘅,你話組合吖嘛!但依家我同你講緊上網快啲好啲吖嘛!
我:(笑了…) 呵。係嘅係嘅。
屎:我地公司呢,最近買左32條電視頻道,係唔駛錢送你阿陳生你嘅!送架!陳生你好小心我知,係送架!
我:咁咪即係換新 Modem 上網 +電視果種囉…. 即係一樣囉…
屎:我依家講緊送頻道俾你呀!!Modem又咩組合呀,新 Modem 仲有個最新款「全世界最高清」機頂盒呀!嗱你聽住!係全世界最高清架,行 1080I,全世界最高清架!
我:(高清係唔係都 1080I 架啦屌你…) ,呵,咁又點?
屎:咁就要同你講番商業嘢喇,呢個高清盒睇 32條頻道,咁…..
我:好吖,都係推介新組合囉,多謝晒,拜拜。

收線

7 則留言:

Betty 說...

哈哈哈...

匿名 說...

抓个宽频sale屎出来,烧拒数部!!

Quality Alchemist 說...

哈..比你笑死...
上次他們打來推銷新頻道還是成人台!
總之加錢不要, 免費首一兩個月的不要.

陳大文部落 說...

講真,話免費,呢個世界邊有免費服務吖,只係巧立名目令顧客感覺良好啲嗟,最弊有啲人貪便宜應承左,結果要埋單計數,又係自尋煩惱....

PikachuEXE 說...

近年DSales態度
真係Sale屎
有線就更加唔洗提啦

Unknown 說...

一個好 sale屎 @.@

Terence Yun 說...

佢係咪軟硬玩電話果隻呀,哈哈。