近期網誌簡介

2007年11月7日星期三

前 鋒

在中環一家甚有名氣的酒家內,我 chan tai man 和好友一聚;有近期完成豐胸工程,準備坦盪盪投身ModelSuki 廣告界雷達收風皇 YoYo 和我夢中情人:拼搏小律師Daisy ,三娘教子相約品茗。

選這間酒家的原因,除了順道,點心好吃,還有一個最大優點,便是因為價錢較貴,人客不會多,正好讓人們耳語閒談,是講是非的勝地;而且最重要的,是我夢中情人 Daisy 必選的一家 。大家知道嗎,邊吃點心邊談是非,何其賞心樂事,難以筆墨形容 ,說是非說到口乾,來一杯溫熱龍井,又再來新的回合,口沫橫飛、光怪陸離,天下事無所不談。


Suki :喂,近排阿邊個呢,果個呀,同個電視台撐得好行架呢,仲要整番篇八大頁既論文,一五一十咁數臭個電視台呀。

Yo Yo :係呀係呀,個台仲抵死,話唔同佢解約呢,仲幫佢接貴 Job 呀,咁神化既?喂,其實呢,果個阿上海妹係咪有後路架,人地係大台喎,佢咁攪法唔想撈咩?

Daisy 哼! ( Daisy 一出聲,我當堂打省咁眼,好似望著營火虫咁樣,又眼前淫…. 唔係,係泛著亦舒小說既美麗情景,加埋我食緊我至愛既叉燒包,呢種 fusion 只有 Daisy 至俾到我 ) 、哼、哼、哼!有咩咁巴閉!人地大台o黎既,邊度會驚佢丫,你估個台無靚女咩,佢落選既,小角色之嘛,佢呀,想出風頭,想搏上位做才女嗟!

Yo Yo 唉,你地有所不知喇,佢話下星期發律師信俾個大台喎,佢好似家景唔錯,屋企都有 d 錢架,真係犀利,夠膽色!

Daisy 嘩,玩到律師信咁緊要? 告人地乜呀?

Yo Yo :佢話呢,個台停佢做主持都唔係戲肉,佢話係冰山一角喎,哎吔,可能好多野爆呢。

:唔….. 我都覺得佢幾奇怪下,我睇過佢既 Blog ,有 d 論點都幾特別,我有些保留。不過,佢咁樣好似戰狼三百咁以寡敵眾,人地係大台o黎,佢基本上無乜勝算。而家事情發展到有 d 戲劇性。 佢出得律師信,應該會有 d 內容,唔會無厘頭,如果真係信都出埋,真係香港開埠以來最特別既例子,佢呢次做前鋒,唔知發展落去會點呢?

Suki :佢有後路架,好似係有份幫人設計玩具定乜野,又想出書。

Daisy :才女喎,才女呢,咁易做咩。

:好易架咋, ( 我乘機又打雀咁眼望著 Daisy ,我知道我咀角沾著叉燒包的小許油漬,但 Daisy 相信佢無介意,因為係佢小咀上方鐳射激光脫剩既小小汗毛,如何地性感,如何地展現她外剛內柔既一面,我鍾意呢種精神分裂既感覺。 )做才女唔難架,有枝筆加個膽就得喇,有些少樣貌,咁實有Fan 屎既。點同妳呢,Daisy ,妳係內涵型既,表面強桿,其實妳好女性化既,係呢,要唔要吔個牛什咁呢?

Daisy :好呀,妖 ~好煩呀你;你知我心意嗟真係;講番佢啦,佢話個台壟斷喎,不嬲都係咁啦,免費嘛,唔駛錢係咁上下啦。

我:我覺得佢咁勇,得兩個可能。一係佢就傻既,明知無結果都去死撐,最後可能都係俾人笑。 一係,就其實佢已經有條驚世絕橋,仲要係條橋一定惦既,而家只係陰 d d 步署緊,可能俾佢真係上到位,明正言順做新一代非常才女。

Daisy 喂,話時話,你有無溏心風暴 DVD 全套呀,我睇漏兩集,你幫我揾下 full set 啦,我要有埋英文字幕架。

我:我無呢套劇,我淨係有 [金枝慾孽 ]

Daisy:佢想做才女?得唔得呀?唔好以為講野夠串就得喎。

我:(心唸:咁妳都係嗟~ 大家咁話啦丫嘩 ) ~ 咪當睇下戲囉,唔知架,可能會出人意表呢。( 乘機把握機會…… ) 係呢,Daisy ,不如陣間一齊去睇下周圍有無得賣果套溏心風暴丫,當係食完野運動下都好嘛。

Daisy :都好喎。呀,係呢,tai man,你近排有無抽新股?

我: 無。

Daisy 咁有無玩下股仔咁呀?有乜心水? ( 佢陰陰眼斜視我,右邊小咀角泛著笑容,很 Sexy, 她面尖尖鼻高高,雖然牙有些黃,但面上粉底既純白,正好來個撞色,呢種 Art feel 我最欣賞既 ~ )

我: 無。

Daisy :無? 咁有無抽亞里巴巴 IPO 呀?喂,制唔制得過呢? 100 PE 喎。

我:無。

Daisy 望著我,我知她有點含情默默,那種既 Cool 又帶點幽怨既眼神,我話之阿里巴巴;定係你亞爸;一於少理,我有點陶醉。

我:不如埋單喇,Daisy ,陣間我地先去 HMV 睇睇先啦。

Daisy Oh, well , sorry, 我一陣有會開,係大客o黎,係個 Investment Banker ,下次啦,約你下 ~

我: 呵。

眼望旁邊,原來 Suki Yo Yo 已經閃左喇。

chan tai man

http://hk.myblog.yahoo.com/hkgal-today


沒有留言: