各位觀眾，好喇好喇。今日大市來個中量級跌市，恆指收報 27479.94 ，跌 719.81 國企幾乎全線下挫。
大家走左貨味？定係高處未算高、低處未算低唔捨得走？
咁就...............
股市係：
1. 係零和遊戲，唔係你贏就係我卜街既
2. 買遲左唔緊要，但要走得快好世界既
3. 基本上，係賭搏遊戲來既
4. 事實上，真係同去賭場差唔多既，一樣有大耳窿，你炒孖展銀行就好似大耳窿喇
5. 係唔少師奶既精神寄托來既
6. 亦係好多師奶表現智慧既活動來既
7. 更加係師奶駛錢既理想地方來既
8. 茶樓最常聽見既話題，一係是非、一係股票
9. 真心相信任何人都可以刀仔鋸大樹既
10. 係好多人既美夢來既
11. 亦係好多人既墳場來既
13. 更加係好多人既地獄來既
14. 香港女仔選擇男友其中一項指標來既，你識唔識炒股？
15. 完全體驗俗語話齋： [ 贏粒糖、輸間廠 ] 既
16. 係時下好多大學生表現才俊既機會來既
17. 亦係唔少大學生以為自己真係會成為才俊既
18. 對好多人來講，係一堆 [ 把 ] 來既
19. 上市公司做咩生意唔緊要，都係一個號碼來既
20. 通常真正識炒股既高手係反而少同人講股既
21. 通常無乜買股既人最多分析意見既
22. 通常成日輸既人又係最鼓勵人買既
23. 係銀主盤破產卜街既最大源頭來既
24. 投資定係炒膽搏膽，其實好模糊既
25. 在股市死過番生既人，真正會明白咩叫[ 知足常樂 ] 既
26. 唔好以為自己好醒，其實最快死果個可能係你來既
27. 落得去個股場，唔好以為天真到真係用來投資既
28. 某程度上同毒品都好類似既
29.你近排因等錢駛而去炒股包你死得更快既
30. 企圖一朝炒股發達都係包你死梗既
31.最佳分析員其實係一眾師奶，佢地拿拿臨買你好急急腳走喇
32. 好聽 d 叫金魚缸，其實係亂葬崗來既
33. 老實講，唔夠古惑炒唔到股既
34. 又老實講，你唔識真係無謂去陪葬既
35. 股壇上落，你贏定我輸，同風水無關系既
36. 真心祝福各位，做人 [ 知足常樂 、老老實實 ] 其實係無問題既
chan tai man 上
沒有留言:
發佈留言