網誌日期：2007-10-15 21:05
香港人民領袖曾凸首發表 2007-2008 施政報告，正當恆生指數每天有如大閘蟹一樣扎扎跳，一眾股民樂得不亦樂乎，曾凸首的施政報告，又能否給予市民一顆定心丸呢？
現在，讓我們來看看這份非凡既施政報告.....
2007 施政報告，係：
1. 十大建設、口號式，完全配合了回歸十周年愛國精神既
2. 老人家每年得果 250 蚊睇醫生券，政府當睇醫生係幾乎唔駛錢既
3. 老人醫生券好似娜星巴克咖啡券一樣，都係無乜用既
4. 小班教學仍然無期，因為好多學校已經殺左喇
5. 施政報告仍然真心相信教育制度係無問題既
6. 唔知點解，每年施政報告都一定包括乜乜基建既
7. 保育問題好似一舊雲唔清唔楚，正如五豐行豬肉都係唔知幾時減價既
8. 扶貧問題唔緊要，因為而家係二十年來最好既
9. 悲情城市家庭問題都唔緊要，因為而家有自由行
10. 聽左成份施政報告，基本上所講既野同大家好似無乜關系既
11. 減稅要年薪過十幾萬至合資格，真係多 X 謝佢既
12. 好明顯，曾凸首以為香港人其實全部都係中產來既
13. 亦更明顯，曾凸首可能真係仲嚴重過亞董先生既
14. 環保問題唔係最迫切既，有基建就得喇
15. 政府真心相信基建係唯一解決就業問題既
16. 政府更加相信，不斷拆舊野係會發達既
17. 從發展方向來睇，第時全港都會係 IFC + 爛桂坊 + 迪迪尼 化既
18. 施政報告無乜講貧富懸殊問題，因為真心相信已經解決左既
19. 堅尼系數唔重要，因為有靚女著 [ 比堅尼 ] 就得喇
20. 老實講，施政報告其實都係普通既消閒節目來既
21. 又老實講，曾凸首既香港藍圖其實都係一個謎來既
22. 通漲問題 No Problem，日日有新股上市就得喇
23. 曾凸首可能係用年薪過百萬既標準來衍量通漲既
24. 空氣質素問題大家唔駛擔心，不如擔心下高官質素仲好啦
25. 整體上，大家都係施政報告，董先生果份係娛樂性豐富 d 既
26. 幾時普選？呢個唔係問題，施政報告話你知：實有機會既
27. 唔知點解，今次施政報告無乜提下社會要和諧既
28. 老人人口比例逐年增多，施政報告話生果金唔重要既
29. 曾凸首誠意相信，老人家其實唔駛食飯既
30. 原來，屏風樓已經唔再係問題喇，因為施政報告都唔講既
32. 宣布施政報告當日，曾凸首果條煲呔睇落真係幾似麥當勞叔叔既
33. 施政報告完全令大家明白 [ 自求多福 ] 係好重要既
34. 講完施政報告，曾凸首來一劑 [ 文化大革命新論 ] ，真係完美配合來既
35. 都係果句，曾凸首既痴肺程度真係勁過董先生既
36. 董、曾不同之處係：亞董你罵下佢佢會聽既，但曾凸首直頭當你傻既
有咁既凸首，香港都叫做未淪陷，證明香港人真係非凡既，祝大家好運~
chan tai man 上
沒有留言:
發佈留言