近期網誌簡介


2010年8月2日星期一

港女準新娘自拍罵爆富豪酒店嚴重失職事件




註:影片已作高解像 Back up,必須說明,單憑影片內容,在現階段沒有客觀實質證據肯定那女當事人所說的全部屬實,她在影片中多次清楚提到「富豪香港酒店」,如果影片證實有虛假成份、甚至是商業競爭對手企圖以「受害者自拍影片陳述」來抹黑有關酒店,及影片有很多人觀看,或被傳媒報導的話,根據法律程序,可以控告拍片者誹謗,這點必須注意。影片已有 Back up,若果有作假成份,或拍片人有不法企圖,將會有完整呈堂證據。


以下是網民把影片中女主角口述內容全部筆錄:

今日,係2010年7月29日,星期四既下午,係一年之前,我同我既未婚夫,去婚紗展,我地選擇左富豪香港酒店樓下一樓既宴會廳果個ball room,作為婚宴場地,本身今年既9月就係我同我未婚夫既大喜日子。

但係7月中既時候,富豪香港酒店既其中一位員工,佢打電話俾我:「唔好意思呀因為我睇錯左個電腦呀,原來果一日呢已經有人book左架啦」我果剎那成個人都崩潰左:「首先,富豪香港酒店係香港黎講,係一間好著名亦都係首屈一指既酒店,我真係發夢都冇諗過佢地既員工係會出現一個咁大、咁大、咁嚴重既一個錯誤,而果個場地亦都係我好喜歡既,但係而家咩都冇,帖我地印晒,咁我地點同d親戚朋友交代呢?

跟住我地追到賠償,因為我地落左69000蚊作為訂金,但係,每一次,我打電話去富豪,佢話依一個人係付責依件事既,佢都話叫一係就行開左,一係就去開會,跟住佢尋日覆番我,佢報左警,同埋佢地酒店有律師,將會出封信俾我,唔好再去騷擾滋擾喱一間既酒店,咁我d訂金呢?係佢地去毀約在先,佢地就不停係度逃避,我地只不過係d星斗市民黎架咋,我地book既,每一圍都八千幾蚊,係我同我既未婚夫辛辛苦苦去儲錢,希望能夠能夠留下一個好美好美好既一個回憶,但係我真係冇諗過,富豪香港酒店會用一個咁樣既去處理佢地員工既一個錯誤,佢唔俾我打電話俾佢咁我點樣攞番我既訂金呢,仲有最重要,喱個婚禮,我擺左好多心血落去,相信每一個既新娘子,對佢自己既婚禮都會擺左好多心血落去。

當我知道冇左喇,我成個人崩潰左,亦都可以去老實咁同你地講,我已經嘗試過兩次去跳樓,不過真係唔知道係好彩定唔好彩,我兩次都俾消防員救番,因為我想公告天下,係富豪香港酒店害到我咁既,而家醫生診斷我患上好嚴重既抑鬱症,同埋我冇晒心情去食野,我宜家連固體既食物都唔可以食落肚,都do la撚嘔番晒出黎,我宜家每日只係靠飲少少既寶礦力或者葡萄適去維生,我而家每個星期瘦十磅,我想錄低喱樣野係因為我唔知自己既抑鬱症或者厭食症會唔會去得番,如果好唔番,厭食症,係會死人既,我要公告天下,特別我想向一d傳媒既朋友,如果我死左既話因為厭食症,完全都係因為富豪香港酒店所做成既。

我只希望有公平既對待,佢地大集團,佢地有錢請律師,佢地員工犯錯反而拒我地於門外,唔俾我地追討賠償,果d係我地辛辛苦苦工作既血汗錢黎架,我真係好希望,準備做新娘子既,我都好衷心去祝福你地,揀啱一個婚姻既場地,唔好再揀喱間黑店...

因為我真係唔想,再有其他新娘子去重蹈我地覆切,搞到我宜家冇晒精神既健康,身體越黎越瘦,同病魔不停咁去搏鬥,最後我祝福準備成為新娘子既人,能夠有一個順順利利既welling party...

3 則留言:

Betty 說...

>>>我已經嘗試過兩次去跳樓

????

甘小事走去跳楼???

匿名 說...

有時候,自己嘅大事可以係人地嘅小事。自己嘅小事都可以係人地嘅大事。 如洗手盘的污積都不是人人可以容忍吧。

Betty 說...

跳楼哦....

不过睇完更详细既报道, 知道更多就明D.