(豪華完整版)-->㊣80後㊣ Freeze 拆夥前露一嘢「波拼(。)(。)」周秀娜

Share

( 所有圖片可 click 看大圖 )


Freeze半裸為本刊影相，事前並冇要求清場，拍攝完畢更向記者說：「最緊要輯相靚，效果唔好可以再嚟過！」 80後的人其實可以好專業。

娛樂頂點

80後 Freeze拆夥　終極裸拼周秀娜
2010年01月22日

去年 o靚模「胸」群而出，其中周秀娜雙峰獨秀，剝贏大市。
汰弱留強，早於 07年出道，同樣以「剝」出位的整容三嬌 Freeze，在周秀娜強勢下，變得冇晒聲氣。

外敵搶晒飯碗，公司資源亦被師妹羽翹瓜分，據知今年中正式約滿的 Freeze，將會各行各路。面臨拆夥，這三個曾經遭受抨擊，在娛圈歷盡血淚的「 80後」女子，決定盡地一煲，半裸作最後一剝。


娛樂圈僧多粥少，未必每個藝人能夠長期搵到啖食。 07年標榜敢做敢認的整容三嬌一「整」成名，縱然外間聲音彈多過讚，但登台、商場騷不絕，至少日日有飯開，單是 07、 08年已為她們合共賺逾 200萬。去年以周秀娜為首的 o靚模崛起，所有月曆、寫真、攬枕全部大賣，連 Freeze的飯碗都搶埋。
Freeze今年中更與公司約滿，隨時拆夥，面對前路茫茫， 80後出生的她們亦無奈大歎藝人唔易做，「我哋條路真係好難行！」




陳樂榣 Alley
出生日期： 1983年 10月 5日
陳樂榣口才最好，經常賣甩兩位成員做網上電台主持，更在上環教畫畫賺錢，唔憂冇後路。



甄穎珊 Carisa
出生日期： 1980年 11月 2日
整容前的甄穎珊，曾為許冠傑 Sam′ s Angel成員之一，又參加過亞姐。一直希望有代表作的她，加入 Freeze後曾拍過三部電影，可惜全為大茄。



石詠莉 Sukie
出生日期： 1986年 12月 25日
石詠莉最想成為獨立歌手，可惜苦無機會，三年前馬死落地行加入 Freeze。現時她正為獨唱歌曲錄音。



周秀娜去年曾半裸露股罅影月曆，外間反應不俗，銷量過萬，為她帶來約 20萬收入。

石詠莉望出碟

十多歲少女可以享受純真時光，但今年 23歲的石詠莉為了養家， 16歲已經開始在社會試煉。「做過 sales、地產、樓面，同 part time model，一日做十幾個鐘，冇辦法！屋企開支真係好大！其實啱啱成為 Freeze嗰陣壓力最大，出街成日俾人指指點點。有段時間我要睇心理醫生，後來觀眾慢慢接受我哋，我先識得放鬆。」提到被周秀娜搶飯碗，石說：「咁上年收入係少咗，不過我冇怨過公司同任何人，咁真係抵周秀娜成功，佢 EQ幾高。我當然唔想拆夥，真係慣咗三個人一齊工作，不過現實係咁都冇得迫，我希望儲夠錢自資出碟，呢個始終係我唯一心願。」

陳樂榣有後路



Freeze出道時曾遭歌手杯葛。 08年，她們在新城頒獎禮爭番啖氣，獲「跳舞歌曲獎」，但去年因冇新歌，連頒獎禮都冇份去。《蘋果日報》圖片

石詠莉對娛樂圈仍存有夢想，相反為幫父親還債和供養胞弟讀書而走上整容路的陳樂瑤，卻對娛圈灰心，更鋪定後路搞藝術。「香港人接受能力好低，人鬧佢又鬧，其實我哋只不過係行性感路線啫，冇殺人放火，好多人就會當我哋係壞女人，不過條路始終係我自己揀。我入行嘅目標好清晰，係想搵錢還債，我知道我擅長唔係唱歌，所以一早諗定後路。我不嬲鍾意畫畫，喺加拿大讀 fine art，上年已經開始教小朋友畫畫。試過有家長接個仔放學，走埋嚟同我講：『 Miss你好激喎！』不過佢繼續俾個仔上堂，就證明佢係接受我。 Freeze仲有冇得做唔係我話事，係由市場嚟決定。」

拍攝花絮



Freeze當日一早到達影樓作半裸前準備，影相前化妝師和助手為她們在身上搽 cream。



影到下午，三人開始露出疲態，石詠莉和甄穎珊等陳樂榣埋位時，更索性瞓在道具牀上，其間石詠莉又貪玩拍幾吓甄穎珊 pat pat。

甄穎珊唔怕批評
拍檔早已為前途打算時，成員之中年紀最大的 29歲甄穎珊，對於即將拆夥，卻處之泰然。「後路？冇諗過呀，見步行步囉！同佢哋合作咗三年，點都會有感情，當然唔想拆夥。呢行好講際遇，唔係自己控制。我好鍾意演戲，咩角色都會試，不過我唔識應酬，唔識得埋電影人堆。呢幾年好多人批評我整容，話我賣弄性感，其實我哋只不過係白老鼠，開創咗呢條路出嚟，依家啲 o靚模仲激啦！」



Freeze一直以性感示人，可惜屢受批評，她們無奈說：「其實性感都可以好型，希望大家唔好咁封建。」



早前有指蕭定一的「一元製作公司」為了力谷旗下新人羽翹而冷落 Freeze。對於 Freeze將拆夥，蕭定一故弄玄虛：「續唔續約唔重要，有潛質嘅就會要，話唔定 Freeze會換人大兜亂。」

周秀娜：想同佢哋合作
後起的周秀娜升呢成功，獲不少導演和廣告商垂青，間接令同樣靠性感搵食的 Freeze無路可行。對此周秀娜說：「其實佢哋拆夥都可能係好事，大家都有更大嘅發展空間，有時唔一定唱歌先可以生存，我都歡迎佢哋加入 o靚模行列，同佢哋合作。（你搶晒人飯碗喎！）客戶有唔同需求，冇話搶唔搶嘅，況且我依家手上嗰隻（碗）仲係細！總之大家一齊俾心機啦！」

新片戲份遭刪剪



Freeze去年為《花田囍事 2010》專登飛杭州客串，戲中陳樂榣騷長腿，在宮中跳艷舞色誘古天樂。




戲中教古天樂寫毛筆字，就落在穿谷胸裝的甄穎珊身上。可惜導演黃百鳴嫌意識不良，將 Freeze的戲份全部刪走，他說：「出嚟嘅效果真係太過火，不過佢哋全部收足片酬。」




石詠莉套戲服則背部開窿任睇，她對戲份被剪感到可惜，「總之我哋都做咗演員嘅本分，會尊重導演同片商決定。」

三不敵一

Freeze出道初期，靠性感搵過不少快錢。可惜時移勢易，自去年周秀娜冒起，不少廣告商和登台騷都轉搵周秀娜， Freeze冇啖好食。

Freeze VS周秀娜
谷胸代言人



三嬌於 08年尾以 6位數酬勞，擔任 online game代言人，更以性感裝束出席該年的亞洲遊戲展。




去年尾的亞洲遊戲展，周秀娜就谷胸上陣擔任另一 online game代言人，更搞埋簽名會，熱爆全場。

性感月曆




三嬌 07年推出首張 EP，隨碟更附送噴血海報和月曆，只賣 48元，還兩度加印。




唔唱歌的周秀娜，去年真空拍攝月曆，單賣 98元，結果銷量過萬，簽名會更大排長龍。

露底登台



三嬌於 07和 08年間，多次到澳門和美加登台，在台上露底大跳熱舞，撈到不少油水。《 Face》圖片


雖然未出過碟，但不少登台騷都搵周秀娜撐場，上月她就飛到多倫多唱足三場，更踩入紅館擔任庾澄慶演唱會嘉賓。《蘋果日報》圖片

採訪、撰文：袁凱傑
攝影：陳偉強
協力：陳兆基
化妝： Angus Lee
髮型： Patrick