(終極完整版)【神秘地方特權BBQ一日遊】事件

Share

地點：香港禮賓府。任意出入、任意玩樂、玩弄府內具價值物品、完全自由行動，甚至連小狗也帶同玩耍、燒烤暢飲、享受無敵大花園、玩弄前國家主席江澤民提字名畫及各種陳設等等。












隔牆有耳：80後直闖禮賓府搞搞震

蘋果日報 2010-01-24 報道

80後三番四次怒圍禮賓府，都唔能夠殺入去同煲呔對話，但原來有另一啲 80後可以長驅直進，連平日閒人免進嘅特首會客廳、大禮堂都自出自入，如入無人之境。
有人喺 facebook發現玩轉禮賓府相片，從照片所見，呢次玩轉禮賓府之旅最少有十幾人同一隻狗參加，佢哋外貌年輕，似乎都係 80後。

禮賓府係特首官邸兼辦公重地，與各國政要會面、做政治交易都係在此講數，呢班 80後卻好似當禮賓府係康文署度假營，玩樂節目十分豐富， BBQ後入貴賓廳模擬國家領導人會談，再去大禮堂扮授勳，扯區旗後轉入廁所、廚房搞搞震，越玩越 high。

禮賓府好多地方係禁地，呢班後生仔一於懶理，隨手拎起紀念品睇，見到回歸鼎、江總墨寶更即時攬住合照，甚至用手指篤紀念香港回歸嘅油畫《盛世明珠》，最後連煲呔個鯉魚池都唔放過，呢班人可以喺禮賓府橫行無忌，若非保安太兒戲，就係當煲呔係茂利。特首辦發言人指相內其中一人是一名家務員的朋友，他們進入禮賓府特首不知情，特首辦會了解及跟進事件。