[ 以下網誌將會以口語化寫出，大家可以輕鬆一點去睇 ]
我是一個不多看 Blog 的人，因為我都唔知應該睇咩 Blog好，而自己整個 Blog，都只係幾個月既事，仲要係朋友叫我寫 Blog ，於是就咁有個 Blog 喇。
我通常睇來睇去都係幾個其他人既 Blog ，睇下就算，有時覺得有人寫左好睇文章，會留下言，當係交流下乜都好，由於我以前從事文字工作，其實是新聞從業員，做了成…都有 10年喇，由電台、報紙到而家轉行，寫 Blog對我全無難度，因我以前一小時寫差不多一千字唔駛點改，呢 d 都係職業技能。有人會話係才華，其實，真係寫稿執稿既，咪又係用支班馬牌 $3 蚊原子筆，都係總務部俾既，日日執稿，就自然會知道點樣迎合媒體風格，設計一篇或一系列文章，而且可以避過法律責任，我最後一份工都係報館，專寫頭版二、三至四條新聞，食完個爛飯盒好執齊材料寫喇，我 晚上 11:00 過後至放工，寫一條大條新聞，要快快趣45 分鐘 OK ，最多一小時，仲要同採訪主任傾下條稿仲有無得做大，或者有無其他枝節可以做周末 Feature ，約 Phot托 ( 攝記 ) ，選相片、有無其他同事同一條 Bit 既跟緊…. 之類。
所以叫我寫一篇文，我基本上係腦裡一邊口述一邊寫出來，一千字好基本，仲有寫完手頭稿件，要幫手 [填版 ] ，如果有從事報業人士看到這裡，應該知道我講乜喇。填版係編輯部發覺唔夠文，叫寫手執幾篇(每篇幾百字 ) 、連相片；例如你地睇到報紙有好多細段稿，講該宗新聞周邊 ，就係所謂 [執細稿 ] 執出來既，所以寫 Blog 講一些題材，用咁既職業標準係唔難，當然，Blog 文係科學分析、醫學、統計之類純理論性或數據性既，又唔同。
好喇，點解講呢 d 咁既野呢，因為我有時發現睇 Blog呢個動作，係咪有好多人唸得太多太複雜呢？ 我唔係話睇 Blog 睇得 [ 多心 / 唸埋一邊 ] 一定係錯，因為我以前，何嘗唔係你地早餐飲茶既新聞題目，好多其實係在下所寫 ？ 寫稿；或新聞中既六個 [ W ] ，可以有好多組合，而唔同組合，會得出有差別既全貌，而組合中是建基於事實描述 ( Factual description ) ，但透過組合就會令你覺得 [ 好睇 ] ； 組合不好的就會令你睇落好悶、或唔知講乜。 寫一篇文，最基本係寫果個人本身一定要睇得明、或睇得通。睇得通係好重要既，成篇文前後不對、骨幹模糊，咁，你又點能夠期望讀者睇得明呢？
前日，我去到一個部落，係 [ 袁彌明 Blog ] ，我之前係睇過佢一、兩篇報紙專欄之類，睇左就算，好似留過下言…..? 唔記得。 我睇到佢近日有篇網誌 [倒霉 1 & 2 ] ，幾好睇，寫得好流暢，唔悶，同之前報章專欄風格好唔同，咁我咪留個言，話寫得好，好睇之類 。點知呢…….. 唔知點解係咪有好多人鍾意當睇 Blog 係電視劇咁勾心鬥角架呢？ 真係幾痴線下~
原來演變到近乎宮廷式的勾心鬥角，劇峰迴路轉。
首先，事情是這個 blog 是袁彌明，根據網絡上的定義，是 [ erica 的部落格 = erica的個人空間 ] ，係咪？
我個人覺得，見到人地既 blog ，不合自己，或甚至認為唔好睇 ，其實可以唔睇，根據香港法例，暫時應未有條文寫著：不看 blog 者會 $xxxx 罰款；咁如果認為某些 blog 令看倌感到嘔心、肉酸、肉麻、或者不安 ~、會影響閣下之生理或心理甚以至人生旅途之類；都係果句，可以唔睇既，而相信絕大部份 blog 主都唔會拿枝槍去迫人去睇，係咪？
所以，我本身未必成日睇blog，而看見人地 blog 文不合自己口味，我就唔再睇喇，亦唔會去多多聲氣去批判人地，老實講，人地寫乜、關自己 Q 事咩。
我都無乜對袁彌明blog文有好多回應，係咁岩一篇半篇，覺得幾好，咁咪讚下囉，因為寫 blog 無錢架喎，見有文章寫得好，咁讚下當互相鼓勵下，都唔係罪o掛？
我未必同意袁彌明 blog 所有文章，但呢個唔係問題，因為每個人係獨立個體，正如有人會寫飲食blog、玩具、政治、甚至 ( 今日買左件L.V好開心啊 )、旅遊、音樂等等，唔同blog係俾唔同讀者睇既，呢個道理好簡單，看blog既人自己自行選擇。
奇怪既係，喂，睇下果度，對文章本體作回應既人少，反而茶樓八婆式既查家宅就多。由文章倒霉事件數臭人點解咁蠢、係咪搏同情、甚至係咪晒命；直頭o黎個革命奮進批鬥式既類似 [ 公審 ]；爭D要寫埋誨過書、駛唔駛整番劑公開認錯、最好面上貼埋大字報、唔爭在遊街跪玻璃咁呢？
仲科幻既係，只係有個人回應一下 (例如我 ) ，只係講篇文幾好睇，原來咁又唔得既！咁如果我特登話篇文好差，咁，八婆八公會唔會又話[ 拿，陳大文不嬲都係衰架喇，呢，袁彌明寫文佢又多野講喇~]...係咪咁呢？
袁彌明，是正是邪，如果只係睇下篇blog文，基本上唔會對任何讀者構成影響，咁佢究竟是正是邪又點？會令恆生指數跌1000點？ 或者令 [ 嫦娥一號 ] 跌落o黎？
有回應者話，[ 我識CTM老鼠，但從他第一個回應可以推測，他心智極有問題，無的放矢，亂咁鬧人 ] ...
我第一個回應，係話篇文好睇，佢地係咪眼花？ 仲有，趣怪既係，做乜咁緊張話自己同邊個邊個劃清界線？chan tai man只係一個 ID，如果要所謂揶揄袁彌明，咁問題係，我幾時揶揄？點解要揶揄？揶揄來做乜？ 揶揄左唔通有錢分 ？
老實講，其實想捉人o黎玩嗟，話在下對袁彌明[ 黑面 ] ，喂，點黑面呢，咁神化？ 咩原因要黑面？
得意既係，臭罵我既文章同時，都忍唔住話 [ 有一手好文筆...] ，咁臭罵我既人都一定時常有看，如果逐次收錢咁我發達喇 。
有回應者話我寫既文 [... 有屁用咩，現在資訊最值錢是分析...]
啊，表面上又講得岩喎，話明( 最值錢 )係分析，但佢唔明一個道理，你係咪政府？你係咪學院派研究組？你係咪著名學者或特別人士，如否， Sorry，你點分析都無用，所以唔駛用所謂一大堆分析道理，反正分析完都無代表性。例如有人在blog(分析) 恆指幾時升跌，你覺得會唔會無厘頭有人信？( 除非那位 blogger是著名人士 則除外)
本人既blog很多文章係講時事；而我有份參與為作者之一既 [怒插港女 ]blog，裡面既文章好弔詭，由原創 Blog 主、至後來的新加入作者，所寫既文其實係曲線反諷社會扭曲現象，只係以 [港女 ] 這個敏感名堂來引申出去，睇得明既人陰陰咀笑，有時會笑中有淚，淚淚下又會嬲下，嬲完又 Miu Miu 咀，好變態既 。至於睇唔明呢，都係睇唔明架喇。有趣既係，睇得明並且樂於交流討論既，竟然係女性居多，你話抵唔抵死？
就以在下拙作 ，你睇下個標題： [叉燒] 、[黑白] 、[喜劇 ] 、[ 黑面 ] 、[ 才女 ] 、[ 勝負 ] 、[不老] 、[ 根源 ] 、[ 玉人 ]( 呢篇我好鍾意 ) 。
仲鬼馬 D 都得 ~ 有人又會話：係咪又想 [ 乘機 ] 講下自己寫過乜野。
袁彌明網誌引發的奇幻變化：
http://www.blogger.com/comment.g?blogID=14576801&postID=5312778792444561598
14 則留言:
大文哥,
唔好勞氣! 雖然無端端被插..;)
無辦法!!盲目崇拜明星嗎!!
又一大羣虛擬嘅護花人,唉...
更可能他們怕你文彩風流,搶走他們女神嘅 attention呢...哈哈.. :D
R
文采風流 <---今時今日：好恐怖 @@~
虛擬護花人...似乎罵佢既好似多 D 波...
蕭生曾經講過：
「別人批評你，如果無道理的，同顛佬亂吠一樣，為乜因一名顛佬激氣呢？
如果有道理的，其實要多謝他的提點才真。」
我覺得這個道理好管用的，所以你都無為激氣了。
賭徒：
說的對，成件所謂的[ 事情 ]有點啼笑皆非. :)
我倒認為一個Blog好不好看不關文筆的事，流暢、言之有物和真實才最重要。
袁小姐作為靠皮相、形像謀生的藝人這篇文寫得太過做作，也不太眞實。比如：1)"月初要交這費那費的，我便按了銀馬 7 0 0 0，"任何人都知道在香港地交這費那費需要用現金交的不會超過三、五千(已經寫多了，怕俾人插)。
2)"同類事件發生時，我第一時間想到的并不是金錢的損失，而是覺得對不起媽媽。因為我媽媽是個典型師奶，一分一毫都試著省，省下來的卻不吝嗇地花在家庭聚餐上。她省下的都是為了我們，而我卻這么大意。若果過幾天她Check我的Blog時發現了這件事，心里還會戚戚為我心疼。27歲人了，還要媽媽為了我的大意替我的是心疼，孝順這詞怎么說。"如果真怕媽媽心疼而媽媽又知道這個Blog的存在，就應該不寫出來才對嘛！
3)"我會等20分鐘左右，之后可能就跟分行的人說一聲，并把現金交給他們，讓他們繼續去等那個人。雖然這樣做讓我不放心，可是我沒可能一直守候在那里呀。不然就到隔壁商務買一卷膠紙，留張字條叫掉錢的人聯絡我吧。"哇噻！雷鋒再世，問題是雷鋒是只做不說的。
所以嘛對着一個為了謀取利益而寫的Blog下評論、上心本來就是一個游戲，所以大文兄大可釋懷。
p.s:可能是多疑，但回應裡的匿名真的不可信，誰都可以匿了名來罵人。
Hana said...
p.s:可能是多疑，但回應裡的匿名真的不可信，誰都可以匿了名來罵人。
妳覺得我不是活生生的人麼~~~~~~?:{
P.S.我在很多Blog以Anonymous留言噃.
Daniel.
hana ：
1. 難說，因她只是說交費，沒有列出是什麼費，可能美容、乜乜 Club 或要買一些東西也說不定。 總之是提了 $xxxx 就是了。
2. 我覺得呢，可能她只是因大意有點自責，才這樣寫出來。
3. 這點可以說是可以理解，如果真的失去了數千元，通常都會有急性子，亂了陣腳也不足為怪。
整體上，她這兩篇文章像是一頁日記加長版，也許未必有任何目的，如果有另類目的，則手法便不高了。
我沒有在她其他文章多留言，因她大部份文章內容我未必認同。( 她其他的談男女文章已經非常過時 )
妳說的對，我亦明白這種文字對陣衍生的枝節，可以說，我是故意在她這兩篇文章留言的，是一種網友鼓勵，也是刺激一下匿名者的神經，老實說，她的很多所謂匿名者，資深 Blogger ，字裡行間我看得出；而且這些 Blogger 是她的所謂....友好。
回說她過往的文章題材，我可以[ 硬批、批死 ]： 不能晉身才女，她跟錯了方向，概念全錯 ( 說全錯，是真的全錯 )。市場不是要這種。 另外，有不少女寫手以為不如寫愛情自強女權主導或 ( 另類潮女愛情觀 )，作為晉身才女之路，不行的，名堂好聽，但不賺錢，來來去去都是小數派買一兩本。
聰明的女寫手，例如深雪等，已改風格，之前是 [ 女性自強強人自立 ]，現在都轉變為較溫柔和現實化，多談互相遷就，她們能跟隨市場方向。
( hana ，請問妳是否頗喜歡看林燕妮以前作品、林振強、倪匡 等 ？ )
大文兄, 唔好勞氣啦...
睇 blog係自娛, 鐘意咪留兩句說話, 寫得出黎就預左乜野都會有人講, (娛樂性好過睇電視)
yiyi2 :
妳是否就是澳洲的 yiyi ？ :)
Daniel
你當然會是活生生的人，因為現在還未証實有其他生物會在電腦裡留言。*.^
我的意思是匿名或着像你這般用上Daniel或小玉、大強的留下回應，可以是任何人的分身甚至是blog主本生(這種情況屢見不鮮)。隨便注冊一個ID但是沒有網誌的也不可信，因為不時更新所需要的時間成本太高。今日可以以Daniel出現，明天又可以搖身一變作John。請留意，我這樣說并不是針對你，因為也有很多網友不喜歡寫Blog卻好留言，我只是想提出一個銀幣還有另一面而己。
*********************************
大文兄：
1)美容、乜乜 Club一定會收信用卡，如果不收肯定開不下去！要買東西就不必強調月初了要交這費那費。現如今停車場月租都可以通過網上銀行交費的。
你對2)和3)的回應我還是另有愚見，在此就不再回應了，免得似糾纏又像沒完沒了，反正每個人心中自有一杆稱。
看書像聽音樂只要好看、好聽的我都會看、會聽，不僅僅局限於某一類或某幾個作家、音樂家之間，當然每個人總有些最愛。
Hana,
妳說的對,但我沒有Blog是因自知功力不足:}
Daniel.
hana ：
其實...2& 3...我知係..咩既...呵呵~
回說正題：
我問妳是否有看林燕妮作品，係有原因的，我個人(真係個人意見)，因為我看妳的文章風格很好，是應該可以 popular 果種，而格調有點似當年的林燕妮( 題材和行文方面 )。
林燕妮像是 N 年前已經明白女性定位和男女矛盾，及解構[ 囂張、女性悲劇、感情自作墳墓 ] 之類。有人說她的作品不好，但不約而同的是，。說這話的人....其實都甚[ 港 ]。
另外，有位名女作家翼書的愛好者，我親身認識的不下 6 個女士，情感生活不快樂，離婚、分手、離離合合、尋尋覓覓、自我陶醉、最後都嫁得非常不好，自己有學歷卻只能嫁個相當廢懶的男人，並且生活不甚愉快。
她們有一共通點，這在近日某處再見到，就是這作家的愛好者通常：自我悲劇，自負、猜忌、很排斥異己、小圈子世界，互相悲劇同體化、擦鞋！( 尤甚！)、眼角很高、挑剔但給自己委屈借口。共通點一模一樣！
我也有個大專同學老友，是男的，他只是這作家的( 一般情度 ) 愛好者，但仍感染了 [ 對女性挑剔、悠柔寡斷、自我浪漫世界 ] ，所以我對這女作家的作品，特別關注，因為心水清的，會看到其愛好者的生命轉變，是一種精神鴉片，是不知不覺潛意識麻醉你的，這也是她的高手之處。
PS : 妳應該聽聽袁彌明在剛星期日的電台節目。我心裡的天砰，和妳的所差無幾的，我明白妳講緊乜既~ ( 陰陰咀笑~) 呵呵~ :)~
明白就好！
我還喜歡過一個香港女作家＃2366勤＋緣的主席梁鳳儀。
咦, 反而我真係幾中意林燕妮既文字, 佢既小說"青春之葬", "為我而生"當年真係好中意好中意. 不過, 講親俾人聽, 都會"咦~果個阿婆"
亦舒, 睇過十本八本之後, 唔駛再睇啦, 公式到呢.
發佈留言