近期網誌簡介


2007年12月5日星期三

選舉奇趣錄

各位,為改善社會風氣,刺激民主進度,我老友:其實係我另一紅顏知己--狄安娜,佢係一位年青有為既面容整形師,佢最拿手既就係幫人整番靚塊面,如果有女士認為塊面很大、例如很闊或很橫,只要搵下狄安娜幫幫手,佢會為你解決大面人之苦,這塊面雖然大,但佢幫到你既。


好喇,狄安娜前兩日同我講,話想對香港民主進程了解多一點。喂,呢 d 咁高深既野,我唸佢搵錯人,不過,因在下同佢都算係老友,尤其狄安娜有對好靚既小手,真係這雙手雖然小,但屬於佢,見到佢,不知多開心。


咁我忽然靈機一觸,不如就親身帶佢去體驗一下民主進程既必定動作:選舉喇。


於是,我地就齊齊去左我強力推介既 --- 深圳福田區最優質並且係非常正經 (我認為正經啦下~) [ 港東打令浴室卡拉 OK] 。請勿誤會,個名聽落好似好邪惡,其實聽聞話係國務院屬下既部門既屬下既某個特區秘書認可既,好正經,裡面雖然有小姐,但好斯文,樂而不淫、包你唔會打冷震;小姐們個個文采飛揚,場內裝修高雅又豪華,而最重要既,係呢間野可以埋單免息分期,好似我呢 d 咁既死窮鬼,就最方便喇。


回說,我同狄安娜到步,打令浴室既 ( 佳麗市場推廣專員 :即係媽媽生啦~ ) 就好似嫦娥一號升空咁箭步跑來迎接我地,媽媽生雖然年過五十,但風韻尤存,佢係來自福建省既 ,藝名叫小菜玉,好好笑容,仲會過時過節向福田區既公公婆婆,派下月餅仔、蛋糕仔,仲會攪下燒鵝餐同夜宴,區內人人都喜歡佢,話佢好人。 老實講,身為福田區常客既我,自然知道小菜玉咁做,只係因為要掩住班老野把口,等佢地唔好成日投訴打令浴室既音樂聲浪過大,以免公安來找麻煩。


點至可以親身並且要深入淺出咁體驗民選過程呢,我就趁打令浴室本星期既 [ 步入新紀元 打令小姐選舉 ] ,以此作為老友狄安娜既活學活用教材。今個星期,本來小姐選舉已經完左,但好衰唔衰,原本當選果位病左,仲返埋鄉下, 佢鄉下係賣鹹鴨蛋既,可能唔返來喇,於是要進行補選。


重頭戲終於來到,補選有六位候選小姐,sorry,應該係佳麗,佢地都本領非凡,而且知書識禮,可以同你上至談天文地理,中至談社會世情,下至同你講酒色財氣都 ok 既。 呢種多才多藝既勁女,在下最神往。六位小姐之中,大熱既其實得兩位: 4 號來自哈爾濱、近期完成美腿修身美髮、而且開始學睇美式劇集好係美國 feel 既維珍尼亞; 同埋另一位又係非常大熱,永遠笑容勁過哈哈笑公仔、又識講幾句純正英文、好注重佢一頭美麗秀髮: 7 號來自上海既安迅。 維珍尼亞與安迅,就好似香港大黨派互片咁 ,戰況一時無兩、各懷奇技、施展渾身解數、你踢我一腳時我星番你兩巴、你數臭我時我罵你全家,犀利過三色台既溏心風爆,曲折過睇衛斯理。


選舉過程尚算順利,支持安迅既我,一見到安迅既無敵笑容,自然甜在心頭,好似年輕左十年一樣,我不嬲都好 buy 安迅,安迅成日話佢有良心,係對客人既良心,話如果佢當選,做左 [ 打令浴室小姐大連盟 ] 成員,佢話會照顧客人民生需要,會盡力同中央秘書分部既分部溝通溝通,究竟係 [ ] ;定係溝通,我都唔敢唸咁多喇,總之支持佢啦。


狄安娜就相反,佢好 buy 維珍尼亞,話佢好真,好有勇氣,唔會成日似安迅咁哈哈笑爭鐵票喎,突然,我手機響,嘩,原來狄安娜個老友,鍾意聽粵曲果個小莉,佢通碟話我知,話狄安娜個老細呢,係維珍尼亞既 Die Hard fans o黎架,怪唔知得狄安娜無厘頭咁熟呢兩位候選小姐啦,唉,世界真係小小小….


結果,安迅贏左,好野!狄安娜話,個選舉過程中,安迅只係打告急牌,成日話維珍尼亞靠鐵票,咁樣好唔公道,安迅都有鐵票喎。 狄安娜仲話,安迅咁樣話支持維珍尼亞既人係鐵票,即係侮辱左維珍尼亞既 fans ……


我心唸,都係你老細唔 liky ~ 選完,狄安娜黑口黑面咁 話好忙要自己先返香港,咁我咪留低,繼續唱我既卡拉金曲,同享受我最鍾意既果子貍精華味三補湯。


Chan Tai Man 作品

( 以上為短打雜趣;看後一笑,全屬虛構,不甚了了 )


14 則留言:

賭徒 說...

今次佢真係千年道行一朝喪。

我成日講,好多唔開心的事都是因自己而起,不要賴別人了。

例如今次佢唔踩平果,係無人理佢點擦老細鞋的。

當爆大鑊時,危機管理得又差,越搞越禍。

陳大文部落 說...

擦鞋唔緊要,技巧至重要
擦鞋要睇人,唔好亂踩人
擦鞋要得宜,否則掉面子
擦鞋自顧自,唔好講仁義

怒火眼睛 說...

佢真係紅到呢, 人人得而插之咁喎.

Hana 說...

謀事不能露出一副急相
一急就...
成不了大器

陳大文部落 說...

hana :

老實講,留言既眾人,其實好錫佢,唔會直接落佢面,無直接嘲笑佢擦擦擦。留言既不乏有見識人士,用詞頗客觀,無乜人身攻擊,我既留言已經算過左少少位,但都唔會直接落佢面,只會最多係話民建聯和某些文化人既衰野,只要佢唔好 On__ 到自己認,都有落台階。 我寫文一定計過數,個位最高去到邊,有咩人會睇,對方是邊個等,職業技能,自然會識。

佢犯左一個好天真但好大既錯,就係佢本身定位,已經明顯係有少少肉麻果種,而佢既長期回應者 fans,都係講野有骨,但又肉肉麻麻,好係 (亦輸) 同好會咁,無乜內容,除了大家文筆秀麗。但淨係秀麗唔一定好睇架喎,好睇要講求市場、內容、寫手本身材料,篇文好似係你朋友咁款,同你傾計,你睇完好信,唔會點懷疑,咁就得喇。

即係就算吹水都要吹到似層層...

但係,佢未跳出呢個框框,因為佢不嬲都係寫軟性才俊,喂,容乜易呢,讚人咋喎 ,被訪者一定開心架。如果我丫,我訪問某人 ,以 [ 當代新思維青年寫作家 ] 為題,相信就算唔會令人開心到彈起,都唔會特別抗拒o掛 ,係咪?

但點樣讚人讚得來又唔骨痺,就要靠撚手喇。

陳大文部落 說...

怒火阿太:

其實睇真 d ,無人真係插佢,係無。因為 七傳媒又好,其他人又好,特別之處是,留言的多是新聞人員 ( 我都叫做曾經係 ),留言內容之有物,有規矩,唔會亂插,起碼唔會插佢,只係唔同意佢老細咁解嗟。 其實好小事,佢自己都要唸下,佢個 blog 已和市面上講貓仔講食蛋糕仔既 blog 唔同,係某程度上同佢工作既報紙有關,咁...佢.....

不如咁講,如果我係佢,就唔會用自己個 blog 咁樣托佢老細,好 On[__
_] ;就算托,都要技巧,我可以說,如果由我o黎寫,會令佢老細好舒服好安樂,而七傳媒又會成為朋友。

老實講,天下之大,無話邊個必定正邪,只係不同時段不同頻率而已。

桃紅三點式 說...

如果佢今次唔係開蘋果拖,我係唔會開佢拖架,但我睇唔過眼。

怒火眼睛 說...

大文兄, 外人睇, 各位既留言已經係明醒佢囉, 但你又岩, 大家都好鍚佢, 好"理性". 或者, 真係同大家都係新聞人有關.

呢但佢又好似故意睇唔明, 睇到d睇唔到d. 到詞窮, 就擺出一副"丫你都朽木不可雕" 或者"唔同你地一般見識"既姿態. 咁, 其他人都不如慳番啖氣暖肚.

其實, 佢寫貓仔狗仔蛋糕仔,好睇過寫才俊囉.

陳大文部落 說...

怒火阿太:

最慘係,如果真係由佢o黎寫貓仔蛋糕仔,寫呢 d 野又唔駛咁文筆秀麗架呢 ~~~~

賭徒 說...

我問佢邊個寫社評,其實想確定唔係佢寫。講真佢入行才兩年,唔 expect 佢會太清楚香港政治。如果係佢寫,我就無謂插一個乜都唔識的初哥。

我地依 d 由大學已經入學生會搞事的老屎忽,留意政治十幾年。除非你是超級高手,否且好難係我地面前把歪理變真理。

陳大文部落 說...

賭 sir :

我就奇怪,佢如果入行兩年,下?寫社評...@@~ 都好高職級既同事至得架喎,大佬,喂社評喎 ( 唔係影評喎~~)...?

佢應該係代寫/ 代筆,但又更奇怪,報館一定會先審左稿,尤其上條新聞 ( eg . 頭一、二、三 版最起碼 )唔會話寫左就出,一定有 ( 阿頂 )睇過架喎,照計 ( 老實不客氣咁講 ),佢未到呢個位丫嘩,咁奇怪?

不過,我叮一聲.......哈 ~

( 如果佢唔係蠢過豬,可能就係天才...絕橋 ~)

PS : 如果佢老細睇到呢兩篇網誌發生既事,有可能佢已經贏左,你知唔知點解我會咁講?

賭徒 說...
此留言已被作者移除。
賭徒 說...

我不是 sir,我寫文比你差,學識不會比你好,並且我比你細的 ^^"

我不是報界行中人,謝謝你詳細解釋。

佢老細當日03年一樣無恥為討好中共寫社論向他們獻眉,當佢老細見她的政治取態是這麼一致,當然放心有依個左右手啦。XDDDD

你有冇 wisenews account,我想搵返經濟日報在 03 年的社論出黎,哈哈

陳大文部落 說...

我無 wisenews account。

在現今網絡世界,架構雖不致完美,但個人的經驗或所謂名堂,也不重要了,或者說不是首要因素,學識、年紀之類,已經無乜所謂。網絡是公開的,人人可發表己見,只是有否道理而已。

而她...有點錯誤運用 blog 這項工具,應該是用得不好,老實講,如果佢老細單憑睇佢呢 d 文而對佢哈哈笑,佢老細自身己都好危險。

她....情況有點像袁......ming。