Y o u T u b e 語 錄 2 0 0 8

Share

Face Book、Blog，和 YouTube，基本上可以相片、文字及影像概括這三項本世紀最偉大發明。Face Book 可以貼相、add friend，雖然很多人可能認為 add 了 friend 最終都不知為何，但 add 了總是沒損失，add得大樂。Blog 以文字和圖片為主，現在的 Blog 功能更包括可張貼影片，甚至播音樂；而 YouTube功能則較為單一，就是讓你可在網上觀看陌生人或一些平日沒多機會看到的上載影片。 透過YouTube，看看遙遠的陌生人自拍短片，無分國界，全球都享受著這種奇妙的分享與獵奇過程，又免費，樂透至極。

YouTube 係：



1.YouTube 都算係另類合法偷窺行為嚟既。

2.某程度上，YouTube 地位已經同免費電視台差唔多。

3.同好多明星相比，YouTube 主角一 d 都唔輸蝕既。

4.如果妳係靚女，唔駛做任何野，淨係呆望鏡頭就已經好 Hot 喇。

5.如果妳係醜八怪，更加唔駛做任何野，只要呆望鏡頭就已經大把人罵喇。

6.自從有左 YouTube，發覺好多人真係好有勇氣既。

7.YouTube，可能係另一種進軍娛樂圈既有效方法嚟既。

8.YouTube，可能係最有效最低成本自我宣傳工具嚟既。

9.YouTube，可能亦係政治新貴宣傳必備工具嚟既。

10.YouTube、Face Book同 Blog，絕對係本世紀最偉大發明嚟既。

11.某程度上，一 d 重要新聞事件，可能係由 YouTube 發現既。

12.自從睇左 YouTube，真係發覺地球可能好多外星人既。

13.自從睇左 YouTube ，開始發覺自己其實好正常既。

14.同 Face Book 不同之處係，YouTube 往往會顯現人醜惡一面既。

15.同 Face Book共通點係，YouTube 會令你發覺自己其實唔算自閉既。

16.自從睇左 You Tube ，開始要對 ( 痴線 ) 重新定位。

17.如果你仇家多，同 Face Book 一樣，唔好玩 YouTube 喇。

18.有時候，睇 YouTube 仲好過睇鹹碟既，因為夠真實嘛。

19.如果閣下無自信，YouTube 可令你嘗試建立自信。

20.如果閣下自信爆棚，YouTube 更適合你表演。

21.好有可能，YouTube 片段會隱藏某些國家機密既。

22.更有可能，YouTube 係某些國際間碟既通訊媒介嚟既。

23.更加大可能，國安局會以某些 YouTube 片段嚟搵犯罪線索既。

24. 不約而同地，【你今日睇左片未？】都會成為日後口頭嬋既。

25. 真心相信，YouTube 可能係最佳心理治療之一嚟既。

陳大文 作品