近日城中再響起副學士學位認受性問題。副學士這個構想，是源於香港回歸後，本港非凡人見人愛驚天地泣鬼神的儒家思想特區行政長官：董建華先生的眾多超凡管治綱領其中一環。
副學士，即泛指學生未能合符正規投考大學學位入學資格者，可從較低入學要求，先攻讀副學士課程，成功修畢後，可再晉身相應的大學學位課程。攻讀副學士過程絕不簡單，一般須時達三至四年，而晉身大學學位，也要再補讀一年半至兩年。修畢副學士合格者，根據規則，可視為已達大學二年級 ( 即 Year 2 ) ，學費也不便宜，一般以每學期約三個月計，學生每期須支付達最少萬多元，完成副學士課程，共花費可達十萬元以上；還未計補讀大學學位學費。
副學士，與人所共知以學生為白老鼠的所謂 [ 母語教學 ] 一樣為人疚病。香港非常特首董建華，當時在他的大堆香港發展綱領中，包括著名的八萬五建屋計劃、朝令夕改醫療改革、大堆頭綜緩政策等等。 董氏的施政成績，相信幾乎所有香港正常市民，也有目共睹，無須再重複，以免令大家吃不下飯。
當年，董建華為快速降低香港回歸後的青年嚴重失業率，於是推行一連串教育新政策。 除副學士，也有為中五和中三學生而設的 [毅進、展翅 ] 計劃。 市面上，有不少院校，不排除為增加學生人數，及擴闊學費來源，在招收副學士報讀生時，會採取較彈性態度，說的坦白點，是較 [ 求其 ] 。當局至現時為止，仍對副學士畢業生資格未實施全面承認，當中更莫說外界私人機構。
副學士，是董建華時代為香港創立的一場胡塗帳。現任特首曾蔭權也對前特首董建華的爛攤子束手無策。當局常吹噓香港是所謂國際動感之都，要人人都有機會上大學，現在街上所謂大學生多的是，但論學術質素，則相當受質疑。
近日鬧得火熱的護士副學士畢業生不被當局正式認可，令一眾學生不能投身正規醫院當註冊護士，那批學生不少來自低收入家庭，更有人屬綜緩戶，期望畢業後投身白衣天使，每月可有達二萬元薪金，借此改善生活。
但請原諒在下很直接地說，要攻讀正規護士課程，是要從中五會考、中七高等程度考試等，均達到一定入學要求才可。副學士的入學條件是較寬鬆，雖然當局在處理問題上，確是有其缺失，但由一班可能未達常規及正統醫護要求的學生投身行業，是社會仁慈，還是將錯就錯，是社會必須深思的問題。
**************************
副學士係：
1. 係人都知，係董建華攪出嚟既爛攤。
2. 係人都知，係董建華其中一項空頭支票嚟既。
3. 又係人都知，副學士你俾錢就幾乎讀得架喇。
4. 更加係人都知，副學士通常係俾成績認真麻麻既人去讀既。
5. 唔駛問都知，副學士讀完真係好難搵工既。
6. 好明顯，副學士係根本未符合大學資格既。
7. 都好明顯，副學士係為政府帶來強大學費收益既。
8. 更明顯地，副學士咁多科目，真係無乜邊科係有用既。
9. 非常明顯，副學士係俾年青人嚟消磨時間既。
10. 坦白講，私人機構對副學士係啋你都傻既。
11. 又好坦白講，其實讀副學士既學生自己知自己咩料既。
12. 真係問心果句，學位係要有質素，唔係蒲蒲下就有既。
13. 副學士問題，爛攤係會陸續有來既。
14. 副學士問題，一日唔停止開辦，一日都無得攪既。
15. 副學士，某程度上係仔女呃老豆老母話自己讀大學既。
16. 又某程度上，任教副學士既所謂講師，係無乜料既。
17. 好大程度上，讀完副學士，同無讀過幾乎無分別既。
18. 直頭好大程度上，副學士係一種自欺欺人既嘢嚟既。
19. 當年，董生係每日都有新唸頭既，副學士只係其中之一。
20. 當年，董建華講既嘢而家都信，係咪閣下有問題？
21. 當年，董生仲有其他乜乜港十大綱領七大計劃八大口號之類，你記得嗎 ？
22. 大學，真係要講質素水平既，唔係也也烏話讀就讀既。
23. 大學，唔一定要人人都去讀，社會唔係單靠大學生既。
24. 大學，更加唔係靠人多就得既，人多唔一定好辦事既。
25. 如果明知課程可能未被認可仲要去讀，自己有無問題？
26. 如果明知可能唔會被認可仲卜去讀，你好天真好傻？
27. 有 d 副學士，真心相信自己已經係大學生嚟既。
28. 有唔少副學士，真心以為自己其實叻過大學生既。
29. 更有好多副學士，心頭比天還高既。
30. 更加多副學士，真係連中五生都不如既。
31. 不時見到，副學士返學仲慘過 Fashion Show 既。
32. 又不時見到，副學士班人個死款比 MK 還 MK 既。
33. 更不時可見，副學士班人臭串到難以想象既。
34. 副學士係香港新一代以為自己醒目仔走精面既商業產物嚟既。
35. 副學士更加係令你見工老闆一見就拜拜既標準嚟既。
36. 用腦唸下，副學士之夢應該係時候夢醒喇。
37. 再認真唸下，係董建華既嘢，唔好再叉隻腳埋去喇。
各位副學士，要夢醒喇，咪傻喇，當局事實上係有行政失當，但自己撫心自問，報得副學士，係自己醒字派一廂情願，還是真係咁天真咁傻？
為自己，也為父母唸下吧。我寧願以這篇文一巴摑落嚟，都好過慢慢同大家仁義道德。 這是現實世界。
為自己，也為父母唸下吧。我寧願以這篇文一巴摑落嚟，都好過慢慢同大家仁義道德。 這是現實世界。
陳大文 作品
11 則留言:
副學士生成二奶命,
基本上大學生爭餐死嘅工
點會輪到副學士?
令我想起後備情人,
攞嚟攝吓時間, 玩吓
都係悲觀命運
咦、嘩嘩嘩！ 卡臣兄，咁刁轉都俾你比喻到既？
"再認真唸下，係董建華既嘢，唔好再叉隻腳埋去喇。"
一針見血!
大文兄,
我點夠你刁鑽呀?
你一個topic可以develop成四十幾個點,
佩服!
副學士當中也有不少出色的tutor呢~而且當中不少副學士上大學後比我們這些從JUPAS直接上去的大學生成績好多了...當然這些是比例上較少例子吧~
卡兄：
我試過寫乜乜十大，無貼出o黎，我寫係唔得既原來....
都係你寫既十大好睇 d 。
文兄!!
喂大佬唔好咁謙先,
"無貼出o黎" - 好多看倌喺度投反對票,
你手筆點會衰?
快啲post啦!否則'連天都不會太高興"
It's almost like an associate degree, except that it is not widely recognized.
In today's world, everybody could use a second chance.
如湯面所言，副學士銜接大學二年級也是有的，但比例甚少。
其實董建華得個忠心，無識見無氣魄，同鄧小平李光耀等政治家相去萬里。他見星加坡七成人有自置居所，便想出八萬五。見歐美有六成人有大專學歷，便推出副學士。八萬五不用說了，副學士就連我都俾佢呃到。鬼知道連相關部門都唔認受，證明佢班馬仔又屎又卸膊，群小當道，不死幾稀矣！
仲有一樣，我偶像董建華佢果種所謂忠心，係愚忠；而且心頭過高，自欺欺人。
董生仲喜歡自我神化，即係以為自己做乜都係正確既，仲自我神性化，成日話做乜乜都為香港好之類。
副學士，連政府自己都唔承認，真係好笑。
大文兄:
我同意你個講法:要做大學本科生真係要講質素水平既,唔係也也烏話讀就讀既.哈!:P
Daniel.
發佈留言