寫這篇網誌是在 2008 年 4月 7 日。近日香港通脹問題比想象中嚴重，一般理解，通脹是指物價比之前貴了，即通貨彭脹。通脹原因可以很多方面，包括內在消費因素、銀行、貨幣息率、進出口貨品外匯兌現水平，及貨品相對性供求情況等。在香港，幾乎上述所有因素都可以令本港通脹或通縮，皆因香港是主要依賴進口商品，尤其中國，中國經濟錄得不尋常增長，自然輸往香港的各類國內製品，來價也同步上揚，加上國內人民生活要求，在近年來出現明顯提升，今時今日，不是香港人才懂生活享受，國內人民也得感受一下經濟大躍進的成果，國內人，現在已不再是土包子了。
現在香港的通脹情況，已到達非常程度，一般市民日常生活必須品，包括豬、牛、下價魚、消耗品肉類罐頭、甚至現在連每餐必須的白米，也出現瘋狂脹價。
近期，恆生指數持續牛皮，中國國務院也對國家發展經濟實施新一輪的宏觀調控，紅籌國企來港上市少了，炒新股上市也暫未有機會。 2008 年度普遍本港工資水平雖然有若干提高，但加薪幅度和通脹相比，是小巫見大巫。不少基層小市民，可能根本還未感受到加薪和當局財政預算案派糖福惠，已先被雄牛般的通脹，令生活入不敷支，香港作為所謂動感之都，廣大市民為口奔馳，生活在當局虛幻的歌舞昇平假象之中，有苦自己知，求助無門，當局在現階段也只是像隔岸觀火，要改善民生也不得其法。
近期城中熱話，每天幾乎有報導市民搶購米糧；那邊廂，外來農作物失收及需求過熱，連菜、栗米等一般消耗品價格也水脹船高，再加上本港超市壟斷，大集團以強大商業影響力，有默契地共同進一步推高物價，食物售價可以每天都上脹，如果情況持續，不排除廣大市民可能支持不住，引起大規模民眾憤怒。
現在香港的通脹情況，已到達非常程度，一般市民日常生活必須品，包括豬、牛、下價魚、消耗品肉類罐頭、甚至現在連每餐必須的白米，也出現瘋狂脹價。
近期，恆生指數持續牛皮，中國國務院也對國家發展經濟實施新一輪的宏觀調控，紅籌國企來港上市少了，炒新股上市也暫未有機會。 2008 年度普遍本港工資水平雖然有若干提高，但加薪幅度和通脹相比，是小巫見大巫。不少基層小市民，可能根本還未感受到加薪和當局財政預算案派糖福惠，已先被雄牛般的通脹，令生活入不敷支，香港作為所謂動感之都，廣大市民為口奔馳，生活在當局虛幻的歌舞昇平假象之中，有苦自己知，求助無門，當局在現階段也只是像隔岸觀火，要改善民生也不得其法。
近期城中熱話，每天幾乎有報導市民搶購米糧；那邊廂，外來農作物失收及需求過熱，連菜、栗米等一般消耗品價格也水脹船高，再加上本港超市壟斷，大集團以強大商業影響力，有默契地共同進一步推高物價，食物售價可以每天都上脹，如果情況持續，不排除廣大市民可能支持不住，引起大規模民眾憤怒。
通脹 2008 係：
1. 對於月入幾十萬既高官嚟講，係唔會明既。
2. 又對於呢個唔係民選出嚟既特首，都唔會明既。
3. 而對於香港一班愛國超級富豪嚟講，更無可能會明既。
4. 好可能，【屋企有午餐肉】好快會變成中產人士至有既。
5. 好可能，【去超市執平嘢】好快已變成集體回憶。
6. 又好可能，去買餸好快會同去買金無乜分別既。
7. 更加可能，好快唔係當街搶電話，而係打劫食物既。
8. 直頭有可能，要到大時大節至可以開罐頭食既。
9. 絕對有可能，第時過年唔係送鮑魚，而係送糧食既。
10. 乜都貴，但政府高官一味話好正常既。
11. 乜都貴，但政府高官仲可以話情況無問題既。
12. 乜都貴，但唔好妄想政府會有乜解救喇。
13. 某程度上，超市同罷明搶錢無乜分別既。
14. 某程度上，超市每日向你打劫，仲慘過俾賊搶既。
15. 好大程度上，超市令各位明白咩叫【海鮮價日日加】既。
16. 好明顯，超市真心誠意令各位學習要慳家既。
17. 又好明顯，超市係與市民同步：你加薪佢加價既。
18. 更加明顯，政府係怕左超市大集團，無佢符既。
19. 好多牙擦擦既年青人，以為通脹係身份象徵嚟既。
20. 好多牙擦擦哎也才俊，以為一味通脹等如繁榮既。
21. 好多未婚單身潮人，仲以為自己可獨善其身既。
22. 好多港式潮女，更認為通脹好囉，幫自己減肥既。
23. 老實講，超市每日因貴價賣唔出要掉既嘢，夠食飽好多人喇。
24. 又老實講，超市每日掉咁多嘢，物價仲貴上加貴啦。
25. 祖國一聲唔高興，香港唔可能隨便向其他市場求貨既。
26. 祖國一話唔高興，出幾多貨俾香港你都無得發難既。
27. 樂觀 d 睇，通脹真係幫到你減肥既。
28. 再樂觀 d 睇，通脹令我地知道少食肉會健康 d 既。
29. 非常樂觀咁睇，祖國可能會有妙計幫下香港既。
30. 更天真樂觀咁睇，超市集團可能會為人民著想減價既。
31. 再好傻樂觀咁睇，如果自己發左達，咪唔驚通脹囉。
32. 高官馬時亨叫市民唔駛擔心，d 人聽見仲驚既。
33. 同流感一樣，政府叫你放心，你最好小心喇。
今天新聞報導，特首曾蔭權為自己的臘像送出襟章和煲呔，以加強代表性和真實感。在下不會說曾先生厚臉皮，因為香港特首基本上都認為自己是一位偉人，前特首董建華如是，現在的曾蔭權也如是，真心相信自己是人民之光。
陳大文 作品
陳大文 作品
19 則留言:
有冇啲雙失青年無嘢做吖?
去耕田捕魚啦!
不過香港地貴水污,
咁...一於老鼠變乳鴿,
筷子變竹筍,
頭髮變豉油啦!
咁緊要 ？
每次睇你的部格,在會心微笑時亦會感到不安,因為有時說中了我們的死穴,不過始終令我很有興趣的去讀下去。
最迫切我的問題應該是快餐店的通脹問題了,買一個大家x的早餐都要20元...HKU canteen沒有加價但份量少了...我們貧苦學生只有嘆氣的份兒...
P.S.我想把你的部格link在我的xanga和部格,可以嗎?
湯面：
當然歡迎你 link 我的 blog ，請自便。
其實我都知道，我寫的文章，有時是會很直接地點中不少人的神經，我是有點刻意的。但這做法有優點也有缺點。
如果讀者群質素高，文章說得中，是會喜歡看。並且不會認為作者很串。
但在香港，似乎大部分讀者是屬於想看 [ 軟性 + 消閒 + 娛樂 ]那種網誌，尤其是女 blogger ( 當然要年青 + 最好有靚相 )，同時也對某些職業有幻想，某些職業的 blogger ( 也以女為主)，會特別受歡迎，不論寫什麼，是對其人有幻想，並非真是看文章。
可能有人會覺得我這樣說有點串，但是事實，香港的生態環境是有點怪。
打仗時才會搶米，政府高官仲一味話好正常，佢地就真係唔正常。再黎多次五十萬人遊行佢地就知味道。
Well done, sir. Please allow me to link my blog to yours. I admire your writing style.
MCW:
You are wellcome.
陳大文 - 我又遇到港女, 她們很喜歡小小事up人線,又寸,我覺得香港女人其實很難頂. 似個男人!
小妮 Classic ：
我都好怕 d 人o拍電話，[ o拍 ]一聲，真係火都o黎埋。
其實cut人線好似西部牛仔擝鎗決鬥,
要鬥快鬥狠鬥大力!
喺對方想cut之前,先佢一步落手.
咁，你要一般人明白需求同供應成本上升既分別，又真係唔係咁易架啵
再講，而家控制香港通脹o個個根本唔係曾特首，又或者唐司長曾司長，而係伯南克。
唉......
derek:
我唸你或者再睇下篇文，我唔係寫經濟學術評論及國際財經研究題材的。
另，影響香港通脹問題都唔係柏南克，佢只係代表美國聯儲局，而柏南克亦不見得是有先機的局長，更包括現任總統小布殊，都是後知後覺之人。
並非港元和美元掛勾就是和香港通脹直接原因，也許你不妨細看國際新聞報導。
卡臣 ~
應該整番個 [ up 線反應訓練班 ] ~
@@"~
我當然明你唔係寫學術題材，但，唔代表我唔可以咁回丫...
我唔認為普遍性的通脹係單單因為大財團壟斷。經濟問題用需求供給解釋我覺得係最清楚，但，唔係咁容易解得明。
通脹同美匯下跌有直接關係。當然仲有原油玉米價格等好多因素，要講起o來好複雜，但，小小一個香港，好多野其實唔係自己話事，又要聽美國話又要聽大陸話，正式係左右做人難。你問政府有冇責任，絕對有。共產黨未倒台，香港冇普選，大家都係一個嬲字。
至於大米無端端變搶手，ha，你見yahoo都有人拍賣就知點解啦。
um...言語若有冒犯之處，還請，海涵。
[ 好多野其實唔係自己話事，又要聽美國話又要聽大陸話，正式係左右做人難]
>>>> 你呢句講得有道理。
另，共產黨其實在中國整體的意識形態上，已經晨早跨了台。
大家討論，無須苟謹。
貨幣供應增加也會帶來通貨膨脹，根據金管局公佈嘅2008年1月香港M3供應為60522.94萬億港元，較2007年1月增加16.94%，而香港2007年GDP增長只是6.3%，多咗嘅錢用黎炒股、炒樓、炒商品。
美元跌，除了大勢所趨外，美帝暗中也順水推舟，因為美元貶值變相幫美帝減外債(然後還一堆廢紙畀人)，而且又可以增加出口。
總之，通貨膨脹嘅原因係好多。不過對港女來說，由通貨膨脹所引起的一切生活質素下降，她們是不會怪罪伯南克、温家寶或曾蔭權的，港女只會抱怨：港男質素下降！
基層力量自斷半臂，做香港的統治者是十分舒服的。
pswong兄：
你在 blog 界，出現有如幻影一樣，但給人( 例如我 )留下深刻印象。
很高興你的到訪。
******
PS : 美國佬不嬲都陰謀多多，尤其喜歡 ( 自己衰不如拖大家一齊衰，自己好過點 )。
次按問題，美國人炒高樓價，加控有如提款機，好像很有錢，現在泡沫爆破，次按問題有排攪。
香港近期，紅籌 IPO 少了，股市牛皮，一般股民無水腳，支持不住現在的瘋狂通脹。
陳大文, 謝謝你來訪我的blog 和你的留言. 你這篇通脹才是真的抵死過癮, 我邊睇邊咭咭笑. 好恐怖, 以前只有聽老人家講: 我地後生果陣d 野邊戍咁貴, 食個飯都係幾蚊咋嘛; 家陣竟然係我地呢班只係三十幾歲既人喺度嘮嘮叨叨: 嘩, 無野呀, 我以前細過果陣個大快活吉列豬扒飯連汽水二十蚊有找, 家陣三十幾蚊個飯仲要加8 蚊先有杯野飲?
陳兄~~
大多數通賬背後並不是生產量減少,而是供應商囤積存貨,刻意提高價格謀取暴利,真是無奸不成商!
如米糧太貴,可轉食其他類型,但嬰兒選擇不多,唯有靠奶粉做主要食糧,現在奶粉價高,那些供應商不止奸,還是殺人兇手!
發佈留言