文章點評：《 張慧慈--做個好男其實不難 》

Share

我是從來少看張慧慈的文章，只是個人喜好而已，當然，香港地做人要識撈，更何況比現實社會竟然還要複雜的所謂部落界，提到張慧慈，必先要醒定一點。


擁有強大港式時代女性讀者市場的張慧慈 又有新文章，此文是在下一位老友晨早溜溜電郵給我，這老友是股票佬一名，主要看夜市，難得大朝早有閒情傳來他偶像張小姐大作給我，除反映金融海嘯真的令市況淡靜，也足以證明文章可歌可泣，可觀性極強，極具觀賞價值諸如此類等等。


我作為識撈之人，當然唔會咁老襯去反駁張小姐智慧觀點啦，不過我也可以在這寒酸執笠小部落，發表一下「感想」而已，請注意，係「感想」咋，唔係批評，傻啦，在下拉車邊九丈遠還不及張小姐千分之一吧。


好喇好喇，飲過咖啡，看看文章：



慧眼看世界——做個「好男」 其實不難

2009-04-07 ( 刊於頭條日報 )


男性具備甚麼特質才會被女性公認為「好男人」呢？內地有婚戀網站調查一千七百萬名徵婚會員的意見，排出十一種女性公認為「好男人」的條件如下，符合愈多，愈嫁得過：


1.「他懂得尊重妳」——現代好男人最重要的條件是尊重所有女性。


※ 係有道理，我認同尊重女性，呢樣係文明社會普世價值，但好奇，「尊重所有女性」？咁女性罪犯又如何呢又？例如「食白粉可愛女歌手偽人」又係咪要「無問題」呢呵？ 咁妳話所有女性嘛….


2.「他的追求很有誠意」——他可能不是妳的最愛，卻是最有誠意的追求者。

※ 我是認同的，確是有道理，並非講反話。



3.「對妳關愛體貼」——他比任何人更懂得關懷及支持妳，掛心妳每句說話。

※ 同上。


4.「妳的家人朋友欣賞他」——他平易近人，容易相處，又能獨當一面。

※ 嗱，呢樣呢就好吊詭嘅。女方家人對阿女男友欣賞可以理解，但女方天眾「姊妹團」好難講喎，點知班姊妹咩心態呢，如果一班中餅單身樣醜又憎人富貴厭人窮嘅姊妹，信佢地一成包妳雙目失明喎。



5.「他提出很多對妳有益處的要求」——讓妳提升，而要求又合情合理。

※ Hey 好嘢呀，張小姐果然慧眼有見地，「有益處的要求」應該都包括做愛啦下話，嗱，好合情合理吖，做愛大家享受嘛，係咪好嘢先？張小姐多謝妳呀。



6.「他胸襟廣闊，寬容忍讓」——即好男不與女鬥，不挑剔女性。

※ 呢樣真係無得頂喇，好男當然不與女鬥啦，話之女方無厘頭兜巴星，一於無問題，幫女人拎手袋，記得「寬容忍讓，好男不與女鬥」，gentleman 嘛，唔好挑剔呀知無？



7.「他喜歡小動物，善待妳的寵物」——他愛護動物，也懂得愛護他人。

※ 咁一般嚟講，男女成為戀人，又好少會故意去虐待妳屋企隻狗仔貓仔嘅。


8.「他有自己的愛好，有運動習慣」——活潑好動的男人，容易令人喜歡。

※ 唔係好明，點解張小姐成日咁鍾意將佢個人喜好當作普世價值嘅呢？點解一定要活潑好動的男人才可愛呢？咁文靜男士係咪唔死無用呢？同埋又好奇一問，男人點解要時刻「期望討人喜歡」呢？你估而家寵物店小狗狗：「汪汪！主人主人快啲抱我返屋企啦」咁咩？



9.「他對感情無怨無悔」——經常談戀愛又經常失戀的男人並非失敗者，只要他們能透過失戀經驗來改善自己，對每一段愛情也真心付出，承擔感情破裂有關自己的責任。因為好男人不只要情深，也要敢於承諾。


※ 好似真係好有道理，但其實我唔係好清楚知道阿慧慈 Babe 究竟想說明乜嘢，又好似好矛盾，點解慧慈成日用佢嘅價值觀評定「戀愛出問題一定係男方唔妥」呢？？ 咁女人又須唔須要對戀愛有承諾呢？


10.「向他傾訴是安全」——懂得聆聽和溝通的男人最有安全感。

※ 老實講，我非常認同。講真的。男人要懂得聆聽和溝通，不能一味粗枝大葉。


11.「不會因為朋友而忽略妳」——他有正常社交圈和異性朋友，懂得分是非輕重，能夠將女友放在最佳位置。

※ 嗱，呢樣嘢呢，張小姐講得真係啱喇，無數港男都好極端，一係「有異性無人性」；一係就「有老友懶理女友」，這是港男要注意的。


這些要求全涉及態度，要做「好男人」其實很簡單。

張慧慈