Face Book 係：
1. 唔知點解，到而家都未有中文操作介面既。
2. 唔知做乜，Face Book 咁多 function，好似日日都學唔晒既。
3. 用左 Face Book，某程度上可以令人知道自己仲未死既。
4. 就算自閉，用左 Face Book 都會突然朋友滿天下既。
5. 就算名人，都可以無厘頭同自己成為 friend 既。
6. 有些人真心相信，Face Book add 既 friend， 真係會係 friend o黎既。
7. 如果閣下成身債，我勸你唔好用 Face book 喇。
8. 如果閣下得罪過好多人，就更加唔好用 Face Book！
9. 如果閣下想透過 Face Book 溝仔或識女仔，通常會失望既。
10. 如果閣下認為 Face Book 好多 friend會令自己出名，又會失望既。
11. 如果閣下有寫 blog，Face Book 幫到你。
12. 話時話，好多人有 Face Book，但十世唔 Login 既。
13. 某程度上，Face Book 日日 add friend，add add 下會上癮既。
14. 我真係覺得，Face Book 係高級過 ICQ 同 MSN 既。
15. 唔少人開始認為， Face Book 係自己既另類地盤o黎既。
16. 唔明，點解咁多人用 Face Book，但都未有中文介面既？
17. 又唔明，add 咁多 friend，其實會記唔記得架？
18. 更唔明，Face Book 咁多 function，有幾多真係會用？
19. Face Book 係最多人用但竟然唔 user friendly 既介面。
20. 用左 Face Book，某程度上真係以為自己做左明星。
21. 用左 Face Book，好似行出街都自覺多左 [ Face 屎] 。
22. 如果曾蔭權有 Face Book account，我一定 add 佢。
23. 如果狄娜有 Face Book account ，我更加要 add 佢。
24. 睇 Face Book，原來發覺好多人生活興趣同自己幾乎一樣既。
25. 睇人生活點滴，其實自己都唔算怪人既。
26. 睇人 Face Book 既相，原來發覺香港真係靚女多既。
27. 從另一角度，Face Book 都算係人間心理治療好方法o黎既。
28. 【你今日 Face左未？】 可能快成為城中口頭嬋喇。
29. 可能好快，人地唔係問你電話，而係要你 Face Book 個名。
30. 有左 Face Book，不出門都好似處身好多人面前咁既。
31. 好奇怪，呢 d 咁有創意既野，永遠都唔會係香港發明既。
32. 唔好奇怪，其實好多人用 Face Book，都真係唔知為乜既。
33. 好有可能，日後黑社會會以 Face Book o黎收靚既。
34. 更加有可能，日後警方會透過 Face Book o黎認人拉人既。
陳大文 作品
15 則留言:
我有用過facebook
但係冇中文版.真係好多function唔識用
有冇教學的=.=
我最常用facebook睇朋友upload佢地 function 啲相.
咦?! 乜原來你又識啊邊個架?
我睇完呢個語錄,作為一個facebook用家,我有以下回應:
1. add 咁多 friend，其實會記唔記得架？
唔會記得架...我自己本身都add左大約140個friend,其實除左好熟果D人之外,我都唔記得佢地架啦...add埋咁多人都係用黎show off o既姐,唔洗理係邊位架...
2. 好多人有 Face Book，但十世唔 Login 既。
的確有呢種人,我仲識好多個添!老實講,呢種人係畀人invite到煩曬先至有facebook o既姐...唔係自己sign up...
3. 唔知點解，到而家都未有中文操作介面既。
facebook其實算係英文比較好o既亞洲人同以英語作母語o既人o既專利.你見唔係太多人network係[Taiwan]或[China]就知啦;話時話,好似最近加左Spanish介面wo.
4. 睇人 Face Book 既相，原來發覺香港真係靚女多既。
無錯!呢個我絕對同意啊...雖然有好多貌似港女既人貼相...其實大陸仲多!去大陸D group睇下就知啦 e.g. [非主流XXX]
5. 我真係覺得，Face Book 係高級過 ICQ 同 MSN 既。
無錯,仲高級過myspace添! 好多人有myspace都無facebook架! 真係好高級!
6. 唔好奇怪，其實好多人用 Face Book，都真係唔知為乜既。
我係架!人地invite我就玩下囉!
***
呢篇好正!總括曬大家對facebook所有既感覺...
婉兒：
好耐無見( 指留言 )，妳 17 歲生日未？
我仲有篇乜乜語錄想寫既其實。
卡臣兄：
咪係 ~
我都話咯，如果狄娜有 Face Book acc. 我 add 佢係我光榮既。
好多f/b既function係冇乜用，得啖笑架咋。
有D人既function好似水蛇春咁長，搞到好肉酸。又好似好低B咁。
我都係頂唔順畀人日日invite，之不過，隔冇耐會撞番的舊同學。都幾有趣既。
不過我都係鐘意睇blog多D。f/b都係主要用黎做聯絡，post下相。
話時話，如果你個老細想add你做friend，你會唔會呢？
《 如果你個老細想add你做friend，你會唔會呢？ 》
係？..咁正 ~ ？
Hey Mr Chan! Facebook is only a "self-branding" tool!! It's not about connecting people.
Check out this TIME article. I also posted one here.
好正呵！好鬼死到肉,尤其是講人用facebook知道自己仲未死,成篇語錄好多金句,你係咪做廣告人呢？
唉，大文兄，唔add老細既話好似唔畀面，add既話D飲到貓晒既相，蛇王既相，有D癲癲地既相，就唔好意思post...
我都想快D 17歲啊...可以攞駕駛執照嘛...
個人認為，facebook很地道，「人有我有」，越多friend越有face。朋友，真係可以係facebook揾到？
Facebook helped me dig up all my old classmates from Norway when I go back. So it is definitely useful. Not much use to me otherwise.
鍾意影相,可以多個地盤發表啫!
結交異性???~真係會等到食屎都唔會有咩運行!!!
6. 有些人真心相信，Face Book add 既 friend， 真係會係 friend o黎既。
係講我呀? ^^" Half-half 啦!
11. 如果閣下有寫 blog，Face Book 幫到你。
對呀!很多人都是由facebook click去我的blog. 不過不知有多少人真的會有心看個blog...
18. 更唔明，Face Book 咁多 function，有幾多真係會用？
喜歡搞活動的話, event function 真係好幫到手! 省回不少電話/ sms費用!
30. 有左 Face Book，不出門都好似處身好多人面前咁既。
嗯, 快變御宅女了...=_=
發佈留言