指北京學生先襲擊軍人 要引起內戰
兩皇仁生錯解六四惹嘩然
蘋果日報 2009-05-24 報導
【本報訊】皇仁書院兩名學生昨日在一個六四座談會上，指當年北京學生受外國利用，要推翻中共，又深信當年屠城是因學生先襲擊軍車、軍人，要引起內戰。兩人言論引來全場嘩然，經歷六四洗禮的學生領袖和傳媒人即場「教導」二人，彌補學校不教的失誤。
該座談會由中學生聯盟舉辦， 30多名學生出席。他們先觀看六四屠城片段，再由講者講述當年見聞。至討論時段，皇仁書院應屆會考生李文棋說，六四頗恐怖，屠殺造成生靈塗炭，但反問「如果冇六四會點？中國會更加好？」他又認為當時學生被資本主義國家利用，「美國想透過民主運動，推翻共產黨。」
另一皇仁生溫駿瑋持類似觀點，「當時有人話，要趕走共產黨，迎接國民黨返嚟。」他不相信軍隊先開槍殺人，「上網睇到學生攞刀去劈裝甲車，啲人仲可以燒死埋（軍人），做埋燃燒彈去襲擊。」他堅信民主不適合中國，「仲有好多文盲。」
出席座談會的支聯會副主席蔡耀昌叫二人拿出證據支持論點，「有啲市民擲吓石，你知唔知係乜時間呀？係解放軍開槍殺緊人呀！」應屆會考生黃綺婷說：「坦克車一碌過就死，我揸把刀啫，可以做得乜？」社民連立法會議員黃毓民不屑溫駿瑋所說，「你講嘅都係流，今時今日冇人再咁講，好佩服你！」當年目擊六四屠城的記協新聞自由小組成員麥燕庭教導二人，切勿道聽途說，「你唔明嘅問題，趙紫陽已有答案畀你。」
兩名皇仁生會後表示，他們有修讀中史，李文棋說：「因為考試冇考，老師冇乜點教（六四）。」溫駿瑋稱，他是從網上得到有關資訊，強調真相沒人知，「話柴玲係第一個走佬，好多都咁講；話解放軍殺好多人，睇嗰啲片段無殺人，佢哋對住人民紀念碑頂開槍。」
註：本部落首先非常、萬分、極度、好很感謝香港著名名校中學皇仁書院兩位少年才俊的言論，關於兩位同學的觀點，本部落將會樂於回應。不日撰寫。即將推出。
( 真係開心到難以形容，我真係好鍾意聽見呢啲咁嘅言論！ )
10 則留言:
2 個食塞米的粉腸...
香港有救,皇仁都係咁 =.=
陳一諤嘅接班人。源源不絕啊。
咁樣嘅宣傳，呢吓皇仁真喺頭都大。
佢地呢番言論算唔算推翻之前某某高官話香港對六四既教育幾咁足夠 教科書幾咁足料既說話
試想下名校皇仁 仲要係修讀中史都可以有咁既觀念 可想言之香港對六四既教育有幾足 有幾真
其實我真係想知佢地係唔係刻意咁做??? 殺身成仁???
其实历史, 系由人写出来, 每个人都可以有唔同既写法.
點解呢兩個讀屎片上網只係睇到「學生攞刀去劈裝甲車，啲人仲可以燒死埋（軍人），做埋燃燒彈去襲擊。」, 竟然睇唔到學生俾機槍射殺, 北京市民俾坦克碾成肉醬? 亦睇唔到文字記載六四屠城的經過, 天安門母親被政府迫害至今? 邊個教呢兩個讀屎片上網時選擇性睇資料?
[其实历史, 系由人写出来, 每个人都可以有唔同既写法.]
>>> errrrrr...你呢句，就咁聽好似講得通，但其實係唔通的。
歷史當然係由人去寫出來、記載，但歷史係有史實記述、照片(指近代史事)、錄音、真人真事真正的 video，六四屠城並非「榕樹頭阿伯講古佬任你噏」的，發生在 1989 年，是很現代的事，正如《南京大屠殺》，已有照片、記錄片等等，不是「不同人不同寫法」的。
「不同人不同寫法」不是這樣理解，很遠古的歷史當然可以這樣說。
但大佬，1989 年咋，莫講話照片啦，video、甚至「數碼錄音」都有啦，其實根本睇當年的 Video 新聞片已很清楚。
我認為已無須再糾纏於「是否不同人不同寫法」的問題。
陰謀論，那兩個學生是中央派來的。
南蠻人：
唔.....果兩條友極可能係台灣間碟嚟！！！
其实历史, 系由人写出来, 每个人都可以有唔同既写法.
禁我想問:果d學生點解會流血,點解佢地有流血? 我有相為證!!
發佈留言