「香港青年發展網絡」呂智偉獲贈『縮頭烏龜』牌扁事件

Share

真係有人上門搵「香港青年發展網絡」果個肥仔呂智偉！精彩！

放心，已 back up，一定有 Seed。

邀呂智偉辯六四 團體出動激將法

(明報)2009年5月30日 星期六 05:05

【明報專訊】香港青年發展網絡召集人呂智偉，近排先後喺《城市論壇 》同電視節目就六四 事件同人「鬥噏」，令佢取代咗陳一諤同曾蔭權 成為大紅人。呢位「理性青年」話，支聯會 當年派錢畀天安門 廣場上嘅學生，令到學運變咗質，惹來爭議。有個啱啱成立嘅組織就擺下擂台，邀請佢辯論六四，並講到明，若果呂智偉下周二前唔覆，就會送個「縮頭烏龜」牌匾畀佢。

不回覆即送「縮頭烏龜」牌匾

呢個新組織叫「歷史青年聯盟」，召集人羅健熙話，早排陳一諤同曾蔭權嘅言論都令佢哋覺得奇怪，「但係曾蔭權唔會同我辯論，港大學生又已經處置咗陳前會長」，所以佢哋嘅目標係呂生。

羅健熙又話，曾特首同陳前會長嘅論調都算係聽慣聽熟，但呂智偉嘅「派錢變質論」就真係「夠創意」，令佢同一班朋友頂唔順，認為一定要正視，於是就喺5月24日、即係呂智偉擔任城市論壇嘉賓當日成立咗呢個聯盟。

頂唔順「派錢論」 組聯盟抵制

佢話，星期三已去信青年發展網絡會址邀請呂智偉辯論，又多次打去該會辦公室，但一直冇人聽。佢話如果下周二呂智偉仲唔覆，就會親手製作一個精美嘅「縮頭烏龜」牌匾送去該會，不過叫大家唔好期望太高，因「佢唔值得我哋花咁多錢」。

呂智偉：六四後再考慮

呂智偉就好堅決咁話，暫時唔會接受任何邀請，佢話《城市論壇》後，一直畀人騷擾，佢會暫時「柄」埋一邊，對「縮頭烏龜」亦冇任何回應。不過佢承諾過 咗六四之後等件事降溫，大家冇咁「情緒化」時，會認真考慮參加辯論，會接受訪問甚至寫文講返六四。羅健熙話，就算六四後先辯論，佢都會等埋呂智偉。