近期網誌簡介

2010年6月30日星期三

(完整版) 周澄@ FACE 專題 2010.06.29


周澄23歲勝在夠青春,在自家facebook內亦有好多自拍索照,難怪咁受班激進80後歡迎。



近水樓台
「o靚界民主女神」周澄,熱血又青春,23歲女雖然講明唔會從政,但「6.23圍攻立法會」咁大壇,女神當然奮不顧身幫拖圍剿,濕身坐街撐到行。


女有周澄,男方政改新代表就有週日在《城市論壇》舌戰劉慧卿?林輝,原來呢對政改新偶像曾暗交做真情侶,可惜戀情玩唔夠半年貨仔。平時氣吞天下?林輝上週聽到周澄大名,更即時強調大家私下冇再聯絡。
乜事咁避忌先?


暗角扯煙
上週三(23日),80後反政改圍立法會首日,又熱又落大雨,周澄忍不住於暗角扯煙,但事後周澄否認食煙說:「你鍾意點寫就點寫!」有相為證喎,女神!


大聲疾呼
前女友得閒扯啖煙,而林輝就四圍同其他80後做打氣發功,又上台大聲疾呼鼓勵士氣,不過林輝話:「其實我唔係太贊成下下要衝擊,不過如果要衝,最好用pat pat,避免警方控告襲警之餘,自己又冇咁傷!」



同場抗爭
早前社民連搞反政改記招,林輝坐在主角長毛隔籬,而周澄(紅圈)則站在後排,難怪周澄話自己:「我從來都唔係走到最前?種人。」



有仔合照
貴為民主小女神,周澄去到邊都受大班青年歡迎,身穿鬆身衫的周澄更不時有男仔上前索照,?到死的周澄亦幾乎來者不拒,好有禮貌。



攬仔加油
周澄於5月出選新界東「公投」補選拉票活動時,跟一名黑衫四眼男當街攬到實一實,周澄表示該四眼仔係佢大學同學,仲話已經拍?拖一段時間添。



週日(27日)城市論壇內劉慧卿(右)借粗口轉移出賣港人視線,林輝(左)反駁話:「你同黃碧雲(普選聯召集人)(左二)兩個不斷叫人唔講粗口,我??現場真係聽唔到有人講粗口。」《蘋果日報》圖片




林輝第一次出擊就係07年8月反對清拆皇后碼頭,當時佢自鎖阻止政府清場,林輝話:「之後都冇試過咁激。」《蘋果日報》圖片


自細在觀塘樂華村大,林輝話:「我唔係有錢家庭出身,一件名牌都冇。」


屋村仔變領袖
智庫(Roundtabe Community)總幹事林輝,父母係印尼華僑,自細在觀塘樂華村居住,家陣做左反政改領袖,中大社科系碩士畢業的林輝說:「我地冇分邊個係領袖,我地講公平,樣樣都會商量過先做,其實我唔覺自己激進喎!堅持到底冇問題?!」


今年11月就31歲的林輝,上週帶領大班80後圍攻立法會,至週日(27日)《城市論壇》單拖舌戰民主黨副主席劉慧卿,面對轉?民主派師姐冇有怕,反而林輝原來最怕自己女友。


怕女友呷醋
林輝今年4月於《明報》訪問內自爆跟周澄拍拖。上週三(23日)講起舊女友,林輝就好避忌:「其實已經係06、07年嘅事,我拍左幾個月拖,都唔夠半年。我地只係一般男女離合果種,普通感情問題嗟。況且我而家已有個拍左拖年半嘅女友,我同周澄私下冇再聯絡o架,更加唔會食飯唱K啦。你?唔好亂寫,我驚女友會誤會呀!」


而周澄亦無懼淋雨反政改,現場所見頗受場內80、90後青年歡迎。不過當日連場大雨加上又要企街,搞到身穿鬆身背心的周澄都要扯煙叉電,第二日更病埋去唔到圍立會。

周澄烈女敢作敢為,但問到食煙卻死口唔認,直至本刊表示有相作實,女神始肯低頭:「咁你地鍾意點寫就點寫,你仲問嚟做乜?!」扯煙唔肯認,跟林輝拍拖就更加唔想提:「同行動無關我唔會答!」而女神之母金像編劇岸西對囡囡的事亦相當避忌:「我唔答佢嘅問題,唔好再搵我!」有其母必有其女喎!


周澄掛住佢 馬草泥:「黐線啦!」
除左周澄同林輝紅,「維園阿哥」馬草泥(原名:任亮憲 Edward)亦係今期政改猛人,連周澄都忍唔住?馬草泥facebook話:「我好掛住你!」,又送埋情歌〈Somethin' Stupid〉憑歌寄意,搞到網友話佢地打情罵俏,可惜馬草泥話:「黐線啦,唔使發聲明呀?」


31歲嘅馬草泥正職係基金公司聯席董事,老豆係前立法局議員任善寧,有貨有背景,加上多年冇拖拍,難免令人誤會民主小女神周澄?佢facebook留言有古怪。

但對於想將周澄私有化,馬草泥就話:「希望我女朋友唔係社運人,搞社運會忙到變人乾,最理想係唔黐身同唔係小女人。其實facebook單?係星屑醫生留言話掛住我先o架,長毛、毓民仲有好多人都有講過,不過其中一個係周小姐?,我同佢真係冇?o架,黐線啦,唔使發聲明呀?」
最好啦,唔係驚宅男暴動呀!


孖住食
周澄先於馬草泥facebook內留言話:「我好掛住你!」但留言已經搵唔番,反而馬草泥於上月10日自己再提起話:「被周澄掛念」,上週三周澄又同社民連主席陶君行和馬草泥一齊食飯,難怪有報道話佢想將周澄私有化。



在美國讀大學的馬草泥表示世界盃最撐英格蘭,上週三撐完政府更約埋班friend去茶餐廳睇波,可惜英格蘭已經 16強出局!



挨住傾
於立法會外周澄同馬草泥好好傾,其間周澄更幾乎成個挨落馬草泥度,不過馬草泥斬釘話:「女友最好唔係社運人!」





陳巧文赤腳急奔
周澄出位前,以舉西藏雪山獅子旗聞名嘅「藏獨女」陳巧文亦一度係o靚界民主代表,隨住陳巧文連環遭人偷拍後變低調,上週三(23日)圍立法會首日,陳巧文都有同外籍男友蒲頭,問佢係咪撐「反政改」,她只說:「喂,你邊間o架?我唔會答你o架!」跟住便轉頭走人。

又冇著鞋嘅陳巧文跟澳洲籍男友 Mike圍立會,不過在中環遮打花園行人隧道撞正記者,掉低一句話唔做訪問就走人,再低調混入人群中。

去吧!反政改兵團
除?周澄林輝馬草泥,其實仲有好多政改有心人出心出力,個個都係無名英雄,希望曾蔭權聽?佢?聲音。

「反特權青年」




陳景輝 29歲
衝過警方防線,成功入到立法局內大叫「港人治港,高度自治」而被指擾亂立法會秩序?陳景輝,平時講嘢其實好斯文,阿輝話:「7.1希望後生男女會出?,感受?香港點解咁多反對聲。」




「星屑醫生」
歐陽英傑 30歲
上週圍立法會,「星屑醫生」歐陽英傑就同班志願者?立法局外set?個社運醫療站,仲特設胡椒噴霧急救液,醫生話:「將Johnson'sbaby防澀眼洗頭水,溝稀佢令佢起泡,就可以沖洗胡椒噴霧。」





「16歲苦行妹」
呂圖 16歲
當大家都認為90後係又懶又宅?時候,請望下呢個妹妹仔,赤腳行到隻腳損晒都係為左爭取民主,呂圖話:「港人治港,高度自治呢件事係冇發生過,我地只想有權選擇?!」

沒有留言: