關於地道香港式粗口，和一般廣東式的粗口是不同，香港式粗口有本土色彩，同樣一個【屌】和【撚】、【鳩】、【柒】、【Height (因不能出中文編碼--因此用英文同音 ) 、屄--正字】，套用在香港地道文化上，會和傳統廣東話不同。遲些再談。
不能出中文編碼的粗口字
本系列文章主要以香港地道粗口文化為主。
續上篇【撚】字。
6. 【做乜撚嘢呀】是帶有挑釁意味的粗口詢問句。例如想挑釁對方吵架，會大聲向對方說：【 你做乜撚嘢呀！？】。
又例如對一件事感到驚訝，一時間不知如何應對，也會說：【嘩！咁嘅？ 做乜撚嘢呀？】之類。
另一項用途，是熟朋友之間的趣味詢問語。例如朋友在忙著一些事情，會微笑詢問：【喂，做乜撚嘢呀？點呀？】以達到關懷的效果。
7. 【點撚樣呀】是有強烈挑釁意味的詢問句。例如雙方吵架，各方想表現自己很強橫，會互相向對方罵：【 點撚樣呀 ！？】 以達到怒火的效果。
但也可以放輕語氣，作為自我發洩用語，例如在汽水機買汽水，但入了錢沒貨出，會沒好氣地說：【點撚樣呀，我入左錢喎！】等等。
也可以作為朋友間的慰問，例如：【近排點撚樣呀，不如我幫下你啦？】用途是非常廣泛。
8. 【把撚】。【把撚】是使用率很高的結論語。【把撚】即是粗口化的【把鬼】。
對一件事的結論是【把鬼】，用上【把撚】，會加強語氣，並且更傳神。
例如：【咁貴，買嚟把撚咩？】、【屌！件餅都唔好食嘅，真係把撚喇】、【呢部車又殘又食油，揸嚟把撚咩？！】等等。用途十分廣泛。
9.【撚】字的另一種單獨使用方法，是無意思的連接詞。
例如【去撚左】、【食撚左飯】、【返撚左工】、【贏撚左、輸撚左】等等。這都是可有可無的連接詞，但加上【撚】字，便令語氣更為生動傳神。
例如說【食飯】是一個動作，但【食左飯】是已完成的動作，但【食撚左飯】就是有點滿足的語調，像表達自己吃了飯而且帶有滿足的意味。
例如【嘩！我今日贏撚左馬，好撚犀利！我請客，大家食撚左飯未？】。這是把【撚】字作為歡喜說話的應用，聽的人不會氣怒，反而高興，也不覺得粗鄙。
現特別提供引例，示範如果靈活使用【撚】字。
【 唉，而家啲嘢咁撚貴，點撚樣呢，人工又無撚得加，政府而家做乜撚嘢架，有無攪撚錯呢。果班高官正一撚樣，乜都唔撚識，都唔知想點撚樣喎。究竟政府知唔知應該做乜撚嘢架？咁攪落去，真係把撚咩！乜都貴，好撚煩，好撚慘！我都唔知點撚樣喇。特首根本唔明白市民苦況，正一撚屌，都唔知佢想做乜撚嘢囉，叫特首含撚啦！】
【雖然無乜錢，但咪撚唸咁多，去食飯先，而家餐廳大特價，好撚平之嘛，總之食撚左先算。】最尾一句的【撚】字，就是無意思的連接詞，但加上了令句子更生動。
以上為【撚】字的靈活快速使用法，相當方便。
陳大文 部落 2008
陳大文部落【陳大文 作品】© All Right Reserved
7 則留言:
嘩!
你最後果段示範真係「霹靂啪勒」
好傳神呀!
本人常用「是撚但」!
亦有聽人講過「O撚K」!
[门西]是不是读[西]?
我一向以为是读[西]哦.
門 + 西 ，這個粗口字，和英文【 height】同音，只是尾的【 t 】不發聲便可以了。
例如常聽見【屌你老母 height 】這句粗口便是用上這個粗口字。
意思是指【和你的母親性交】。這是一個非常粗鄙的粗口。
卡兄：
我比較少用【是撚但】，反而較多用【是鳩但】。個人風格而已。
【 O 撚 K】我也少用，我反而覺得【OK 啦，屌~~】好像順口一點。
歡迎交流心得<---我指粗口，當然。
有趣：如果把“撚”当作动词，就不是粗口，比如说”撚雀“
但把“吊”化成动和明词，都是粗口。
但“撚吊”是粗口，所以，“吊”是真正的大佬。
最後嗰段可唔可以急口令一次！好撚勁呀！
發佈留言