【本報訊】公民黨使出「雙辭」方案爭取普選後，即惹來親北京陣營強烈反彈。全國政協常委陳永棋昨日向「雙辭」方案大潑冷水，指香港民意已「接受晒」人大常委會否決 2012年雙普選，又稱港人就算再向中央爭取，中央也不會理會，「唔係香港人話要乜就要乜」。泛民主派議員直斥陳永棋是「奴才」，「狗口長不出象牙」，只懂不斷挑撥離間港人和中央關係，令雙方難以就普選達成共識。 記者：林俊謙
全國政協常委陳永棋昨日出席一個公開活動後，即向公民黨日前提出的「雙辭」方案 ( 若特首不交出真普選路線圖，泛民先在立法會五大選區各派一名議員辭職，以補選為公投；倘仍未達目標，泛民 23名立會議員總辭 ) 展開猛烈抨擊，指香港政改發展的整個過程，必須按人大常委會否決 2012雙普選的決定進行，指一切涉及議員辭職的建議，只會令香港社會分化，「香港係講和諧嘅，最緊要係經濟」。
他強調市民不應該透過上街、公投爭取普選，「唔係香港人話要乜就要乜」，指公投是「煽動、製造」民意做法，指香港民意已「接受晒」人大否決 2012雙普選，功能組別日後有需要保留。
職工盟李卓人力斥陳永棋昨日發表「奴才」言論，旨在中央與香港人之間「煽風點火、挑撥離間」，破壞港人與中央就普選達成共識的機會，「陳永棋發表呢啲奴才言論，至係令香港社會一直分化、唔和諧嘅真正原因。」他昨日與特首曾蔭權見面，就施政報告表達意見時，已要求曾親掌政改諮詢，並且再向中央爭取 2012雙普選。
民主黨「黨鞭」司徒華亦炮轟陳永棋昨日的言論荒謬，「公投係最民主嘅方法，點有可能係煽動？」又指出人大常委會釋法時，並無講明 2020年本港會落實普選，特區政府至今更拒絕交代終極普選模式，做法令人難以接受。
被斥當獨裁政權係阿爺
司徒華又指出，港人推動民主不等於不發展經濟，指經濟同政治發展關係密不可分，「連馬克思理論都係咁講」，批評陳永棋口中的只是「假和諧」，「佢口中嘅和諧，係社會冇晒聲至叫和諧；一個自由、民主社會，就係要有不同聲音，死水一片，並唔係真和諧。」
社民連立會議員梁國雄直斥陳永棋的言論「正垃圾」，「陳永棋係狗口長不出象牙，佢可以當一個獨裁政權係佢阿爺，仲有乜嘢好講，佢根本連做奴才都唔配！」
------------------------
拆局
激發泛民抗爭 非中央願見
接二連三有特區政府官員及政協常委高調批評泛民提出的五區公投建議，有泛民主派立法會議員認為，這些言論只會令泛民陣營內更多人支持激進抗爭路線，無助為政改達成雙方接受方案，更會在十．一建政 60周年前挑起更大社會矛盾，影響穩定，相信這不是中央樂見的局面。
「中間人」希望溝通
有泛民立法會議員指出，他們與內地一些「中間人」接觸時，對方不斷表明希望就政制問題進行溝通，無意再因政改問題激化香港社會矛盾。可是政制及內地事務局局長林瑞麟在政府發出的新聞稿中，白紙黑字把泛民打成「反對黨派」；陳永棋又表明中央不會理會港人普選訴求，「呢類行為根本唔係為普選爭拗降溫，而係不斷升溫，我理解係中央唔想見到咁樣情況。」
該議員坦言，政府及親北京人士這類打壓公投、打壓普選的言論，只會激起泛民陣營內年輕成員的情緒，令泛民對政改立場更激進，「佢哋只會更加覺得，特區政府同北京根本唔會同香港人傾、唔會理香港人民意、唔想有對話，惟有用激進行動抗議，要有共識只會更加難，更加冇妥協空間。」
本報記者
全國政協常委陳永棋昨日出席一個公開活動後，即向公民黨日前提出的「雙辭」方案 ( 若特首不交出真普選路線圖，泛民先在立法會五大選區各派一名議員辭職，以補選為公投；倘仍未達目標，泛民 23名立會議員總辭 ) 展開猛烈抨擊，指香港政改發展的整個過程，必須按人大常委會否決 2012雙普選的決定進行，指一切涉及議員辭職的建議，只會令香港社會分化，「香港係講和諧嘅，最緊要係經濟」。
他強調市民不應該透過上街、公投爭取普選，「唔係香港人話要乜就要乜」，指公投是「煽動、製造」民意做法，指香港民意已「接受晒」人大否決 2012雙普選，功能組別日後有需要保留。
職工盟李卓人力斥陳永棋昨日發表「奴才」言論，旨在中央與香港人之間「煽風點火、挑撥離間」，破壞港人與中央就普選達成共識的機會，「陳永棋發表呢啲奴才言論，至係令香港社會一直分化、唔和諧嘅真正原因。」他昨日與特首曾蔭權見面，就施政報告表達意見時，已要求曾親掌政改諮詢，並且再向中央爭取 2012雙普選。
民主黨「黨鞭」司徒華亦炮轟陳永棋昨日的言論荒謬，「公投係最民主嘅方法，點有可能係煽動？」又指出人大常委會釋法時，並無講明 2020年本港會落實普選，特區政府至今更拒絕交代終極普選模式，做法令人難以接受。
被斥當獨裁政權係阿爺
司徒華又指出，港人推動民主不等於不發展經濟，指經濟同政治發展關係密不可分，「連馬克思理論都係咁講」，批評陳永棋口中的只是「假和諧」，「佢口中嘅和諧，係社會冇晒聲至叫和諧；一個自由、民主社會，就係要有不同聲音，死水一片，並唔係真和諧。」
社民連立會議員梁國雄直斥陳永棋的言論「正垃圾」，「陳永棋係狗口長不出象牙，佢可以當一個獨裁政權係佢阿爺，仲有乜嘢好講，佢根本連做奴才都唔配！」
------------------------
拆局
激發泛民抗爭 非中央願見
接二連三有特區政府官員及政協常委高調批評泛民提出的五區公投建議，有泛民主派立法會議員認為，這些言論只會令泛民陣營內更多人支持激進抗爭路線，無助為政改達成雙方接受方案，更會在十．一建政 60周年前挑起更大社會矛盾，影響穩定，相信這不是中央樂見的局面。
「中間人」希望溝通
有泛民立法會議員指出，他們與內地一些「中間人」接觸時，對方不斷表明希望就政制問題進行溝通，無意再因政改問題激化香港社會矛盾。可是政制及內地事務局局長林瑞麟在政府發出的新聞稿中，白紙黑字把泛民打成「反對黨派」；陳永棋又表明中央不會理會港人普選訴求，「呢類行為根本唔係為普選爭拗降溫，而係不斷升溫，我理解係中央唔想見到咁樣情況。」
該議員坦言，政府及親北京人士這類打壓公投、打壓普選的言論，只會激起泛民陣營內年輕成員的情緒，令泛民對政改立場更激進，「佢哋只會更加覺得，特區政府同北京根本唔會同香港人傾、唔會理香港人民意、唔想有對話，惟有用激進行動抗議，要有共識只會更加難，更加冇妥協空間。」
本報記者
沒有留言:
發佈留言