評 『港男 81 宗罪』

Share

其實我真係無認真睇過乜乜『港女 N 宗罪』、『港男幾多宗罪』，因為睇見好多所謂港男港女指控，都幾無厘頭，而且文字相當差，隨時唔明佢地(港男港女) 想表達啲乜。

袁彌明評『港女 81 宗罪』，我又來湊湊熱鬧，評『港男 81 宗罪』。


註：這個『港男 81 宗罪』錯別字和頗多，及有些詞不達意，我已經盡量改正。




1. 嫌尖腥悶嫌三嫌四----好多港男都好扮嘢，幾乞人憎
2. 出街俾錢時扮冇帶/唔見銀包,請女食飯要女用肉償----扮無帶銀包好厚臉皮，但我諗正常男士唔會請女友食飯要條女肉償呱？你咩女溝咩仔呢？
3. 口頭話唔愛港女,實際媾唔倒港女----不同意，太極端
4. 國際任何女都媾唔倒----如何引證？
5. 最低階之御宅港男----點謂之最低階？標準係咩？
6. 鍾意叫雞----一個個人咋喎，但如果單身男去妓嫖，咁有咩問題？
7. 口頭話港女衰,實際係老婆/女友奴----不太同意，一個個人而定，但我知道好多擦港女鞋的狗公，真是老婆、女友奴
8. 搞大女人肚即走路----個別例子，不能代表大部份男士
9. 趙完鬆----有啲無厘頭，咩女溝番咩仔？
10. 女人生日時一定玩失蹤----真係一個個咋喎，可能閣下的男友特別差
11. 樣衰衰,自己唔掂又要媾靚女----都同意，不自量力
12. 媾唔倒網上散播該女之電話相msn----妳遇到呢類仔嗟，妳自己係咪 Wet 妹先？
13. 自己偷食反向GF發爛渣----都話妳識著呢類仔，妳自己又係咩女？
14. 每逢比錢借尿遁----同上，妳望下妳自己係咪『出嚟玩』果類潮女先啦
15. 佢有錢時扮收唔倒call,永遠唔覆機,想借錢時哈巴狗,踢都唔走----同上
16. 要GF上佢屋企掃地執野做工人,仲要搞完即趕走----同上
17. 成日成隻狗，冇Ｄ主見----但港女見男人有主見，又會話『唔 gentleman』喎，如何是好？
18. 學歷低，冇料又唔識收皮----頗為同意，認屎認屁
19. 人工低，廢人一個----人工低又唔代表廢人，妳人工好好咩？
20. 剩係識溝大陸雞，扮大爺----將所有大陸女人評為『雞』，妳都好膚淺
21. 自己弱雞就話女仔要求高----咁妳搵個勁啲嘅男人囉(如果勁男都睇中妳嘅話)
22. 衣著冇 taste，出街見人扮型仔----Taste呢樣嘢好難講，好多港女都其實無乜 Taste，但又以為自己好 Fashion
23. 講嚟講去得把口----頗同意
24. 成日話唔敢高攀港女,根本高攀唔起----不同意
25. 唔識就女仔，自私----咁但係男人好遷就妳，妳又話無主見嘛
26. 比錢小小嘢成日同女仔計，冇Ｄ 風度----妳識果種男人咁嗟，妳諗下點解成日遇著呢類人先吧
27. 養唔起女仔又成日阿芝阿佐----乜唔係話香港女性好獨立咩？要人養咁掉臉？
28. 去完廁所唔洗手，臭過地底泥----Sorry妳識果個係咁咋
29. 女仔叻又唔識欣賞同學習，冇Ｄ長進----妳罵少陣人地至可以學習嘛
30. 自己質數低又唔安於現狀，賴蝦mo想食天鵝肉----咁就睇下妳係咪『天鵝』喇
31. 唱k走晒音,夾硬賴支咪壞----Wet 妹無聊指控
32. 所謂去街其實係帶條女落公園行----指控很含糊，可否具體一點？
33. 請食飯其實係叫自己呀媽煮----好夾硬嚟嘅指控
34. 生日禮物係安全套----妳條仔係咁嗟下話？
35. 底褲仲係呀----想表達乜嘢？？？
36. 2、3十歲人成個小朋友咁，唔成熟----但成熟男士港女又話『老餅、中男、outdate』嘛，唔扮細路都唔得啦
37. 做野唔經大腦，其實係米冇腦？----同港女旗鼓相當
38. 揀女仔剩識睇樣同身材，膚淺----但港女揀男人只睇身家和外型，五十步笑百步
39. 講野言之無物，垃圾口----妳識果啲男人係咁嗟
40. 牙屎肚腩地中海，影衰女仔----同意，仲映衰男人添 ~
41. 世界多俊男，但係香港俊男少到冇人有----無聊指控，乜都妳講晒
42. 男仔樣衰唔係罪，但係香港醜男多到冇人有----可否具體解釋一下『樣衰』和『醜』的分別？
43. 老婆同係捱唔識感激，廢物----個別人情況，祝妳好運
44. 成日睇日本AV，睇完溝唔到女就叫雞----咁都好過港女去蘭桂芳湊鬼佬做免費雞，對嗎？
45. 拍拖有sex當老逢，邊個話一定要比你sex架？----好難評論這類極端指控
46. 鍾意影人裙底----這是犯法行為
47. 約會第一日.喉禽要濕吻----妳識果個係咁嗟
48. 當老婆係狗,唔知家用兩個字點寫----指控太不具體
49. 當女友AV女郎,逼人做呢做路----個別人而定，有些女人很 enjoy
50. 要老婆女友都係處,自己反而狂搞人----我反而想知香港今時今日仲有幾多處女？
51. 出黎行古惑，10個9個都係男----妳識果班係古惑仔嗟
52. 打交搶野犯案累累，10個9個都係男----妳不如話『做雞都係女人』？
53. 成日多多要求，少少付出，做下義工先啦----頗為同意
54. 成日怨天怨地，又唔識進修upgrade下自己----比較難評論，進修也要看社會情況
55. 叫佢幫手,慘過挨契弟----乜唔係好多狗公自告奮勇咩？
56. 外母生日,永遠帶個桔----指控太含糊
57. 吹到自己電腦幾咁勁,叫佢修腦完全冇----頗為同意
58. 陪friend去邊都話得,你講多兩句就唔得----唔係喎，剛好相反喎，好多港女都要干涉男人一舉一動喎
59. 斃家伙,男友變色魔----乜撚嘢指控？
60. 特別小氣冇風度----具體一點好嗎？
61. 唔記得阿媽都係香港女人----妳其實想表達乜撚嘢？
62. 自己條女叫靚女，人地條女叫港女----非常同意！
63. 專打拚音,英文差又唔識打中文,仲以為自己好勁----港女都係咁
64. 講就183,出到來變153----咩嚟？？？
65. 第一句問妳要msn,第二句問幾歲三圍同叫妳出來玩----妳的生活圈子係咁㗎？
66. 講就碩士,事實係食屎----為順口而言的指控，甚無厘頭
67. 鐘意扮版主亂搭爹----無興趣評論
68. 銀包有十張咭,張張都爆晒----妳識果個係咁，Sorry
69. 見倒名牌shop,即刻兜路走----妳想點，入去見工？？
70. 貴係佢口頭蟬,問佢去邊食,間間都話貴----咁係咪妳想去的餐廳真是太貴呢？
71. 坐巴士用膝頭un前面(尤其前面是女仔)---- 港女都有此舉動
72. 坐巴士扮訓著挨個頭落女仔o度----妳係指陌生女人還是女朋友？
73. 搭扶手電梯中意及前面女仔裙底----唔係嘛，有幾多個呀，唔好講得就講下話？
74. 呢頭話人靚女..果頭衰o左唱你正港女----都幾同意
75. 放飛機唔使本 冇負任感----非常、極度同意
76. 專門向d女仔借錢.迫你做擔保.---- 妳身邊果班都係呢類古惑仔？
77. 話接你食野,根本要你找數.---- 妳的個人遭遇？
78. 爆房錢要你比.---- 妳只能結識呢類古惑 Playboy 嗎？
79. 暗地裡媾你d friend----好難咁樣評論
80. 成日講搵唔倒..原來去晒賭----妳識親都係呢類男人，幫唔到妳
81. 一句唔埋就打你.---- 妳係時候檢討下，點解妳識親都係呢類男人，如果妳明白「物以類聚」的道理，妳會明我講乜。


伸延閱讀：

袁彌明： 評 港男 81 宗罪


※ 推薦閱讀：

話語雜談【四】張天愛

話語雜談【六】張瑪莉

話語雜談【七】高文安

話語雜談【八】楊采妮

話語雜談【九】楊寶玲

話語雜談【十】

She teaches you in a Diamond Way