FACE ：林潔瑜 --最醜港姐唔知醜

Share

第 117 期 FACE 周刊

好開心，真心多謝！(真實對白)


高登新女神　最醜港姐唔知醜

2009年08月19日
今年港姐水準超低，班高登網友愈睇愈火滾，忽然發起曲線插無綫，齊齊力捧今屆極品，今年 25歲嘅候選港姐 b「女版許愿」林潔瑜，聲言要令 b成為今年港姐冠軍，玩殘無綫。不過最估唔到係林潔瑜（ Esther）超純情，玩佢當捧佢，喺 blog入面多謝班高登「巴打」，仲感激佢哋「完成 Esther嘅夢」。
瑜瑜一開口，班高登友即時中晒毒，竟然玩嘢變成堅捧佢，仲發動全港高登友幫佢拉票，結果瑜瑜成功變咗港姐人氣榜 no.1。
瑜瑜本週六比賽攞唔攞到冠軍就未知，不過咁多人撐你，當贏咗啦！


背面索
睇勻全身，瑜瑜唔見個樣見個玉背算係最索，起碼夠滑溜一粒暗瘡都冇！


新女神 icon
高登仔之前勁冧周秀娜，不過經過過去一星期狂谷，瑜瑜已經變咗高登嘅新女神 icon。

側睇似奇獸.


天生面相精奇，講真左右睇都唔算係索女，仲有少少似食蟻獸，高登友就話冧佢講嘢「夠 pure」，好有深度呀！

瑜瑜升呢

喺高登仔轉炸各大人氣榜後，瑜瑜破天荒係第 1位候選港姐榮登 TVB官網藝人 blog榜嘅第 3位，瀏覽人次接近廿萬，騎住胡囧 o架！


瑜瑜喺 blog內嘅個人介紹話最滿意係個嘴唇，而班高登仔日夜上網拉票，結果瑜瑜個五角表係欠美貌一欄未爆燈，好在班高登友都未盲得晒。


官網自評

高登仔為瑜瑜開 post逾百個，話瑜瑜似高登個女，不過又有網友拎瑜瑜做發洩對象， cap番佢嗰陣喺《美麗告白》剖白畀網友彈似哨牙田雞，之後改觀讚佢靚個開心樣。對自己成為熱潮，瑜瑜亦不時於個人 blog內回應。

女神爆衫

女神未夠 perfect，高登仔最鍾意惡搞，仲將周秀娜嘅剝衫、刷牙相混合，妙手回春，仲讚瑜瑜合成相正過正版。


醜女日記

25歲嘅瑜瑜任職美容顧問，份工就斯斯文文，原來佢好鬼活潑，細細個已經鍾意跳舞，愈大愈鬼馬。


瑜瑜於何文田五旬節中學（ band 2）畢業，之後大學就喺教育學院讀，佢仲同本刊話：「我中六中七係 dance so主席，同學生會副主席！」好多瓣數喎！

有仔吹水

女神瑜瑜話自己未有男友，上週六（ 15日） TVB排完舞後搭地鐵返北角唐樓屋企，其間有一無綫職員同佢吹水，高登起底組仲唔快啲做嘢？


女版許愿真開心


週六（ 15日）本刊拎咗張網友整嘅加冕相俾瑜瑜，佢即時開懷大笑，天真過天真嬌。

F：《 FACE》　林：林潔瑜
F：網民同你整咗張加冕相！想推你做冠軍喎！
林：好靚呀！好開心！多謝佢哋！
F：不過佢哋實情好似笑你醜？
林：當佢哋講笑，冇打擊啦！我睇正面評價！
F：你覺得你邊度最吸引人？
林：（甜笑）眼啦！因為笑起上嚟，眼神好吸引人！
F：仲有冇地方要改善吓？
林：皮膚啦！要 cure（治療）吓……（伸脷）呢排好多粒粒吖！
F：你同學仔喺《美麗告白》讚你似 Yumiko！
林：（愈講愈興奮）你有睇吖？哈哈！係呀！都似 o架！大家個 feel好似，又白又手長腳長啦！
F：你知唔知網友想幫你出攬枕？
林：吓……佢哋唔同樣嘅支持我都好開心，真心多謝！


週六（ 15日）本刊拎咗張網友整嘅加冕相俾瑜瑜，佢即時開懷大笑，天真過天真嬌。


Yumiko藐晒

瑜瑜被舊同學讚似 Yumiko鬼咁歡喜，不過 Yumiko就相反，當記者遞咗林潔瑜張相畀佢睇之後，佢就有啲火同記者話：「你覺得我同佢似咩？」之後仲掉咗張相畀助手睇，「佢話我哋似樣喎！」

你覺得我同佢似咩？(真實對白)


面相有才華
女神有女版許愿之稱，元祖許愿之外，圈中仲有其他許愿巴打，許愿原來係大家族，據華懋風水專家證人司徒法正師傅話許愿型面相嘅人鼻大有才華：「林 潔瑜甲字面形，晚年運氣差，好彩佢下巴兜番啲，咁就有番少少福氣，不過佢眼有光澤、好靚、有貴氣，呢樣應該係幫佢入到 10強，但係佢鼻大主觀，性格古怪，好有藝術家脾氣，照推斷佢應該攞唔到冠軍。」